睡來尚可,全屋齊放假,金多寶六合彩,人齊大圍下午茶,晚飯人齊食.

昨日好不想下,終於都去咗投票,還說服老婆一起去,老婆對政治毫無認識,為有用我思維同佢分析吓,投咗票當然留意吓,昨晚留意下成12點幾鐘才去瞓.

一覺今早7點鐘醒,望吓手機新聞,我投的輸咗LU,哈!記憶所及經我投過的,無個好結果,聽著千禧年代賴到9點起來,老婆放假以瞓醒在廳,洗個面還是我來弄早餐,同老婆齊齊食,餐後9點45分量血壓137/76-51還算可以,食埋今早藥辦埋個大事,又10點半鐘.
兩公婆各自上網又一個上午,醒起明日六合彩金多寶,兩公婆相量一輪後,投注40蚊算,今日好橋全屋人齊放假,新抱昨日以經講定今日飲下午茶.
1點多鐘,啲友陸續瞓醒,齊齊話去番上次嗰間下午茶,啲友搞到遲遲未能出門,要成2點半鐘才能出得門,老婆見5個人不如搭的士,我話5個人太迫,不如你哋4個搭,我兩蚊我搭車好過,但佢哋又唔制,於是齊齊搭程車.
過到大圍酒樓,晏來到好快有枱,由啲後生剔點芯,我就負責食,坐到4點鐘,佢哋找數340多蚊,離開酒樓個仔同新抱又話今晚唔食,我同老婆就去買餸.
 
食完唔夠又加碼
 
離開酒樓佢哋話去買六合彩喎?我同老婆就繼續買餸,老婆話佢倆個唔食?不如包雲吞囉?好,咁就行轉街市買有20蚊豬肉,5蚊雲吞皮,諗住返歸.老婆又話佳寶買啲嘢.
佳寶買了兩支飲品10.9蚊出來,望吓個電話,原來個仔打來,又話返來食,真麻煩又要重新諗過,於是乎同老婆又行轉街市,買有西洋菜兩扎10蚊,豆腐4蚊,魚胶14蚊,同老婆剩車返歸.

回家5點45分,老婆處理今晚餐菜料,我就上網寫今日blog.

又超夜才來煮飯,有梅菜蒸肉餅

煎釀豆腐

西洋菜滾魚胶



人齊5個人食,今餐盛惠約50蚊

睡來還可,整朝youtube,賭馬輸20,樓下大乜樂下午茶,齊齊投票,晚飯5個人食.

昨晚12點鐘瞓,一覺今晨5點多以經醒,去個所回來,就瞓不返,6點鐘老婆返工,瞓不返為有玩手機,睇輪youtube7點多,都係咪搞?轉聽住收音機瞓.

迷迷糊糊瞓到8點鐘,矇矓聽到肥媽發勞騷,大大聲教後生,原來舊日的足跡做嘉賓,有興趣就聽吓.

http://programme.rthk.org.hk/channel/radio/player_popup.php?pid=1144&eid=347307&d=2016-02-28&player=mp3&type=archive&channel=radio1#

 聽至8點半鐘起來,老婆又貼下字條叫晾衫,無偈,為有邊晾邊洗面,晾好搞妥食早餐,早餐無麵包,為有麥皮加消化餅,餐後量血壓140/80-58,埋辦個不肖大事又10點鐘.
日日如是,還是上網看youtube,看到這裡,想起今日投票,有點感觸,眼淚差點流出來,人家離鄉別井,冰天雪地都咁喜氣洋洋,而我哋過年就這樣?天天鬥不停?

精彩

 https://www.youtube.com/watch?v=i7p9gS1cqhw
好聽

https://www.youtube.com/watch?v=zNihleZCZ5A
睇完連串2016新年快閃,個人都興奮咗.
又12點多,看電視城市論壇,跟住就跑馬仔,第二場買10蚊位置Q,緊張到最後200輸埋,第5場位置Q梗頸跑第2同第4,影相輸馬鼻,吹漲.

