睡來唔錯,腳踭痊癒8成,整朝馬圈話當年,樓下三人下午茶,晚飯5人食.

昨晚唔寫又寫,足知在電視極討厭笑聲下出埋篇blog,看陣晚間新聞以經瞓,一覺今晨7點多,手機賴床到8點多起來,睡來唔錯,腳踭又進一步好點,洗面煮早餐,還是鮮奶麥皮,兩片麵包搽花生醬飛碟烘食,餐後量血壓129/72-53,吃過今早藥,寫下今早事便辦大事,搞掂一切又10點鐘.
看陣新聞,無乜好看下,又轉去看youtube,自從看過一些香港賽馬片,youtube就推出一堆香港賽馬歷史過我看,人老喜舊事,一睇又整個上午,睇得我津津有味.

　 馬圈話當年--摩加利

https://www.youtube.com/watch?v=AC7Uf3AYzsQ
 https://www.youtube.com/watch?v=H_EFYALu_0w
 https://www.youtube.com/watch?v=B4ZfoS8r41w
哈!喱個重經典 邱達禧
https://www.youtube.com/watch?v=bFCqe05Fjn0
11點40分新抱返工,我都要停停唞唞.
看輪電視個女返,1點多鐘老婆返,老婆回來還是佢網上遊戲,2點多鐘,可能困響企太耐,窗又關堪,整個人暈沱沱眼花花?似乎唔多妥?嗱淋打開街門屋外走走唞吓,剛巧好落大雨,有點風個人才舒服點,在聶堂望輪街景才返回屋內.
兩點多三點鐘,我問老婆點呀?不用買餸,還是在家淥個麵食算,都知老婆實唔制?老婆唔駛錢唔安樂?見無雨咁就連同個女三人落大乜樂食下午茶.
可能剛啱停雨,大乜樂好多人,還好找到張枱,老婆25,個女33.5,我就23蚊,大乜樂十足街坊食堂,到時到候街坊見個面?打個招乎傾兩句?吃過坐夠,今日無須買餸便返歸.
回家4點鐘,老婆累得要C,梳化瞓著.

 我就上網寫陣blog,時間尚早,無聊下又摷回好久前追開套劇,花紅花火來看,追多兩集,7點多啲鐘才來煮飯,還是昨晚未食餐餸,料有紅莧菜,冬瓜粒,冰鮮雞,冬菇腳,肉粒同甘筍.



蒸雞一隻,

蒜蓉莧菜,

冬菇腳瘦肉粒滾冬瓜粒,



5個人食1夜返留湯飯餸.

 飯後果火龍果同啤梨.
 

睡來唔錯,腳還在痛,磨利刀,熱到甩肺,大圍大乜樂買餸,晚飯兩人食.

幾天來出blog出得都有點悶,日日如是,真係好想唔出,昨晚諗住求寫下留下自己算,後來還是草草寫幾隻出埋篇blog才瞓.

一覺今晨7點多鐘,睡來唔錯,賴陣床8點多起來,腳還在痛,但似乎無昨日咁嚴重,都係忍吓你,唔食消炎藥,睇吓你又點?
 

起來洗面,早餐,餐後量血壓141/75-61,食過今早藥,辦埋個大事9點42分,再量次血壓132/67-55,又開始我今日事上網.
上輪網無所事事,不如揾啲嘢搞吓,廚房刀太多,唔用就生晒銹,等我來磨磨佢再用些沙紙省省佢,去咗啲锈又幾靚吖?搞掂都唔知放邊處好?用個盒裝起,求其放埋一邊算,搞掂輪到個不锈鋼盤,以前用來放電腦鍵盤,拉開拉埋來用,現在都無用,做層板廚房廁所諗極都唔掂,鐵器嘢要改極麻煩,唉!不如比娥姐賣廢料算.

搞緊其間新抱瞓醒,原來放假,處理咗佢啲植物便出街,話等陣回來喎?整嘢無得諗?為有我收起的工具收工.
看電視至兩點鐘,老婆返還是上網佢遊戲,到差不多3點鐘,出街食嘢兼買餸,蒜頭干葱乜都無,一定要過大圍.
大熱天時犀利,熱氣逼人,老婆担遮搭程車過大圍,大圍穩陣些還是食大乜樂,又出乎意料唔太多人啵?同老婆每人食個茶餐老婆25我26,

吃過坐夠行街市,可能太熱卦,街市都唔太多人?行轉街市諗住買蒜頭,嘩!又貴又唔靚,不如買樽蒜蓉頂住擋好過,格過吓價至平係佢,11蚊買樽李乜記,其他買有,火龍果標榜紅肉喎?三個10蚊,紅莧菜兩扎8蚊,啤梨6.5蚊,鹹蛋6隻10蚊,干葱兩包5蚊,瘦肉15蚊,三文魚頭15蚊,合共80.5元,
 
搞掂搭程車返歸.
回家5點20分,遇見娥姐出聶,啱嘥,叫佢等陣上來拿走啲鋁罐,廢紙同個不锈鋼盤.
由於今餐特別多功夫,立即開工要處理,料有三文魚頭,冬瓜,紅莧菜,鹹蛋同瘦肉,

7點20分處理好,洗落米諗住煮飯,個仔還未放工返?老婆就至電揾仔,唉!原來兩個今晚都唔食喎?又話已經whatsapp咗過我們喎?

