今日搞咗啲嘢,就係有紅棗,黑豆,木耳,黑芝麻加兩薑,木耳切碎,加水全部一齊煲,粒多鐘搞掂,攪伴機打成糊,倒起入樽放雪柜慢慢食.
兩點半鐘,依然老婆出動,搭程車出市廣場,踱去瀝源商場食拮野,兩公婆每人食個下午茶飯,飯後行商場兼買餸,又係無嘢好買,4.5蚊買舊豆腐返.
同老婆踱住公園返.行吓坐吓,煙雨矇矓雨粉粉,坐陣行陣,返歸都5點多.
同老婆踱住公園返.行吓坐吓,煙雨矇矓雨粉粉,坐陣行陣,返歸都5點多.
今晚依然雪柜料,齍係買咗件豆腐4.5蚊,其他有紹菜,梅頭扒一件4蚊,蝦米同粉絲.
粉絲蝦米炒長椰菜.
今日城門河出現左條䲔魚仔呀
回覆刪除我今日無過大圍,唔係好可能睇見,新聞話可能係巨蜥,個頭好尖,唔似鱷魚.
刪除是5爪金龍似的, 一定不是䲔魚仔
刪除我都係不太清楚瀝源在那裡，你昨天講的好運中心，沙田中心，新城市廣場我都識，還有希爾頓中心，這幾座也是連在一起。由城門河的橋可以行去禾輋，是嗎？
回覆刪除你碟豆腐要很有心機煎，有没有外脆內軟的囗感呀！
哈!好簡單好運中心,隔離就瀝源,響百佳度行過天橋便是瀝源邨,再過就係禾輋囉.
刪除豆腐乾身慢火煎之嘛,薄啲快啲囉,煎唔夠兜兩兜爛晒架,小小濃就OK囉.
瀝源橋係過對面沙角邨同乙明邨咋.
刪除餸菜吸引,想吃 😋
回覆刪除哈!普通下價嘢,有何吸引?
刪除你好金寶湯,翻看你早前文章,知道你有流鼻水,耳鳴困擾。其實會否是鼻敏感引到耳鳴呢?(純粹個人猜測)
回覆刪除我爸爸幾年前有嚴重鼻敏感,有朋友教以下方法,後來慢慢好了,希望食療幫到你! (記得爸爸當時吃了3個月左右開始見效)
首先準備黑豆,用濕布抹乾淨,之後白鑊炒至微爆開,盛起放凉。
黑豆完全攤凍之後,放入玻璃瓶,倒入白醋,一定要浸過豆(否則會發霉)，蓋好蓋放存1星期。
浸發後撈起黑豆放另一個玻璃瓶(餘下白醋不要了)存放在雪櫃,完成。
食法: 1日3次,每次15粒
祝早日康復!
多謝你,有咁耐性看,起初我都係咁諗,第一次看醫生都係針對這方向,但大半年都無大進展,大大話話都試過好多方法,但都係無唔掂,要做以經做晒,中西醫針炙,耳鼻喉專科都睇過,而且每樣一段時間,網上奕搜尋不小良方,耳鳴真唔簡單,好複雜.
刪除好多謝你的料,黑豆係好材料,功效好大,我都有時常食,不過你方法邏輯上有點怪?黑豆浸醋好普遍,應該醋同豆都要食囉.以下條方同你所講差不多,不過主要食埋啲醋,咁方便黑豆醋,我會嘗浸來食,多謝你來料,或者你睇以下條方,係咪邏輯些.
http://www.healthy-food.hk/?p=2969
比d耐性持續吃。希望你跟我爸一樣慢慢好返!!
回覆刪除哈!舊年7月至今,成8個月,都打定輸數,唯一希望唔好惡化到接受唔到,聾同嚴重困擾.
刪除