睡來還可,以為執到,廣源會老友,晚雪柜料4人食.

 昨晚出埋編卜,成1點多鐘才瞓,還好可以瞓著,一覺今早7點鐘醒,笠個耳筒聽收音機賴到8點半鐘才起來,睡來可以,小許鼻塞噴嚏,洗面早餐上網.

搞掂一切又9點半鐘,個市又開,真大鑊,恆指美股跌帶動低開成4百點,無耐以經5百點,以為昨日執到啦,結果打回原形.

無眼睇下,昨日同老友煲電話粥,集楚漢睇啲唔睇啲,不如mytv睇番,一睇又11點幾鐘,12點鐘接住電視睇埋集楚漢.

兩點鐘約咗啲老友廣源茶敍,一點半鐘係時候出門,落到街落雨添?什少帶遮的我,話之你,好衰唔衰,來駕小巴又爆滿,好彩下駕剛好有位.

上到廣源2點多啲鐘,兩位老友已經到咗,齊齊就喱間皇上皇下午茶.

幾拾年老友見面,特別多嘢講,政治民生,國家大事,身體健康,傾過不停,而老馬上次見時什為虛弱,今日見都穩健得多,聲線都粗咗,一傾又3點多鐘,無見太耐呀蕭找數.

 離開酒樓落雨,傾得意猶未盡,在有蓋行人路,傾到唔願走,實在太晏,同呀蕭才小巴走人,小巴同呀蕭還是講不完,直到我下車.

返回屋企樓下,雨還是下,走入街市,都唔知買乜好,唉!都係商場買咗早餐麵包再算,返回街市還是不知買乜好?決定唔買返歸.

回家都5點鐘,夜點個仔返,我才煮飯,雪柜料有彩椒,洋葱,荷蘭豆,已熟白飯魚,油鴨髀,雞蛋同蝦干.

 荷豆洋葱彩椒蝦干馬拉盞炒.

 蒸油鴨髀7.5蚊

 

白飯魚蒸水蛋7蚊

 

4個人食一夜返留飯餸.

 同場加映,老婆制蒜頭海帶涼拌,吃後巴閉囉......大口氣.