相當好瞓,乜事都無,整日在家,麥記特價餐,晚飯4個人食.

昨晚12點鐘都瞓,夜所一次就瞓到今早8點鐘,少有咁順暢,聽收音機千禧年代賴床,又係拉布事件,賴陣8點半鐘,我都費事聽起來.

一切良好,番熱木耳漿,洗個面空肚食,上陣網食早餐,鮮奶麥皮,番熱饅頭食,量血壓148/79-55,又會咁高?食藥辦埋個大事,麻麻,10點鐘再量138/76-57.
澳元又進一步下跌,想話買番注,計吓條數,所差又唔多?都係算,無所事事,不如做番點嘢?但個女還在瞓,新抱又還未起床,都係無謂搞.
胡亂上輪網又一個上午,12點多兩個人陸續蒲頭,唉!不如揾吓老馬下午茶好過,但又揾佢唔到,到找到佢以經兩點鐘,話感冒咳喎,就問候幾句算.
兩點多佢倆前後腳出街,我就看電視到3點鐘,到老婆放工,老婆話大圍食麥記喎,咁就單車過大圍.
過到大圍麥記,老婆已經在等,老婆買兩個特價餐共20蚊.

吃後買餸,先上惠乜,看有無平生果買,平生果就無,老婆鍾情買隻冰鮮雞31.9蚊,見今日電視介紹黃酒煮雞,都好又學煮吓.
買後繼續行街市,行轉買有香蕉7蚊,廚房酒兩支18蚊,西蘭花4個7.9蚊,干葱3蚊,薑兩份10蚊,農家土雞31.9蚊.合共77.8蚊.

今晚餐料有冰雞一隻31.9蚊,茜蘭花4蚊,花生,紅棗,木耳,薑同三隻蛋
 

 
廚酒煮雞兩煲
 

 
 蠔油西蘭花
 
細煲留起4個人食.

飯後果香蕉