12月12日(二)睡好精神差,個B請假,上水茶聚,晚餐同老豆食.

2023/12/12   星期二   晴   25C

昨晚無煮食,食幾隻包仔算,10點半上床瞓,夜所兩就瞓到今早7點半鐘醒,賴床8點鐘起床.

起來如常烚水搞早餐,新抱以蒲頭,話個B昨晚夜瞓兼腳痛無返學喎,老婆蒲頭,0919我早餐.

餐後辦埋件事1030,新抱返工,個B還在瞓.衰豬瞓到成11點鐘才蒲出來,唔聽話叫極都唔洗面擦牙,我都費睬佢.

1220嫲嫲幫個B學校攞功課,回來見還有時間,就叫個做住功課.

1245係時候北上下午茶,大圍站轉車,有人讓座,個B 有手機, 就順順利利1341到上水站,跟住步行16分鐘便來到海禧商場,酒樓就在二樓.

上到去人已經來齊,上次茶聚同樓同枱同人,係三個月前,9月18日,坐落傾過𣎴停,一來到表姐就比一百蚊過個B買嘢食,而森最近回鄉,比我家鄉手信,有菜乾淮山同茶葉,我就覆診有好多便秘藥草餅,分啲過佢哋.

個B就有手機就會坐定定,表姐又來嗰套,靜雞雞去找數,老婆醒目,晨早拿了張單,老婆找數483蚊,我話我請啦,佢哋點都唔肯?後來還是AA,坐到人家收枱,1547才離開.

離開森兩公婆話去領華旅社睇吓喎?表姐兩就小巴返粉嶺,我們同呀比兩就去上水站搭火車.

行到球場仔,比兩個話去買嘢,我們就此分手,我哋三爺孫就直去上水站.

順利返回自己站下車1648,又還吓個B承諾,讓佢瀡吓滑梯,瀡幾吓就齊齊返歸.

回家1709,見個仔未返,我都嗱淋沖涼 嫲嫲篤B做功課,個B喊咁口嗌唔識做,老婆要處理今晚餐,為有我來教B,冇耐佢老豆返,啱晒,交回個波佢跟,我都閃入房攤床手機,跟住新抱娘亦返.

1943老婆叫開餐,我就番熱碗冷飯同老婆食.