晨早就醒,老婆放假有得洗,五一行沙田公園,食麥記坐粒鐘,血拼759,夜老婆煲粥我炒米,三個人食.

昨晚未及12點鐘以經瞓,一覺今晨6點以經醒,去個所回來就瞓不返,賴到6點多還是起來,睡來尚算可以,洗個面上網,啲友陸續蒲頭,係去廁所啫,見個仔攤響房,唔通放假?稍後才見出門返工,個女又蒲頭,著晒電飯煲,真係唔知搞邊科?廚房佢用埋,為有露台洗面擦牙,老婆放假亦瞓醒,廚房忙為有坐響廳看電視,我早餐弄不得,為有上住網先.
8點多啲鐘,個女終於搞掂出門返工,老婆才廚房洗面,一望成堆碗碟待清潔?你就煮得過,難為個老母未辛苦過?再睇還有個燒濃煲?唉!會煮唔會洗?自從健康上腦,吓吓買料自己煮,煮咗帶返工食卦?
老婆洗餐懵後才洗面,唉!等我來煮早餐啦,芝士蛋冶,麥皮奶加粟米片,同老婆兩份食,
 
 餐後8點50分量血壓126/67-51,食今早藥,跟住辦大事,大事唔掂,望住手機youtube差點瞓著,好唔掂?實在太早醒頂唔順,出來要梳化瞓陣覺.
10點鐘瞓醒,華仔來電,吹輪水又11點多鐘,係時候同老婆外出行吓,假期邊度不用諗,就行公園可也,同老婆例牌菜,先行到乙明對開公園坐,同老婆互吐一輪氣頂事?12點多啲便行出城河,在行其間老婆嗌背脊痕,話勾不到喎,為有同佢勾勾,哈!誰知個賓妹望住笑,我話肥得滯勾不到呀,哈!個賓妹好流利廣東話,話佢都係喎?哈!小小兩句話,感覺好温馨和諧?
行到來瀝源橋,又見隻佢龜,豹紋龜,主人又係話佢唔願返歸,又同佢車轉個身,心諗都唔知係咪靈性?看完龜繼續過橋.



 行到大帳篷有節目,大多數細路,

這邊又搭晒棚,又埋去刮吓,
 
原來有展覽,沙田舊貌

五一遊公園
離開個沙田懷舊墟來到兒童世界,


 
看完開心細路,便隔鄰去個所.

出來就賓賓印印世界,


 

 
咁啱前泳池食蕉珍,在這裡做食蕉,又嗲兩句,問吓佢咁多賓賓印印散band後情況,原來都好自律,好乾淨喎,清潔工會放些吉垃圾筒出來,讓她們掉垃圾喎.

 同老婆坐到1點多,係時候去醫肚,我話假期都唔駛諗,吉野家啦,老婆話試吓麥記啦?好,未及兩點同老婆走進沙田中心麥記,又好運喎?咁啱遇上有張對號位有人走,啱晒,老婆買嘢我坐等,買來有單包兩個,胃食咭買杯咖啡配新地樂,一包薯條添,盛惠40蚊,同老婆吃後吹輪水,又5.5蚊整多杯軟雪糕添,結果同老婆坐足粒多鐘才走人.
 
 離開麥記行卜佳,無嘢好買便轉戰759,759又7,7,7折,人不算太多,但又唔少,一入去,見米架空空如也,同老婆行轉,好多心水貨品都無?例如鮮奶,蜜糖都無?同老婆執不到幾多,便排隊比錢,後來聽見有人講,米正在補充,見買嘢唔多,就抽包米過老婆找數,在門口見啲友真誇,車仔推襯都拾多包以上?犀利.
 
 同老婆在門口點數,777折買來有,米8公斤46.8蚊,林老師香辣醬20.7蚊,能量棒三包44.1蚊,麻油兩支41.8蚊,黑糖兩罐30.2蚊,南乳一樽9蚊,白醋一支6.9蚊,合計199.5蚊.
 
跟住雞寶買排蛋25蚊,我孭包米,老婆抽其他,行去市廣場巴士返歸.
 
返歸才4點多啲鐘,

回家我就寫我長長blog,老婆就整理今晚料煲落粥,夜點我來炒個無料米粉,有露筍一扎魷魚數片.

陳皮白果雞頸粥
 
 魷魚露筍辣炒米粉,

個女要食唔辣.

又成9點鐘開餐,三個人食.