睡來麻麻,老婆放假,行公園,踱超市,累到C,晚飯5人食.

昨晚如常12點前都瞓,一覺晨咁早6點未夠以經醒,瞓不返,為有又笠耳筒聽歌瞓,唉?旅行回來好似慣性咗?7點鐘個女返工,又搞搞震一輪,老婆放假亦瞓醒,在手機賴床,笠著耳筒賴到8點鐘起來,洗個面搞早餐,老婆起床前後腳早餐,
 
餐後8點35分量血壓147/82-54,又會咁高?上網寫陣網誌,急不及待要辦大事,舒服完又9點15分,量多次血壓120/69-58.
10點多啲鐘,屈響屋企似乎好唔掂,要出街行吓,本來諗住行遠啲走去城門谷公園行吓,跟住行吓荃灣,誰知去到巴士站 ,才發覺部巴士係唔啱,唔夠瞓腳又痛,都係唔鬼去,就行回沙田公園算.
以往行開一樣,行去乙明對開公園坐吓,今日實在太熱,連喱度都無風,坐陣頂唔順都走,一直行去瀝源橋,橋頭個亭坐吓,平時好好風,今日都無乜?同老婆坐落吹水,研究吓新下載個apps,兩公婆係咁試來試去,坐夠過橋,行吓坐吓,腳今日特別痛,坐咗好多回才行出公圍.
出了公園諗住麥記坐吓,誰知人多無位,焗住美心快餐坐,同老婆講不如食美心啦,老婆話大乜樂有積分喎,坐夠又走去大乜樂.
誰知一出商場,傾盆大雨,若果還在公園肯定走唔切,過到大乜樂依然熱閙,拉住老婆無謂等啦,行到去海皇,又似乎無咁多人,不如就食海皇啦,望吓個水牌發呆,實在太貴,交帶老婆我要碗至平既粥,同隻糉算.
老婆買嘢我就坐響度,無聊睇吓人生百態,發覺個場係無人執嘢,客人走咗,有客坐下,係得個等字,又有好多客係偈腳,攞杯滾水,話之你堆積如山,有啲兩公婆打斜各坐,話之你最緊鬆動,食得舒服,等咗好一會,老婆終於買嘢到,兩粥一糉一牛肉腸,問聲老婆幾錢,95蚊喎,犀利.

 飽飽後行商場,都係超市為主,趌跛跛拖住腳步,行到有櫈就歇腳,行過卜百,759,雞寶,街市,實在太累,離開街市兩公婆都累到不堪,都係早啲返歸.
回家3點40分,買來有759罐頭螺片19.9蚊,辣豆辦醬4.9蚊,街市節瓜4蚊,豆腐4.5蚊,

實在太累,攤上床就瞓著,一瞓7點多鐘,嗱淋煮飯,有節瓜,雞湯,豆腐,粉絲半包,蝦米,同碟隔夜甘筍雞,椰菜收起無食.
 
 節瓜粉絲蝦米煮腐乳.
 
 鹽煎豆腐各.
 
隔夜甘筍雞

成8點40分開飯,話之你開飯,
5個人食1夜返飯餸.