睡來可以,整朝上網,下午茶淥麵食,單人單大圍買餸,晚飯5人食.

昨晚12點前都瞓,一覺5點多又醒,好在稍後瞓返,一瞓就今早8點鐘,陽光曬入屋,稍賴8點多起來,拉開窗簾,嗱淋張曬晾間的衫轉窗卦晾,搞掂洗面弄早餐,上住網食,餐後9點37分量血壓132/70-54,食今早藥,跟住辦大事,辦事不力又9點56分.
每日事埋位上網其間,whatsapp到,係個侄同外甥,whatsapp費噏輪又11點幾鐘,看陣新聞就轉看youtube.
話咁快又12點半鐘睇電視,1點多鐘老婆返,又輪到佢網上遊戲,又兩點半鐘,我話不如淥麵食算,老婆話好喎?咁就淥兩個麵加幾粒青豆,老婆唔食蛋,我就加煎隻蛋自己食.
 
 吃後老婆續佢遊戲,我就華麗轉身,看至3點半鐘,問句老婆你點呀?哈!大概齋買餸,唔出街卦?
唔出我就單車過大圍,行轉大圍買有惠乜特價蕉6.1蚊,勝瓜7.5蚊,手指茄5蚊,尖青椒5蚊,乾葱2蚊,合共25.6蚊走人.
 
回家4點40分,今晚餐料有勝瓜7.5蚊,雪柜免冶豬肉7蚊,雪柜蝦膠,尖青椒5蚊,同買咗好多日醃鹹既冰鮮雞29蚊.

老婆就處理隻雞,我就上網寫今日blog.
老婆蒸熟隻雞,好多油,攤凍入雪柜待撇油.

今晚食雞半隻,另半做手撕雞,骨就熬湯,尖椒釀兩樣,有人唔食蝦,勝瓜配肉碎.


夜我來煮飯,
雞湯肉碎浸勝瓜

蒸鹹雞半隻,

 煎釀兩樣,瘦肉同蝦膠
 
 5個人食1夜返留飯餸.