狀態其好,一覺天光,老婆放假,行公園過禾輋,買手袖食意樂,晚飯三人食.

昨晚實在太累,牙都無擦11點零鐘攤落床瞓,一覺今早7點多啲鐘,賴床8點鐘起來,相當好瞓,起來一切良好,乜事都無,老婆今日放假在瞓,剃鬍鬚勒突,襯煲水順便一剃,希望一剃,掃走衰氣,好運齊來.
9點半鐘神的晚餐,越睇越悶,以經無當初咁吸引,老婆瞓到10點15分才起床,早餐開包麥皮,竟然1.5kg麥皮,2kg個樽都裝滿,同等牌子麥皮,重量又會差咁遠?

看電視到12點零鐘,同老婆外出行吓,不如就公園,行到上緊公園,落起雨來,重係好大嗰隻,兩公婆一把遮仔,淋著到公園,匿響有蓋櫈,要坐椅背上,傾吓家庭是是非非.

 坐到雨勢轉弱,兩公婆向禾輋方向行,行吓坐吓,個女來電,說禾輋會我們,腳痛關係,行到瀝源橋個亭又歇過,就這樣行吓坐吓的去禾輋.

禾輋商塲個女以經在等,說以經幫我睇啱個護手袖,咁就響12蚊店買咗對手袖.

 

 買後醫肚,就走去樂意,人多排咗好一會才有位,餐未到試穿上護袖看看,又幾好啵.

 

吃後繼續行商場,由於膝痛難頂,行完禾輋都係打道回府,巴士站剛好有車,回家樓下街市再買點菜返歸.

回家都5點鐘,買來的有勝瓜4蚊,豆卜8.5蚊,薯仔同蕃茄12蚊,粉絲3.9蚊,豆腐4.5蚊,瘦肉15蚊,秋葵7.9蚊.

還有美人瓜15.9蚊,方包8.4蚊,鹽焗花生兩罐19.8蚊.

 

回家諗住上陣網,但攰到冧,要上床瞓陣,一瞓7點鐘醒,老婆以經煲落薯仔蕃茄湯,我來煮飯,料有豆腐4.5蚊,勝瓜4蚊,瘦肉15蚊,薯仔茄食半6蚊.

 蒸釀豆腐.

蒸釀勝瓜.

 蕃茄薯仔肉丸湯

 三個人食,今餐大約30蚊.

飯後果美人瓜.