打薄換薄,游水600m,下午茶拮嘢,麥記雪糕,晚飯三人食.

昨晚累到C,11點鐘都瞓,瞓前有點氣喘,無辦法為有噴兩吓擴氣管藥才瞓,太累一撻就著,一覺還是5點鐘醒,唉!無偈以成慣性,6點鐘望住老婆起床返工,百無聊頼,洗個面上網,跟住整早餐辦大事,上輪網閉目聽電視,閉輪目又12點鐘十月圍成,等陣要游水,邊睇邊淥個麵打打底.

老婆來電叫記緊同佢打薄喎,時間好快,老婆返工又整整一個月多,第一次出糧喎,咁就早點執齊游水嘢同銀行薄,過市中心先替老婆打薄.

過到銀行打完薄,本薄爆咗,為有換薄,去到以為排第二會好快,誰知等餐懵,連做緊個客都不好意思,說後便個客等得太耐,無偈,櫃枱個又新仔,搞到我走又唔係唔走又唔係?個客都心急,話張表比我薟名,你才慢慢填,咁至才輪到我,櫃枱條友同我講對唔住,佢話佢讀完書第一份工,我話我知,喱個老人櫃枱圍係我常客,睇住你來開工,我還說咁多行你唔做,責任重大呀,好快換完本薄仔走人.

嗱淋趕去泳池,閘口望吓個牌,大池依然停用維修,再睇真啲掉...原來6月6日才開放,成日以為5月6日,掉...還要等成個月.

以經2點鐘,約咗老婆3點鐘放工食嘢兼買餸,嗱淋更衣上池,還是舞雷公遠副池,去到嗱淋熱身下水,200m又200m湊夠600m兩點50分起水走人,返回更衣室沖完個涼剛好3點鐘,至電老婆大圍等.

過到大圍老婆同時到,相量後還是食拮嘢,吃過飯餐就行街市,行到麥記又有位啵,又同老婆每人整杯軟雪糕歇歇腳,坐夠wifi夠走人.

推著單車同老婆沿城河邊踱回家,行了大半路,游水太累,對膝唔掂,為有抛低老婆先行踩回家.

今日買來料有方包9蚊,就到期腸仔兩包5蚊,支竹一包8.5蚊,魚仔10蚊,自從樓下地盤今年蚊子特別多,釘得我C,都好耐無用過蚊香,4蚊買盒,我點.

 回家實在太累,又在響梳化撻著.

 瞓到7點多才醒,然後煮飯.

餸料有支竹食半4.3蚊,魚仔10蚊,甘菇一包3.3蚊,京葱兩條2.6蚊,昨晚半隻雞髀3.3蚊,蝦米同白果.

 蝦米白果甘菇魚湯浸支竹.

 有人不吃魚,為有煮開.

 雞肉炒京葱.

 三個人食,一人夜返留飯餸,今餐唔計蝦米白果,盛惠23.5蚊.

 魚仔湯留下劑

 飯後果依然木瓜蕉.