廣源邨探老友,晚飯兩人食,飯後果榴槤.

昨晚11點零都瞓,一覺今晨6點醒,老婆返工,百無聊賴聽收音機,賴床到7點半鐘起來,上輪網弄早餐食,辦妥事務看電視,9點半J2神的晚餐.

看後好想去石仔嶺探戰友,諗吓咁遠又懶行,終於坐定定繼續看電視,今日泳池清潔,無得游,諗吓?不如近近探另戰友,戰友深居簡出,電話諾實,於是上廣源邨同他一敍.

上到去聯絡後,在鐘樓下等,在等期間見有人帶隻雀在鐘樓下玩,隻雀甩晒毛,主人放佢石櫈尾,佢係咁雞咁腳行回主人度,就係咁不停行了數轉,無晒毛光禿禿,問聲主人是否鸚鵡,?佢話係,何解甩晒毛?但就無答我?

等咗好一陣,戰友到,戰友身廣體胖,生活日夜癲倒,夜間看電視,日間瞓到中午一兩點鐘,然後下午茶買餸煮飯,跟住看電視至深夜,咁就一日.
戰友炒飯餐飲咖啡30蚊,我就义燒米線餐飲奶茶,朋友常客,待應都熟晒,連同茶客都熟絡,見面便坐埋一堆,聊天吹水.

同戰友講好耐無探石仔嶺探戰友,本來今日想去,但又懶去,睇過下星期去走趟,若果得閒一齊去吖?佢話又要煮飯,睇過先喎?好,下星期你若去,就早日通知我?戰友越來越矇查查,連自己條綠van線,有長者優都唔知?

 

茶後陪戰友行轉街市,街市菜價都唔平,節瓜唔靚都賣到10蚊斤,我街市才4.8蚊斤,行轉街市戰友乜都買唔到,聽佢講啲新抱好擇食,話好多嘢都話唔食,聽佢數出來,牛又唔食,瓜菜又話寒涼,齍食菜芯喎,可想而知食得幾窄?

日日忙著洗衫,煮飯,買餸,又煮又買又洗碗,曾經一次食過一次飯,後生的吃後,真係拍吓屁股,唉!做壞個開頭,習慣成自然,當個老嘢係應份?

你難買餸時,我都要走,途經見一棵大樹菠蘿,真係密佈滿樹?

 

返歸都5點鐘,夜點煮飯,老婆放工買咗芥蘭菜7蚊,青瓜兩條6蚊,雪柜料魚卵約5蚊,鹹雞1/4隻約6.5蚊.

 

1/4鹹雞蒸熟,老婆話攤凍整手撕雞喎.

香煎魚卵.

食埋些少隔夜鹹雞

灼淥芥蘭.

 兩個人食.

飯後果早日榴槤.

榴槤後老婆睇得肥媽多,話煲湯喎?睇吓點?