9619	28-02-2016 13:29	沙田 星期日	位置Ｑ	2 場    1 愛美麗 + 2 駕善 $10	$10.00
9622	28-02-2016 15:01	沙田 星期日	位置Ｑ	5 場    2 開心遊戲 + 9 大天龍 $10	$10.00

輸埋又3點多啲鐘,個女瞓醒,老婆亦放工,邊度都無去,回來樓下食大乜樂,跟住要投票,上次睇見個社會咁立亂,都無心機去投,今次唔投唔得,一於投番一票鼎住吓?
落到大乜樂,老婆以經在等,三人各食一個下午茶,我24,老婆23個女28,餐後看輪隔鄰枱BB食嘢得意樣,便齊齊去投票.
投票完事便上惠乜,行轉惠乜,買有麥方包9.6蚊烏冬13.9蚊,茜芹一棵9.9蚊,士多啤梨13蚊,合共46.4蚊,個女比錢走人,老婆就去剪髮,我同個女返歸.

 回家差不多5點鐘,稍後個仔放工返,冇耐老婆亦剪完髮返.我就繼續睇賽馬,唔識賭吓,還是無賭到尾場.
日日遲食飯,今日早點煮飯,料有茜芹,紹菜,南瓜,瑤柱,蜆肉,蝦米,雞肉,雞蛋同火腿.
 
南瓜飯.

雞肉炒茜芹.

瑤柱蜆肉蒸水蛋.

蝦米火腿浸紹菜.

夜8點多啲鐘開飯,5個人食1夜返留飯餸.

睡來有夢,整朝上網,游水700m,大圍大乜樂,麥記雪糕,實力雄厚,晚飯蘿白湯4個人食.

昨晚12點鐘都瞓,一覺6點鐘醒,老婆在返工,去所回來好快又瞓返,咁就瞓到9點半鐘,賴至10點鐘起來,睡來有點夢,不過都忘記,總算唔錯.

起來陽光普照,嗱淋整理吓曬晾間啲衫,可惜太晏陽光都走了,處理好煲點水洗面,搞早餐食,餐後量血壓141/79-54,食今早藥,辦埋大事又11點鐘,再量次133/74-59,都好啲.
上輪網又12點幾鐘,還是執嘢去游水,落到車場攞單車,感覺硬有啲嘢漏咗咁?摷吓唉!原來漏咗個手機,又折返去攞,本來諗住埋啲廢紙落來,誰知拿了手機又忘咗.
過到池以經1點47分,更衣室熱身,上池1點58分下水,水暖但泳客多,人以經多又教泳,左閃又被下一條氣游佢700m,見時間不夠,就咁算數.
上池期間池面見教泳,撳住個學生劈腿拉根,撳到個細路呱呱的喊叫唔好,睇見就淒涼,返回更衣室,沖個大熱涼,時間啱啱好,換妥衫老婆就來電,還是大圍食嘢兼買餸,同呀王打陣牙較就飛車過大圍.
過到大圍老婆以經在大乜樂等緊,每人食個下午茶餐,老婆22我24.

飲茶間聽見隔鄰枱啲老人家響度呻,話啲新抱仔女點樣對佢哋,點慘點慘,聽得最明顯,就係當年駱克道紅棉麵包鋪個太子爺,有老婆都北上揾二奶,珠胎暗結,係湖南妹,足知搞到香港個離婚,來咗香港,個女大咗,罵义個老豆,就手指指著隔離個位,當日就響喱度閙喎?真真折墮喎,講述的那個婆婆,聽講90多歲,頭腦重係咁清晰?兩個婆婆係咁呻,仔大咗有新抱又係C,無的又孤獨C,唉!嘥氣,以經90多歲,活一天開心一天算啦.
茶後買餸,行轉街市買有蘿蔔一條6蚊,紹菜一棵5蚊,買後見麥記有位,又走入去食杯雪榚.

雪糕後離開,犀利喇?簡直驚訝?本土派旗幟插通街,派傳單人仕,多到不得了,由來時行轉街市,到食完雪糕,行回大圍站,沿途都係佢哋世界,有男有女大多是年青人,好有禮貌的派傳單,遞到埋嚟,你唔接,佢依然微笑著說不好意思,個個靚仔靚女,穿晒短裙微笑躹恭有禮,犀利?試想吓佢哋啲財力人力,幾咁雄厚,背後幾咁龐大?

見腳無咁痛,同老婆慢步踱回家.
回家都5點半鐘,買來的有白蘿蔔一條6蚊,紹菜一棵5蚊.

回家老婆懶搞,為有我來處理,早日買的25蚊羊肉頭頭尾尾,骨多過肉,唯一可做煲湯,蘿蔔一條兩斤重6蚊,落重薑.

