睡來尚可,整日在家,老婆會舊同事,大乜樂食熱狗,晚飯4人食.

昨晚涼涼哋無開冷氣,飯後飲咗小杯仔梅酒,望住電視兩條儍佬,擘大喉嚨嘈喧巴閉,煩完一輪終於輪到城寨英雄.
烏吓烏吓看到11點幾鐘,諗吓今日篇嘢還未寫?好懶,但唔寫明天過後又忘記?終於12點多啲鐘寫埋,諗住都去瞓,好衰唔衰又比奧運羽毛球混雙,情意結下一睇成兩點鐘,唉?都係去瞓?

還好很快瞓著,一覺今晨7點多鐘醒,收音機賴床,8點鐘舊日足跡,梁盛子?係乜水?上網摷吓料?原來秦沛前妻,吸引下起床洗面一路聽著,早餐無麵包,都係唔搞咁多嘢,淥個麵恰隻蛋食算,餐後9點半鐘量血壓125/73-53,今早藥,寫陣今早事便辦大事,搞掂一切又10點25分.
昨晚場羽毛球誰勝還未知?於是網上摷吓戰果,原來中國贏咗,摷吓又摷到以下條新聞,幾有趣吓,叫托舉哥喎?
 http://hd.stheadline.com/news/realtime/chi/1087380/
諗住youtube會有條片睇卦?於是乎摷吓,條片就摷不到,但其他同類事件就大把,又會咁經常發生?托舉哥我哋就陌生,在內地應該不是新鮮事? 以下求其放兩條睇吓,其實還有很多.





上輪網又一個上午,諗起早幾日嗰三隻桂木,拿出來研究吓先,以經熟到黃色,好稔稍壓吓都變黑,切開來試吓先,實在太稔,切時要拉刀才切開,好多核,甜甜哋微酸,皮太軟食黐埋入口.

吃後在家無所事看電視.
老婆話收工約咗舊同事,7月14顯徑街坊燒街衣拜神會喎,要晏啲才返,百無聊賴,為有等老婆返,一等4點多啲鐘老婆返,帶來拜過神啲物品,有茶葉有燒肉.

老婆回來例牌上網遊戲,成5點鐘叫聲老婆落街行吓,衰婆話食咗嘢唔落喎,我話等你等家陣,還未食過嘢呀,她才肯出去,個仔喱個時候放工返.
落到大乜樂,由於太晏大把位任坐,我就食個熱狗餐25蚊.

吃後坐夠同老婆上惠乜行吓,又有特價嘢推出,老婆例執番些,一執40多元,由於有張50元現金券,執多支老抽湊夠52.8元走人.
 
回家6點半鐘,看陣電視7點多啲鐘煮飯,雪柜料.

一搞8點半鐘開飯,有蝦米粉絲甘菇煮旺菜.

雞腎煮涼瓜.

燒肉煮四季豆,

4個人食1夜返留飯餸.