早睡早起,老婆放假,沙角邨寄信,中央廣場食呀活,漫遊萬佛寺,晚飯兩人食.

昨日游水900m,到夜晚累得我CC吓,10點半鐘未夠,肥媽出場我都上床瞓,一覺今晨6點鐘都係醒,早睡早起,睡來算唔錯,老婆今日放假還在瞓,起來洗個面上網,開機第一眼看見這頁新聞.

https://hk.news.yahoo.com/-021056397.html

於是youtube摷摷,原來有套咁嘢,確係犀利,簡直鬼斧神工.

看完輯嘢老婆瞓醒,齊齊早餐,早餐未吃完,已經山洪暴發,都係拜昨晚餐南瓜雜菜湯所至,急不及待要去,舒服過後,食埋個早餐,餐後諗吓?今日老婆放假,去邊處好呢?老婆遲遲唔肯關電腦下, 足知諗到去邊處?

10點多鐘出門,先過沙角邨郵局寄出兩封信,都係給親友個仔結婚時啲相,搞掂後同老婆向瀝源邨進發.

穿過瀝源邨,西林寺在望.

 

行多兩步,沙田中央廣場.

入廣場食點嘢及買樽水都好?廣場內無得揀,得大快活,為有袋住先,唔太肚餓,兩公食個飯算,老婆唔駛講都係咖哩牛腩飯餐,48蚊個,犀利貴?加兩樽飲料12蚊,咁就60個大洋.

吃後就開始去我要去目的地,實在太耐無來,都唔知在那裡?

李麗微吖...?個牌丁咁細,重要響柱腳地吓,有無搞錯?

沿箭咀行去,好快找到上山入口.

係咁上有櫈就坐吓,問吓自己?點解今次唔帶多隻腳嚟?

行足20分鐘才上到來,真係唔行唔知身體好?心臟病底的我,又過一關.

幾拾年來轉變得好厲害,同細路時來,簡直面目全非,除地勢佛像擺位一樣外,佛像以經唔同晒.

 

以前大白象變細白象,多咗個神添,這個擺位就唔同咗.

 

殿內嚴禁拍照,我又唔聽話LU.

 

看完個大平台佛像,同老婆坐下休息,坐咗好耐,又向高一層進發.

剛才上來時門口,再向上行.

萬佛寺真係越擴越大,以前邊度有咁大地方?

上到來先行右手便.

來到這裡,有對菲律賓遊客,可能見我無神掍,主動幫我拿手機,替我同老婆拍照.

上到至高,回頭一望,無際.

返回下層,向左手便行去.

從右行回去左邊,玉皇殿,我又唔聽話LU.

兩傍四大金剛.

玉皇

參觀完玉皇殿都差不多,係時候回程.

從這裡兩傍觀音而下.

 

返回大平台,從另條路落山.

該條路佛像少好多,就大多梯級同迂廻曲折點.

好快到民居村屋.

來到這裡比隻衰狗嚇親,閙佢兩句,重猛咁話好.

話咁快落到來排頭村,以經兩點半鐘.

Pizze店星期二休息添?

行得我CC,同老婆穿過火車站,去到沙田中心,麥記食杯雪榚歇歇腳,唞輪wifi輪去買餸.

買有薯粉一包11蚊,黑豆半斤7蚊,紅莧菜一斤4.8蚊,冬眠米鴨一隻20蚊,脆皮腸一磅10蚊.

老婆買的染髮水45蚊,同洗手液35蚊

回家只不過5點鐘,夜點煮飯,有紅莧菜一斤4.8蚊,蠔仔半斤12蚊,雞蛋兩隻2蚊同隔夜幾件雞扒.

 紅莧炒雞扒.

 煎蠔仔餅.

 兩個人食飲番杯,今餐唔計幾件隔夜雞扒,盛惠18.8蚊.

飯後果芒果.