壓力煲下羊肉頭尾食得.

先來一兜.
 

 
有湯有蘿白有骨頭,4個人食,今餐盛惠31蚊.
 
 食晒再來兜清埋,美味.
 

 

睡來唔錯,沽注澳元賺211,整朝上網,沙角邨下午茶,CYY送我大袋禮物,晚飯4人食.

昨晚12點鐘瞓,一覺6點醒,老婆返工,瞓不返為笠耳筒聽歌瞓,咁就瞓到8點多鐘,聽千禧年代,賴至9點多起來,睡來唔錯,煲水洗面搞早餐,餐後以經10點鐘,量血壓132/77-58,食今早藥,埋辦個大事又不多11點鐘,新抱返工.
上輪網12點鐘個女返工,見澳元上番5.6計吓條數,上一注有211蚊賺,於是乎沽出賺咗先.
上陣網差不多兩點鐘,今日約咗網友2點多啲鐘下午飲茶,於是乎關機換衫,諗住出門,誰知電話響,原來網友CYY以經到咗酒樓,還開咗位等緊.
非常不好意思,於是嗱淋趕去,去到2點15分,CYY離遠以經揮手,坐下傾不停,簡直難以至信,一個女仔只不過網上留吓言,在工展會短暫見過一面,就如此咁熟絡,起初諗住一個女仔,不如約佢晏些,等老婆放工來會好傾啲,原來係不用,她太熟悉我,我個blog既事,還清楚過我?
傾咗好一會,老婆放工來到,老婆剔點心,之後就咁傾到4點幾鐘,酒樓要枱才離開,老婆一早以經找了數.
 
 CYY送我大袋嘢.

離開酒樓CYY想759買麻油,於是帶她落地下759,又咁橋759做緊7,8,9折,昨日還是要買夠200才有折,CYY買咗支麻油,蜜糖同鮮奶,我同老婆剩係買兩包鮮奶,離開沙角邨一同火車,咁就拜拜.

孭住大袋嘢返歸都5點多啲鐘,CYY送我的有以下好多嘢,有頸套同厚襪,紅酒,朱古力,螺片,利士封同浴室用品,最有心係個暖頸套同兩對厚厚襪,話旅行怕我冷喎?有心以經勝一切,CYY下次喜歡飲茶就得啦,不要破費送嘢比我.

我就買了兩包7折鮮奶18蚊.

回家邊處都無去,落樓下惠乜,買份特價冰鮮排骨19蚊返歸.
回家老婆處理今晚餐菜料,我就上網寫今日blog.
夜我來煮飯,料有北京菜心約6蚊,冰鮮排骨19蚊,芋頭一舊,司華力腸同荷蘭豆.
 

 
 麵豉芋頭蒸排骨
 
清炒北京菜芯.
 
司華力腸炒荷蘭豆
 
 4個人食1夜返留飯餸.

瞓到10點半,游800m,大圍拮野,麥記雪糕,買餸,晚飯4人食.

昨晚出埋編長長blog,又個個夜返,廁所忙不了,懶起來涼都無沖,12點幾便中上床瞓,一覺今早10點半鐘才醒,從來未如此好瞓過,或者搞掂老婆單嘢,心無掛慮好瞓卦?稍賴床11點鐘起來.

熱水洗個面,搞早餐食,餐後量血壓145/74-63唉!又高?開埋個大又12點鐘多,又量過150/73-59唉!依然高,谷鬼氣唔鬼理,上陣網1點10分再量131/76-59,咁都好啲.
昨日無沖涼,嗱淋執嘢去游水,過到池1點43分,更衣室熱身,上池1點57分下水,泳客唔多水又暖,一條氣游佢800m,2點37分起錨,更衣室沖個勁熱水涼,衫都未換好,老婆以經來電,大圍拮野等.
同呀王傾兩句,便飛車過大圍,拮野老婆以經在等,同老婆各食個下午茶餐,老婆又食好嘢23蚊,我就照舊20蚊.

坐陣就買餸,買吓行吓見麥記有位,又入去食杯雪糕歇吓,唉!凍嘢又賴嘢,立即見效,咳C.

 坐輪繼續買餸,買有豆漿兩盒14.9蚊,北京菜芯兩扎13蚊,荷蘭半斤10蚊,雞鎚12.9蚊,薯仔6蚊,洗衣液41蚊.

