睡來尚好,鼻不太嚴重,整朝上網,交電費,裝瀘水器,游水800m,沙田中心食麥記同買餸,晚飯4人食.

昨日如常12點鐘便瞓,覺至半夜鼻又來料,鼻水壓住痛,要起來呻鼻兼不停打噴嚏,好彩呻輪打輪,還可以瞓返,咁就一瞓就天光8點半鐘,稍賴起來,鼻水依然,但不太嚴重,稍呻多次無事.

洗面搞早餐食邊上網,以經9點半鐘,恆指9連跌,望吓先總算高開283點,唉!喱輪簡直跌到趴街,搞掂一切辦埋大事又10點多啲鐘.

 冷氣機買回來以經好幾年,都要清洗一吓,上網摷吓用乜料來清潔?摷輪料上輪網又一個上午,醒起居要費電費到期,網上交款482元,搞掂後個女瞓醒,又話要幫佢按裝個瀘水器.

搞掂後以經1點多鐘.嗱淋執嘢去游水,過到泳池1點40分,更衣室熱身,上池1點56分下水,先游500m,稍唞再來300m夠數走人,唉!上池都幾係嘢.
嗱淋返回更衣室,更衣室搞掂一切,又同呀王吹水,講起食嘢,原來佢都有做黑蒜,重特登700多元買個日立電飯煲來做,但係都係唔得喎?後來轉做蒜浸米醋,佢話唔難食OK喎,我話我都有做黑蒜,不過用無用既電飯煲來做,都係唔理想,見佢話浸醋,又上網摷料,原來係好好啵.
 http://www.healthy-food.hk/?p=1474
傾咗陣老婆放工來電,我話好想買冷氣機清潔劑,不如沙田中心食麥記,吃後附近揾吓有無賣.
過到麥記老婆以經在等,兩個人食咗42蚊,坐陣傾吓偈,我話成屋好彩同你最傾得埋,對你還有點說服力,未算痴呆.

訴陣心底話,正離開見有人食件餅,飲杯乜乜賤佬,有拉花巧靚,好奇下行過麥咖啡望吓乜價錢?寫住單餅25蚊,要杯嘢飲13.9蚊,要杯嘢飲還平咁多？後來個職員解釋,飲杯至平咖啡10幾蚊加13.9就喱件餅,原來咁,老婆話吓次食啦,好,下次執正啲才來食啦,現在牛記粒記就食住豬柳蛋漢堡啦.
離開麥記老婆話明天做節買隻冰鮮雞,咁就卜佳睇有無平雞,芝麻雞36.9蚊,我話唔好喇,去雞寶睇吓先啦.
過到瀝源雞寶31.9買隻三黃雞,買舊豬展27.5蚊走得，離開雞寶見有五金鋪,又問吓有無冷氣機清潔劑,結果係有57蚊買咗樽,

然後行沙田街市,魚好貴,諗住買舊鯇魚,但又細又唔靚,足知走人.返回卜佳買磅方包8.9蚊,然後分道揚鑣,老婆巴士我單車.
返回自己街市,老婆稍後到買有茄瓜5蚊,菜芯苗5蚊返歸.
 回家以經5點半鐘,買來菜料有冷氣機清潔劑57蚊,方包8.9蚊,菜芯苗5蚊,豬展骨27.5蚊,三黃雞31.9蚊,茄瓜5蚊.

老婆回家處理佢煲湯,料有螺頭,螺片,花膠同豬展骨,我就上網寫今日blog.

7點多諗住煮飯,老婆又話夜點,8點鐘話之你,煮飯,料有茄瓜5蚊,菜芯5蚊,午餐肉一罐約11蚊同些蝦干蜆干.

炒飯重炒一兜

蠔油茄瓜

蠔油菜芯

煎唔好食既三花午餐肉

連隔夜湯4個人食夜返留飯餸.

飯後果杮子