昨晚如常12點鐘瞓,瞓至半夜3點多,聽到好大女人哭泣聲,越聽越唔對路,嗱淋起來看吓,看吓誰發開口夢,望吓個女又没回來瞓,望出街外有兩個人挨著欄河企響度,但喊聲又無咗,留意吓兩個人,好耐才出聲傾偈,聽落喊聲又唔似佢哋?而火車站內燈火通明,工人在維修,鐵鍊聲不絕,去個所環顧吓週圍?無異樣又瞓過.
一瞓今早9點鐘醒,諗番昨晚件事,好可能老婆發開口夢都似?起來洗個面搞早餐食,搞掂一切又10鐘.
上輪網12點鐘關機,看電視楚漢,睇輪電視,3點鐘老婆放工,過沙田中心食老麥,一包一餐46.8蚊,問句老婆昨晚有無發夢,但又話無?真不知昨晚哭聲那裡來?
餐後商場買沐浴露,三支69蚊,卜佳麥方包9.9蚊.
沙田街市,菠蘿魚同蝦35蚊.
今晚餐料有粟米一罐,南瓜,栗子,蝦,雞蛋同菠蘿魚.
豉油王蝦
冬菜蒸菠蘿鱲
香煎菠蘿鱲
粟米南瓜栗子蛋花湯.
隔夜餸一碟,4個人食一夜返留湯餸.
夜來哭聲仍不知那裡來。
回覆刪除上回茄汁蝦，今次豉油王蝦，又轉口味。
我也買了你的浴露，覺得不好用，冲極到滑LuLu, 好似洗不淨。
真係唔知?當時無留意我老婆,注意街外兩個人,可惜好耐才出聲,一聽肯定不是她們,但以經無咗喊聲,無得再去查,
刪除魚檔買兩份減5蚊,嘛執多份蝦囉,瞓覺蝦不是茄汁便是豉油或椒鹽,
哈,我都無乜講究,老婆買乜用乜.以前用開番梘轉用沐浴露,又嘛覺沐浴滑LULU,沖極身又嘛滑潺潺.
金寶叔，想分享下，1992/11/17我好記得是我搬家前一晚，我小時住屏山村屋的，那一晚我訓到十二點之間，我聽到我住村屋後面有一個女人同一個BB咸得好淒厲，好大聲！我好害怕，我自己一個人訓一個房間，問題是我家後面是沒有人住，是幾間爛屋子而且有一間之前火燒過就倒下似的，無理由有女人同BB咸聲，仲要好大聲的，我驚到用被蓋住個頭，不知不覺地又訓返，第二天我們一家人就搬家走了！今時今日我仲好記得！那時我才十一歲！二十多年了！
回覆刪除有時啲嘢不可思議,不過我從來無遇過,係試過嚇餐C,以前住山上石屋,地盤好多時收工好夜,成12點踱路番歸,路窄彎彎曲路,街燈極喑,途中有個女人穿件袍企響屋門口,嘩!都唔知繼唔繼續上好,等咗好耐,見佢原來係拖住隻狗,唉!原來在放狗,嚇c人.
刪除這些海魚仔應該好甜呀
回覆刪除好多骨,魚要食大條,
刪除