連州三天(3)泰國文化風情園 完結編

2016年3月3日  連州三天 (3)  泰國文化風情園  完結編.

昨晚睇埋場英超又瞓過,一瞓就8點鐘,旅行以來又係至好瞓一晚,拍醒老婆梳洗好,便落5樓餐廳早餐.

落到餐廳8點半鐘,咦?以為房間一般,但餐聽又幾好啵?夠新淨夠光猛,兄弟夫婦以經在食早餐,問我去不去街市,當然會去啦,唔買都睇吓.

見兄弟以經食飽,為免佢等得太耐,都無謂嘆,嗱淋食埋便出發.

早餐都唔差,西式好多樣都有,有煎蛋.

來到街市9點22分,似乎無想像中咁旺,可能太晏,買餸人仕都散晒.

兄弟中鍾食雞,一來到就睇燒味檔,

 

睇完嗰檔,睇喱檔.

 

又睇喱檔.

 

睇了多檔價錢都係差不多,係街口檔貴一蚊,燒肉24,燒骨13蚊斤,切雞大約80隻左右.

之後就轉去賣菜條街.

 

哈!又見豬尾垂下來,好多年前去湛江旅行,街市都係每檔賣豬都係有豬尾垂下?真係唔明乜意思?

 

連州菜芯,係幾好食,3蚊斤.

 

賣的多數淡水魚.

 

兄弟心中有數,都係返來喱檔買,買咗好幾拾蚊燒肉,買隻白切雞80蚊人仔.

我當然未買住,無謂抽住上超市.

9點47分來到喱間超市,來時遇團友,話喱間好平喎?

大陸超市有點弊,帶來物件要放儲物柜,離開才拿走?兄弟不例外.

真係好平,薑賣2.68一斤?有點不相信?香港8蚊10蚊斤,大陸斤有12襾,算你兩倍24襾,都係5.3人仔,都係問聲售貨員,確實無誤,一於買.

好多嘢都好平,一掃只不過24.5蚊人仔,兄弟都買咗好多嘢.

離開超市,我就喱檔蘭姨洲心買燒肉,23蚊斤秤咗28蚊,燒骨12蚊斤,秤1斤,燒肉試食好脆,超正.

買後返酒店途中,老婆話西洋菜靚喎,忍不住手又秤兩斤.

酒店在望

返回酒店,曬吓啲戰利品先,有馬蹄2.7蚊,鮮淮山6.2蚊,薑5.9蚊,腐皮5蚊,蕃薯4.7蚊,西洋菜5蚊,豆卜5蚊,燒骨12蚊,燒肉28蚊,合共74.5人仔.

whatsapp輪報喜,執齊行理11點半鐘又出發.

12點鐘來到這間媽媽館食中午.

先來一竹筒湯,一竹筒飯,話臘味飯喎.

跟住擺下竹筒陣,樣樣肉類都係用一式竹筒盛載,肉類色水同味道差不多,搞到食過乜都唔知?簡直呀茂整餅.


 
 除竹筒外還有其他菜.

 蜆連殼蒸水蛋,似乎我蒸好過佢?
 
 豆腐就幾滑,牛肉就?

餐餐有餘,鯇魚.



 食齍團友獨享,齍都係獨一,腐竹.

好快便竹筒完,

 餐餐如是,飯後必然吹陣水才散水,未見過臘鴨髀這臘法?一隻髀,一左一右切開,一條拉直來臘曬,見得意又買兩條22蚊試吓.
 
臘鴨髀兩條.
 
 飯後13點鐘又出發.

 北江喎



 海布收費站
 
 45分鐘車程,13點45分來到今個旅程,最後一景點,(泰國文化風情園)
聽導遊講,係一個泰國華穚出資興建喎.
 



 

  

金碧輝煌三頭象.
 
兒童世界

行到喱度,條大細路.
 
喱個重誇張,比叮噹嗒埋.

14點20分離開泰國園,16點27分來到前海收費站.
 
深圳發展犀利,

16點40分來到深圳灣口岸,部份團友下車,包刮兄弟夫婦.

 17點19分終於來到福田口岸,就咁結朿我們三天之旅.

回家火車期間,遇上同圍兩位好好團友,一同傾偈,不覺到沙田.

回家18點50分,買來的有西洋菜5蚊,豆皮5蚊,燒骨12蚊,馬蹄2.7蚊,薑5.9蚊,豆卜5蚊,燒肉28蚊,臘鴨髀22蚊,鮮淮山6.2蚊,蕃薯4.7蚊,合共96.5人仔