老人舊事多.

前幾天灣仔行,就貪得意,網上摷幾張照,同大家分享吓,比對一吓舊事,順帶講吓當年一點回憶.
幾日前拍的德士古油站.

 

網上料,不知何年德士古.

網上料灣仔道口,莊士頓道.

 

2015年5月4日  星期三 灣仔行,灣仔道

 

網上舊照.灣仔道整條街街市,熱鬧不堪,威利民麵包毫半子兩個.

  

網上更舊照片,還有威利民公司招牌.

  

2015年5月4日  星期三 灣仔行,灣仔大街市.

 

網上舊照

1966年水災,石水渠街口,皇后大道東.

2015年5月4日  星期三 灣仔行 ,石水渠街.

網上料,合記茶廳當年1.2元碟頭飯,偶爾才有得食咋,牛記車木,當年附近有間鼎盛鑄鐵廠,才周邊咁多車木模鋪,童年時有朋友仔住牛記內,老豆生果小販,名字叫丫頭,有日同父母鬥氣,没回家在街外貨車斗露宿,結果在車上跌下C了,父母傷心得C.
藍屋地下鋪,林祖醫館隔鄰是雜貨鋪,豆令三磚腐常客.再上間是酒莊.

 

藍屋更多故事,細路時每晚走在醫館門口,看人打功夫,看至11點鐘,麗的呼聲播夜半奇談,嚇得雞飛狗走,番歸大被冚過頭.

林鎮顯承接林祖醫館,大概大我一兩歲啦,同我大佬同批,網上摷料,走咗廿年LU,同佢細佬就較熟同齡.

 2015年5月4日  星期三 灣仔行,紅色又係聖雅閣,以前是婦產科分局,時不時有大肚臨盆,趕住上去,大人叫不要看,被趕返回家.

 1966年水災.相片同上角度差不多,就係下便條大暗坑,不勝負荷,整條街爆起,洪水湧出,C得人多,左手邊首個招牌,森記單車租賃,當年踩車過鐘,被森伯紐耳揑面.

 再上北帝廟,童年時時跟母親來上香,內裡有四大金剛,2011年11月11日入內,覺得四大金剛不外如是,比想像中細得多,問句職員,話無變過,我話細路時看有高大啵,職員幽我一默,唓,你咁細個,佢當然高大啦,諗落又係?童年時同今日樣樣真係縮水得多.

上到來聖雅閣, 2015年5月4日  星期三 灣仔行聖雅閣

2011年11月11日來時所拍,聖雅閣還是建造地基.

 

 2011年11月11日聖雅閣

 

2015年5月4日  星期三 灣仔行

 

2011年11月11日進入聖雅閣則條巷,

2011年11月11日進內是這樣的.

網上料石水渠街,喱張就唔知幾時,細路時確實係條大坑,條坑故事多,大雨時好大水,用咸水草駁住駁住,綁塊木放船仔,成日在坑壆上走來走去,有次壆上被掠衫釘,一剔跌下去,好彩有塊維修板托住,唔係就無今日金寶湯.

要講太多,有機會再說,