昨晚無所事事唔睇電視,10點幾鐘鋪好個架步,挨響床賴陣手機已經瞓,一覺今早7點多點醒,個女亦起床在姿整,我就手機賴床,到8點多啲鐘便起來,睡來唔錯.
在梳化攤陣,個女返工我才洗面搞早餐,豆奶麥皮,兩片方包搽花生醬食,餐後量血壓125/73-52,食過今早藥便上網,以經9點鐘,新抱返早亦返工,寫陣blog辦埋個大事又10點鐘,每日事上網.
胡亂上輪網又一個上午,今日星期二,諗住唔去游水,到2點鐘老婆放工,一同出鴨撩街行吓,順便多彩酒樓買燒肉下欄,誰知1點半鐘老婆來電說加班,收兩半鐘喎,咁就無偈,差不多兩點鐘,個仔房內蒲出來,原來放假瞓到加陣?
到兩點50分,老婆放工回來,個仔又話今晚佢兩個唔食飯喎,見又咁晏兩隻嘢又話唔食飯,都係無謂出鴨撩街,咁就齊齊樓下食大乜樂.
大乜樂每人食個下午茶餐,老婆25,個仔35,我就26元,吃後坐咗大輪,就齊齊上惠乜,見早前759買咗包5個A靚米,諗落太靚米,不如買包平嘢溝溝佢,咁就選擇包8Kg得寶米56.9元,而兩仔乸又買零食,有朱古力批兩盒16蚊,粟米筒兩盒16蚊,芝士拉麵19.9蚊同香蕉3蚊,合共111.8元返歸.
回家才4點半鐘,我就開工寫我今日blog,老婆浸下米準備煲粥,寫陣blog就比部電腦過老婆遊戲.
夜點煲粥炒麵,雪柜料有豬扒,白果陳皮,生菜,甘筍同兩個竹炭麵.鹹蛋就無煮.
炒公仔麵
生菜包
8點11分開餐,兩個人食.
胡亂上輪網又一個上午,今日星期二,諗住唔去游水,到2點鐘老婆放工,一同出鴨撩街行吓,順便多彩酒樓買燒肉下欄,誰知1點半鐘老婆來電說加班,收兩半鐘喎,咁就無偈,差不多兩點鐘,個仔房內蒲出來,原來放假瞓到加陣?
到兩點50分,老婆放工回來,個仔又話今晚佢兩個唔食飯喎,見又咁晏兩隻嘢又話唔食飯,都係無謂出鴨撩街,咁就齊齊樓下食大乜樂.
大乜樂每人食個下午茶餐,老婆25,個仔35,我就26元,吃後坐咗大輪,就齊齊上惠乜,見早前759買咗包5個A靚米,諗落太靚米,不如買包平嘢溝溝佢,咁就選擇包8Kg得寶米56.9元,而兩仔乸又買零食,有朱古力批兩盒16蚊,粟米筒兩盒16蚊,芝士拉麵19.9蚊同香蕉3蚊,合共111.8元返歸.
回家才4點半鐘,我就開工寫我今日blog,老婆浸下米準備煲粥,寫陣blog就比部電腦過老婆遊戲.
夜點煲粥炒麵,雪柜料有豬扒,白果陳皮,生菜,甘筍同兩個竹炭麵.鹹蛋就無煮.
炒公仔麵
生菜包
8點11分開餐,兩個人食.
呢輪很流行竹碳，竹碳衫褲，襪，食得的有麵包，麵……。
回覆刪除今晚早了開飯，因為只得你俩個食。
哈!真係唔識,買回來打開才知係黑色,係呀兩個人食,求其啦.
刪除你幾時咁重手買得太多豬扒呢? 見你尼個星期食左好多餐豬扒,都重未清哂貨喎!
回覆刪除無呀,15蚊共6塊,好似6餐咁上下?每餐時多時少,無啦清晒LU,見放雪柜上格,食得耐就唔好啦,哈!嘛餐有佢囉.
刪除5A 米真係咁好，我會叫老DAD返香港時試下
回覆刪除係好靚,靚得滯唔舒服,哈!買啲渣嘢溝溝佢.
刪除