擺烏龍,游水600m,晚飯兩人食.

昨晚灣仔行出埋youtube後,成12點半至瞓,還好一覺可以今早6點鐘,近期來講算是好瞓一次,洗個面辦妥一切事務,mytv追回昨日灣仔行無睇一集十月圍城,看後閉目聽電視恰番陣.

恰醒剛好12點鐘電視十月圍城,一看熟口熟面,大鑊今早mytv剛看過,唉!擺烏龍看早咗一集,無偈,為有又mytv追回上一集.

看後一點多鐘,食埋昨晚些少米粉,如常過源禾路游水,天陰陰不用曬,涼浸浸好舒服,100m又100m湊夠600m夠數走人.

過大圍買餸,買有木瓜4隻10蚊,廚房酒15蚊,京葱一扎4蚊,薯仔4蚊,方包9蚊,三和豆豉鯪魚10蚊,秋刀魚10蚊.

 今晚餐料有午餐肉數片,洋葱小舊,京葱一條,雞蛋兩隻,秋刀魚4條.

 

香煎秋刀魚.

 雙葱餐肉炒蛋

 兩個人食,見通櫃酒,開支飲鬼咗佢,今餐盛惠約15蚊.

飯後果木瓜

 

飯後好想食甜嘢,就煮包湯圓食.