昨晚上網搞兩搞成1點鐘至瞓,瞓到6點多鼻水塞醒,呻咗輪都係無辦法,為有食粒收鼻水藥,之後一覺9點鐘醒,睡來尚算可以,洗個面辦大事,又幾好,見還未食早餐,一於來個2015第一磅140差少少.
頭威頭勢食餐好啲,腿蛋冶稀奶麥皮.
元旦賽馬日,又有票入場,有匙扣送喎,又約同華仔,單車進場,來到馬場入口兩點鐘,
進場送個匙扣,
票就兩張,又要離場走多轉,執咗兩個扣後,華仔又話要走轉,見佢廿四孝,又幫華仔一同走轉,搞掂後華仔有4個扣,我就兩個扣,謂個爛鬼扣行到餐懵.
攞完扣齊齊找地方賭馬,我手機wifi上網賭,於是走入地下上網區,誰知搞極都連不到線,於是服務台揾姐仔,佢又話唔掂,我話唔掂又會做到上網區服務員個位?後來終於搞掂.
賭馬幾時都係在家好,起碼不用頻撲,電話螢幕細細,又唔用開?真係鈎頭,趣趣哋賭了30元,中隻唔中隻,跑完第十場都走人.
回家都6點鐘,嗱淋鎖匙穿上扣.
夜餸就老婆買,煲落個湯就我來煮,薯仔蕃茄洋葱15.5蚊,西洋菜4蚊,豬扒10蚊.
洋葱豬扒
元旦賭馬你都係欠運，攞個匙扣當安慰獎。
回覆刪除你约140磅，我好耐無磅也不知幾重，本想去完圭峰山想將相放上fb,
但很忙，這两天去了師父處誦經至通宵撻旦，早上回來倒頭又睡，晚飯後未夠九点又睡，人到中年，捱一晚通宵要再睡很多，才能補回。
上fb才懵剩剩，fb的出生年月日也是老作，不是真的，今年的羊年才是我的年。
你的blog我每日也有看，不過又時太攰，無留言啫，吾知点解，我郁吓企吓也要休息很久才能補充體力，寫了太多私人事，願新一年你及家人也健健康康，開開心心。
入馬場叫做有借口走走,運動吓囉,同有朋友吹吓水,要賭幾時響企對著電腦好,不芳不忙舒服得多,不過要有節制囉,C搏爛搏賺出事,104磅算Keep得叫幾好,我久久會磅吓,我昨晚都好攰10點鐘就瞓,.
刪除好多時網上嘢都係老作啦,都無所謂囉,今年我都會少啲寫,太平凡寫多無謂.
我又嘛係,不敢去游水,喱輪重差,百病緾身,又鼻又耳嗚,一年不如一年唉!各有各難,一家不知一家事.
大家咁話,不進步,千奇咪大大退步.
好奇怪，我的一大段留言不見了。
回覆刪除經你一講,我才去睇吓垃圾,原來真被過濾掉咗落垃圾箱,有時好多違法留言,佢會咁做囉.
刪除我都有入場,都系有免費飛有野送才入去走走.....
回覆刪除我好DD有少少收穫,希望2015好開始................大家事事如意!
我都係為攞個匙扣,若果手機連不到線,都唔鬼賭添,咁多馬真係好難中,你就好嘢囉,唉!橫財無無所謂,最緊要身體健康,大家咁話事事如意.
刪除我當都有入場, 果日有個馬主帶左4個孫入場...佢後來拉頭馬.
回覆刪除係咩,都係貪有票同有伴才入去.
刪除