唔食都無偈?為有收起大部份菜料,無煮飯獨係煮個三文魚頭煲算.


 摷埋半個生菜
 
8點45分開飯,些少冷飯連隔夜木瓜湯,兩個人食.

飯後果紅火龍果

無晴腳痛,游水600m,瀝源拮嘢買餸,晚飯4人食.

昨晚早早出埋編blog,唉!電視又係魔術,一男一女笑聲又奇又特,又大聲討厭之極,索性早早上床,望吓手機好過.
早早瞓一覺今晨6點鐘醒,真大鑊右腳踭高少少,條根扯住痛,行來要趌趌吓,在廳梳化賴床到8點多才洗面,食過早餐搞掂一切,又9點多鐘,上陣11點多鐘,看電視,1點鐘腳痛去唔去游水好呢?
掙扎咗一輪?若唔去明天洗池又無得游,唉!都係游得就游,趌跛跛的出門,過到池1點16分,還是一條氣游佢600m起水走人.
更衣搞掂一切,同老婆來個約定,瀝源食拮嘢,兩位44.5蚊.

餐後買餸,買有木瓜1隻7蚊,冰雞隻29蚊,瘦肉18.3蚊返歸.

回家5點05分,老婆搞料煲湯,料有木瓜,雞腳,花生同眉豆.

夜腳痛老婆又唔願煮,為有趌跛跛來煮飯,料有公魚干,蝦干,瘦肉,鹹蛋王同露筍.

鹹蛋公魚干蒸肉餅.

蝦干炒露筍

花生眉豆木瓜煲雞腳.

 

8點45分開飯4個人食1夜返留湯飯餸.

睡來唔錯,整朝上網,游水600m,沙田中心麥記兼買餸,晚飯5人食.

昨晚10點幾鐘,無所事事,電視就晚晚如是魔術,唉!點出色都無用假嘢,嘥氣,我就無興趣,擺定架步上床,睇陣手機都瞓.

一覺今晨7點多,去個所就瞓不返,手機賴床,8點鐘千禧年代,提議中環海濱設釣魚區,哈!嘥氣,中午嗰粒鐘,食完個晏有時間都恰吓啦,痴線.
8點半鐘聽埋個新聞,我都關機起床,起來全屋以經返晒工,邊洗面邊開火煮早餐,還是豆奶麥皮,兩片方包搽花生醬食,餐後量血壓132/73-50,食過今早藥便上網,寫下今早事,便辦大事,大事完畢又9點40分,又開始我今日事上網.

胡亂上輪網11點多鐘,恰番陣眼睏.一恰又1點鐘,執嘢去游水.過到池1點22分,更衣室搞掂一切上池,陽光超猛,稍熱身1點35分下水,一條氣游佢600m,2點07分起水走人,更衣室搞掂一切,至電老婆你想點?相議後中心麥記等.
同呀王吹陣水,然後過中心,老婆已在麥記等,還是一樣一包一餐食粟米飲奶茶33蚊,吃過坐夠走人,銀行打打薄,跟住行超市,行過卜佳,759,雞寶同街市後,同老婆分道揚鑣,老婆搭車我踩車.
返回屋企街市,稍等老婆才到,街市買扎通菜返歸.
回家5點40分,買來759料有捲形粟脆9.5蚊,香烤脆麵包三包26.4蚊,合共35.9元.

雞寶雞蛋一排25蚊,卜佳麥方包8.9蚊,瘦肉20.9蚊,街市通菜一扎4蚊,合共33.8元返歸.
 
回家老婆處買來菜料,我就上網寫今日blog.
7點20分煮飯,料有蝦米,瘦肉,冬瓜,露筍同通菜.

腐乳炒通菜,

肉片炒露筍,

 蝦米冬瓜瘦肉湯,



 8點25分開飯,人齊5個人食.

睡來唔錯,整日在家,個仔放假,樓下大乜樂,晚煲粥炒麵兩個人食.

昨晚無所事事唔睇電視,10點幾鐘鋪好個架步,挨響床賴陣手機已經瞓,一覺今早7點多點醒,個女亦起床在姿整,我就手機賴床,到8點多啲鐘便起來,睡來唔錯.

