睡來尚可,失敗黑蒜,游水1000m,大圍拮野,買芋頭斬佢個頭,晚飯五人食.

昨晚12點前都瞓,一覺今晨6點鐘,被老婆返工落床嘈醒,瞓不返笠隻耳筒賴床,好彩半瞓下賴到8點半鐘,睡來還算可以.

洗面上網食早餐,辦埋個大事又10點鐘,6天黑蒜夠期,

 一開麻麻,係面頭幾粒可以,底層依然唔掂,過晒火硬,唉!下次都係咪搞,硬嘢又試番蒸吓,又似乎ok啵.

 12點鐘楚漢,新聞後1點半鐘過源禾路泳池游水,過到去搞掂一切,池面稍熱身,天陰陰涼涼哋,1點45分嗱淋下水,一口氣游佢500m,稍唞300m再游多200m湊夠1000m走得.

更衣室搞掂一切,3點多啲鐘,過大圍拮野會放工老婆.

同老婆每人食個飯餐40蚊,然後行街市,街市買有雞蛋一排30隻25蚊,臘鴨肶4隻30蚊,蒜頭4串10蚊,紅蘿蔔5蚊,豬扒13.6蚊,花蒼魚仔10蚊.

 買到最後想買芋頭,但揾極都無,有又唔靚,真係好想唔幫襯佢,個女人大大聲,成日呃人,冬瓜唔聲唔聲,個牌齍寫2.5元字樣,人家買咗,問點解咁少?佢才說足磅12両架,唉!冬瓜都當生果賣?你不如話2.5元1克?
唉!是但啦,8蚊斤芋頭,秤半邊佢話8蚊,買回家,我又睇吓你呃我幾多,一秤下嗰然13両幾,又呃我三両幾,下次打C都唔幫襯你.

回家老婆煲落個湯,料有南瓜,粟米,紅蘿蔔同栗子,其他料有油鴨肶

一隻7.5蚊,南瓜同芋頭,荷蘭豆,雞髀菇同豬扒,花蒼魚仔.

 

 南瓜芋頭油鴨煲

 雞髀菇荷豆炒豬肉

 麵豉蒸花蒼

紅蘿蔔粟子煲粟米

 5個人食一夜返留飯餸