游水1000m,老婆大圍食拮嘢,晚飯三個人食.

今日依然中午淥個麵食,1點半鐘過源禾路游水,太陽超猛,一於是同陽光鬥快,稍熱身1點50分下水,就係咁慢游1000m,兩點40分完成走人,更衣室沖完個涼,剛好3點鐘,老婆放工,同樣大圍拮嘢等.

過到大圍拮嘢,老婆剛好買好餐,還是老婆食,我唔食,飯後買餸,買咗好多嘢,兩公婆拎到四手係,買有雞蛋一排30隻25蚊,京葱+節瓜10蚊,腸仔兩包5蚊,鹹蛋5隻10蚊,蕃茄4隻6.4蚊,南瓜兩個10蚊,紅衫魚一份10蚊,合共76.4蚊.

 人字拖鞋一對18蚊

 

買後陽光依然相當曬,同老婆靠學校邊返歸.

 

行得攰同老婆樹蔭櫈下,坐咗輪才繼續返歸.

 
蕃茄特別靚,忍不住手又食餐.

芝士煎蕃茄

紅衫魚滾節瓜.

三個人食一留餸.

飯後果繼續神枱柚子