還是同老婆分道揚鑣,佢剩車我踩車回家.
夜點煮飯有北京菜心約8蚊,辣椒兩隻,雞鎚食4隻8.6蚊,薯仔6蚊.

臨煮飯有人唔番嚟食,為煮少個荷豆.
咖哩薯仔雞鎚
 
 清炒北京菜芯
 
 三個人食.
 

睡來還可,整日在家,同老婆搞掂個電話,麥記下午茶,晚飯兩人食.

昨晚12點鐘瞓,老婆單嘢始終有點囉囉攣,遲遲才能瞓著,一覺今晨6點多醒咗,老婆在返工,瞓不返又手機看yoytube,看至7點多都係瞓多陣,轉聽收音機,矇矓下千禧年代,講無錢J5用簡體字,香港人又拗餐懵,聽完以經10點鐘,睡來還算唔錯.

起來洗面搞早餐食,大鑊鮮奶食晒,無得沖麥皮,為有沖杯柚子蜜,搽兩片麵包食算,餐後10點半鐘鐘,量血壓141/78-63,食今早藥,辦埋個大事,執好要食的藥又11點25分,再量次血壓142/79-63無得變.
無耐新抱瞓醒,原來放假,話大概4天便有日假喎,又會咁多假期,跟住個女瞓醒,12點鐘兩隻嘢去街.
1點多鐘做乜好呢?游得太密,對膝頂唔蒲會痛?都係唔去,繼續上網看youtube,一看又3點鐘,老婆放工來電,約老婆過沙田廣場搞手機事.
過到中移動,老婆在等,兩個客後輪到,女服務員姓吳,我話昨日上咗個3G台,發覺唔多啱用,可不可以轉用第二種,佢話若果唔做,106月費就無得攞番,我話錢用來新做個pan唔得咩?佢話唔得,一句了事,一點解釋都無?我話照cut啦,我話轉做儲值咭,求其講句100蚊,日後行政費每月2蚊,咭就半年期,問多句都懶答.我話會唔會寫番紙証我咭咗個戶口?我自動轉賬會不會再扣數架?佢話無架,個戶口都無咗又點會扣,我再話會否寫番張紙比我,証明刪咗個戶口?佢轉個芒過來我睇,嗱以經刪除咗個戶口.唉!算啦,跟住佢話未能同我做得住,因為上便未同我做妥,要等成好幾十分鐘,叫我哋去行吓街先,遲啲再來做過,我話係咪要揾番你,佢才話任可一個都得,咁我才明白,一單還一單.
同老婆走去食麥記,一包一餐33蚊,坐夠諗住回來應該得卦?回來好彩無人排隊,等一個以經輪到,係前日幫我們開戶位小姐,將情況話佢知,上手話上便電腦未做妥,所以未能做得,想睇吓可以做得未?佢睇過後話還未做得,叫我夜點,又或者明天來過,我問刪除戶口,可否比番証明我,佢嗱淋幫我摷張表格,寫好比我們,我直頭話剛才同我做嗰個,同你差得遠.
唉!未能一氣呵成搞掂個手機?硬係唔多舒服,同老婆慢慢行的去買餸,行輪759有折呀,不過要買滿200同300才有折?嘥氣,



 行完又行雞寶見羊肉下欄特價25蚊兜,買條菜咁價錢,骨就骨啦,老婆牙肉痛買兩扎莞茜5蚊,街市買兩隻皮蛋5蚊,買包炸支竹10蚊,然後行去沙田街市買條魚肉5蚊,
 
 好想辦埋個手機事,為有又行吓卜佳,無嘢啱買,然後慢慢行去中移動.
又係無乜人,等不到一個客便輪到,今次又另一個女職員,唉!比今日頭一個姓吳好啲啲啦,還是多句唔講,問佢都唔多答你,問佢怎樣增值,一味叫來中移動,我話用開網上銀行交費,佢比個中移動網址過我,叫信用咭增值啦,問佢七仔呢?佢都係無答我,唉!嘥氣,問佢?還是返歸自己上網摷料好過.
離開中移動巴士返歸都6點鐘,我寫今日blog,老婆處理今晚餐菜料,有莞茜兩扎5蚊,皮蛋兩隻5蚊,魚肉5蚊,臘鯇魚一舊.

 夜我來煮飯.

臘鯇魚煲仔飯.
 
 皮蛋魚片滾莞茜.

 兩個人食.