在梳化攤陣,個女返工我才洗面搞早餐,豆奶麥皮,兩片方包搽花生醬食,餐後量血壓125/73-52,食過今早藥便上網,以經9點鐘,新抱返早亦返工,寫陣blog辦埋個大事又10點鐘,每日事上網.
胡亂上輪網又一個上午,今日星期二,諗住唔去游水,到2點鐘老婆放工,一同出鴨撩街行吓,順便多彩酒樓買燒肉下欄,誰知1點半鐘老婆來電說加班,收兩半鐘喎,咁就無偈,差不多兩點鐘,個仔房內蒲出來,原來放假瞓到加陣?
到兩點50分,老婆放工回來,個仔又話今晚佢兩個唔食飯喎,見又咁晏兩隻嘢又話唔食飯,都係無謂出鴨撩街,咁就齊齊樓下食大乜樂.
大乜樂每人食個下午茶餐,老婆25,個仔35,我就26元,吃後坐咗大輪,就齊齊上惠乜,見早前759買咗包5個A靚米,諗落太靚米,不如買包平嘢溝溝佢,咁就選擇包8Kg得寶米56.9元,而兩仔乸又買零食,有朱古力批兩盒16蚊,粟米筒兩盒16蚊,芝士拉麵19.9蚊同香蕉3蚊,合共111.8元返歸.

回家才4點半鐘,我就開工寫我今日blog,老婆浸下米準備煲粥,寫陣blog就比部電腦過老婆遊戲.
夜點煲粥炒麵,雪柜料有豬扒,白果陳皮,生菜,甘筍同兩個竹炭麵.鹹蛋就無煮.



炒公仔麵

生菜包

8點11分開餐,兩個人食.

睡來尚可,修單車,游水700m,獨自大圍買餸,樓下食大乜樂,晚飯5人食.

昨日垃圾事好想唔出街,平凡到極,兼夾又嚐試學人玩吓個video剪片,哈!還好12點前搞掂上埋youtube,唉!垃圾嘢,擺多兩日都係掉之則吉,還好搞掂一切12零鐘都可以瞓.

一覺今晨5點多鐘,唉?老婆未醒我已經醒,為有手機望望,老婆還說你又失眠?非也,係剛醒啫,老婆返工後好彩還可瞓返,咁就瞓到8點鐘,個女瞓醒起床,零捨多姿整,騰來騰去邊可以有得瞓吖?瞓不返為有手機再賴床,昨晚新聞講北京老虎咬C人,又摷吓youtube有無片到,果然有,咁就whatsapp過啲朋友分享吓,
https://www.youtube.com/watch?v=1RjQZq3sdkM
就係咁what吓sapp吓賴到9點鐘才起來.

睡來尚算OK,洗面,鮮奶麥皮,又韮菜煎餅,搞一輪上住網食,

餐後量血壓134/77-55食埋今早藥,以經10點15分,今日事上網.
上陣網12點鐘,新抱返工,諗起部買餸車無晴晴成日甩鍊,點攪呀?不如落樓推回來攪吓,希望攪得佢掂.
烈日當空拿回來,調較吓佢,須然上不到最高個速同落到最低個速,總算可以踩得吓,望吓鐘12點40分,係時候執嘢去游水.
執好嘢過到泳池1點18分,更衣室搞掂一切上池,陽光勁猛,稍熱身1點33分下水,一條氣游佢700m,兩點15分夠數走人,更衣室搞掂一切,至電個老婆,勸佢天氣太熱不要去買餸,就讓我個人來買,回來樓下才食大乜樂啦.
同呀王吹陣便過大圍,大圍行轉街市,買有蘇打粉8蚊,開平腐乳7.5蚊,胡椒粉兩支6蚊,冬瓜仔2.5蚊斤,秤個8蚊,涼瓜兩隻7.5蚊,露筍4扎15蚊合共62蚊走人.
 
回家至電老婆下來,幫手拿餸菜回家,自己就鎖好單車,便過大乜樂等老婆,遇啱朱太在,便坐埋一枱吹水,吹陣水老婆到,老婆買餐,我就西多餐22蚊,老婆就米粉餐23蚊.
 朱太特別多嘢傾,傾到唔願離開,為有同老婆講聲,我們還要買麵包,要上惠乜啵?朱太才說我都要去,行轉惠乜無嘢好買,9.9蚊買包8片麥方包走人.
回家上網寫我今日blog,老婆無開電腦就即冷衫,寫咗陣累得要C,就給過老婆來遊戲,我就梳化恰番陣.
夜7點多啲鐘來煮飯,料有荷豆8蚊,咸蛋一只1.6元,涼瓜7.5蚊,露筍1扎3.8蚊同豬扒.
 


蒜頭豆豉豬扒煮涼瓜

荷豆露筍炒豬扒.


烚隻鹹蛋試食,8點10分開飯,5個人食1夜返留飯餸.