下午茶潮家,麥道舞買,兩個人食.

兩點鐘依然出動,自從禾輋間潮麵裝修,無咗雲吞麵食,幾天來都無去過.

今日搭程車過市中心,落咗車向瀝源方向行,一路行一路諗,今日食乜嘢好呢?

行到瀝源間潮家,不如就喱間,唉!水牌寫到滿天星一樣,霎時間都唔知食乜好,有時無得揀好過有得揀,認真費神.

諗咗輪好耐,才篤個鹹魚肉餅盅頭飯餐,飲奶茶24蚊.都唔理老婆食乜,第一時揾位坐.

老婆買嘢回來坐低.

話咁快我盅飯以經到,一睇鹹魚肉餅變咗鳯爪排骨飯,唉!肚餓都無謂挑剔,照殺.

差不多食晒盅飯,奶茶才到,蒸飯當然快,茶還要沖.

吃後老婆個餐才到,係雞粥配炒麵30蚊,30蚊係大份啲,老婆食極唔完,我為有幫口,唉!兩公婆食到飽飽.

吃後嘗試吓有無wifi,哈!免費wifi真係無處不在,今劑竟然csl,重係30分鐘,比其他7仔,老麥多10分鐘,咪睇少10分鐘,唔煲劇睇吓股覆吓whatsapp都足夠有突.

 離開潮家行吓雞寶,行埋759再行埋沙田街市,無斬獲麥道舞買,離開街市無耐,見條伯父拿住袋魚,揈吓揈吓,我睇住老婆咪被佢揈襯,一路揈一路媽义,有無搞錯,菜芯14蚊斤,哈!佢梗係什少行沙田街市,我話全沙田買菜最貴係佢.

之後同老婆踱公園,行吓坐吓,返歸都6點鐘.

夜點我來煮飯,又係清雪柜有三文魚腩約4蚊,四季豆約2蚊,雞肉約3蚊,雞蛋兩隻2蚊,一些肉碎.

 雞肉炒四季豆.

 香煎三文魚腩.

 

肉碎蒸水蛋.

  

兩個人食,今餐大約12蚊.

 飯後柑