睡來可以,膝還在痛,整朝寫網誌,游水600m,大圍拮野兼買餸,晚飯5人食.

昨晚12點鐘瞓,瞓前出埋條大瀑布條片上youtube至瞓,一瞓今晨5點多醒醒,好快又瞓返,到6點45分,閙鐘響醒,叫醒個女起床,鼻塞塞兼鼻水,無法再瞓,為有手機賴床,鼻水塞得太唔舒服,無偈8點為有起來,洗面搞早餐食,餐後量血壓138/75-56,食埋今早藥,寫下今早事,就急不及待要開大.
辦埋大事又9點08分,每日事上網,旅行回來網誌寫不完,為有又繼續我又長又噚旅遊網誌.
一寫又11點幾鐘,係時候要唞唞,食點嘢等陣去游水,12點多啲鐘醒起,還未交屋租,嗱淋交埋屋租又1點鐘,執嘢出門去游水.
過到池1點20分,更衣室搞掂一切上池,稍熱身1點33分下水,慢游600m起水走人,更衣室搞掂一切,至電個老婆又不接電話,同呀王吹陣水,老婆才聽電話,咁就大圍兼買餸,老婆話咁晒,早前買咗件衫,唔啱著要換喎?
更衣室坐咗陣,過到大圍老婆還未到,今日食吉嘢,就吉嘢揾定位等,坐咗好一會老婆才到,話衫以經換妥喎,以往一樣食到至平嗰隻,兩位42蚊.

吃後whatsapp輪買餸,買有冬瓜兩件5蚊,瘦肉15蚊,白豆角2扎5蚊,甘菇三包5蚊.

買後老婆又唔搭車,為有推著部單車,沿城河學校邊踱回家,游完水特別累,腳又痛,趌跛跛的行,行到間學校,見有隻靚貓,原來困響個籠,重三隻咁多.
 
同老婆行吓坐吓,回家都5點半鐘,想話寫陣blog,但係攰得要C,足之要攤響梳化度瞓陣.
 
老婆就處理今晚餐餸,有冬瓜5蚊,白豆2.5蚊,椰菜大半個,冬菇腳,瘦肉15蚊,蝦米同煙肉.
 7點半醒來煮飯,

一搞8點半鐘開飯,有
煙肉炒椰菜,
 
腐乳煮白豆角,

瘦肉冬菇腳滾冬瓜 ,
 


 5個人食1夜返,留湯飯餸.