晨早醒鼻無事,天氣寒冷,整朝上網,游水800m,樓下大乜樂,晚提前做冬,人齊5人食餐飯.

昨晚12點瞓,一覺5點多又醒,係自動醒,瞓不返6點鐘望著老婆返工,無偈,為有笠個耳筒聽歌瞓,迷迷懵懵賴到8點鐘,凍凍哋聽著千禧年代,李桌仁,長毛收巨款不成立,真係開玩笑,唉!都唔知乜世界?聽咗陣9點鐘起來.

凍凍哋煲水洗面搞早餐食,吃後又10點鐘,望吓個市升成2佰幾點,辦埋個大事又11點鐘,老婆交帶落開火煲湯,之後上網搞短片,一搞又一個上午.

1點多食兩塊餅乾便去游水,更衣室熱身,上池1點55分下水,水有點凍,於是一條氣游佢800m,2點34分起水走人.

更衣室搞妥一切,同呀王吹,3點多啲鐘老婆放工來電,不用過大圍買餸,就樓下食大乜樂算,同呀王傾輪上網經,遲遲才離開.

返回樓下大乜樂,老婆以經在等,同老婆兩人食個29蚊餐算,坐輪傾輪才回家.

回家開電腦諗住寫卜,但游水太累,頂不住要在梳化瞓陣,去到7點多啲鐘,人齊返到,才郁手煮飯,一搞成8點多鐘開飯.
有老婆蒸雞
 
老婆蠔是炆冬菇

 

蠔油灼生菜

 

薑葱煎生蠔.

 

老婆煲螺頭螺片花膠豬展骨湯

 

人齊5個人食餐開心飯.

 以湯代酒,唊啖身體健康

飯後果杮子