瞓覺好,整個上午上網,老婆放早行禾輋,食麥記,禾輋瀝源買餸返,晚飯5人食.

昨晚還是12點鐘以經瞓,一覺6點又醒,老婆返工後,還是瞓返,一瞓就8點幾鐘,睡來唔錯,賴床到9點多才起來,一切還好,耳鳴還是差不多.

起來番熱木耳漿.煲點水洗面,一邊上網一邊食,還未吃完.以經急不及待要辦大事,辦完大事又差不多11點鐘,上陣網望吓張枱,哎?原來個早餐還未食完,食埋個早餐,量血壓142/75-59又會咁高,上陣網又12點幾鐘,關機看電視.

一點多鐘個女返,看電視到兩點鐘,我都無你咁好氣,落街行吓,2點半鐘老婆放早來電,我話過禾輋啦,跟住就去搭車,車到沙角站,老婆剛好上車,咁就一同過禾輋,過到禾輋行陣吉豬,老婆話食麥記,好,咁就行上層去麥記.

麥記裝修完係唔同,闊落得多,大把吉位,麥記優惠完,為有又係一包一餐33蚊.

 

餐後行商場,哈!少有有車輪包,細路時係奢侈品,幾難至有得食,咁就整條9蚊懷舊吓.

 

 買完麵包就繼續行商場,一直行到惠乜,見有奇異果7.9蚊6隻,見有得揀,當然買番6隻,

又見椰菜又平,6蚊執份兩個,老婆見有雞又買,揀隻極重手,唔願放,買隻33.8蚊,之後孭住一大袋行去瀝源,瀝源雞寶買魚角7.9蚊,才搭車返歸.

 

返歸都5點半鐘有多,老婆處理買菜料,我就上網寫今日blog.

夜點我來煮飯,料有蘿蔔一條3蚊,豬扒三件8蚊,魚角7.9蚊,魷魚翼,蕃茄3蚊.

 
 咖哩魷魚魚角煮蘿蔔
 
蕃茄煮豬扒
 
5個人2夜返留飯餸.