神早就瞓,呀茂又整餅,游水600m,下午茶麥記,大雨困沙田街市,落湯雞,晚飯兩人食.

昨晚少有8點鐘以經開飯,飯後出埋篇blog,上陣網10點鐘以經上床瞓,瞓至半夜2點鐘醒,燈火通明,啲友還未瞓,去個所回來又瞓過,一覺今早8點鐘醒,賴床半粒鐘起來,少有咁好瞓一晚,一切良好無特別.

洗個面搞早餐上往網食,餐後量血壓128/72-56,食過今早藥,辦埋個滿意大事又10點鐘.
 上陣網11點鐘,無嘢好上?於是乎揾啲嘢搞吓,就係啲松果,好想掃浸光多時,一切都係懶之過,個入伙用剩啲光油同松節水,唔用又係乾硬埋,決定開工上光油.

在做其間個女瞓醒,個女又要廚房搞嘢,煲水喎?我又正在廚房上油,一上要兩浸,為有搬竇.
 
 係咁易搞掂兩浸,立立靚靚.
 
 跟住個新抱又瞓醒,放假喎?搞掂12點幾1點鐘,熱熱哋我都去游水,話之你哋響企?
出門攞了單車,上到巴士站,遇著老婆返,同老婆嗲兩句,游完水電聯啦,便繼續過泳池,過到池1點27分.
更衣室換妥泳褲上池面,陽光譜照,行舞雷公咁遠既副池,撻地太陽曬到熱,還好腳板還可頂得住吓?
去到尾副池稍熱身,1點45分下水,100m100m來游,游吓唞吓,湊夠600m兩點半鐘起錨走人.
更衣室沖個熱水涼,至電個老婆,老婆話要過市中心買嘢喎,買乜又唔講?是但啦,食乜邊度等呀?才話食麥記,好.
見有時間,又同呀王吹水,話難做喎,以前兩個人睇個更衣室,現在一個人做喎,還說呀頭來恐嚇佢,話你個位不是你才懂的做喎?哈!我講笑,已一把年紀,自己都唔知明天還懂不懂做呀?我話理鬼佢,你視工作為娛樂,無嘛找第二份娛樂事業囉.
時間不早,係時候麥記會老婆,嗰然上緊到?老婆以經來電催促,坐下老婆買嘢,還是以往一樣,兩個單包,胃食咭下老婆新地樂,我咖啡,加個小薯條,合共40蚊.
吃後同老婆坐了好一會,佢手機遊戲,我就同個女whatsapp,相量個老母母親節事,老婆遊戲完畢.
離開老麥,嘩!個天黑晒,話之你照踱商場,老婆藥房買面霜,跟住行卜佳,買輪嘢正想走,嘩!好大雨,無偈為有在沙田街市門口坐等,越落越大無得走.
 
看來都係長命雨,雨細點叫老婆商場過商場搭車走先,我就冒雨踩回家,去到市廣場,大到真係無得踩,老婆來電叫鎖好單車過來搭車啦,唉!都諗過?但鎖響度要用就好唔方便,後來都係唔理,冒雨踩回家,落雨煞車好唔掂失靈,好在技術搭夠,無驚無險返到歸,結果係由頭濕到尾.
 
回家6點25分,老婆以返歸,嗱淋沖個熱水涼,買來有老婆面霜兩盒98蚊,卜佳有方包9.9蚊長啤梨5蚊,紅蘿蔔6蚊,鮮冬菇兩包10蚊.

夜佢唔食佢佢唔食,得我兩老食,有老婆手撕雞,我就煮個餸,料有鮮冬菇5蚊,雪柜尖椒4隻同雲耳.

夜還是8點半開飯,鐵兜飯一兜.
 
豉椒雲耳鮮冬菇
 
 雲耳手撕雞,
 
 兩個人食.

飯後果木瓜.