睡來尚可,整朝上網看電視,游水800m,老婆有節目,冒雨大圍買餸,晚飯4人食.

昨晚還是奧運12點幾鐘至瞓,一覺今晨7點多啲鐘醒,收音機賴床8點多起來,搞輪早餐班戟同麥皮,搞妥才洗面,吃過早餐以經9點42分,

量血壓126/73-55,食過今早藥,上網寫下今早事,看電視辦大事又11點幾鐘,手機裝埋個拼圖app又整個上午.
1點多鐘無所事事,為有去游水,1點半鐘過到池,更衣室搞掂一切,上池稍熱身,1點45分下水,慢游600m,今日老婆收工,約咗舊同事去開心喎?唔好預佢喎,見有大把時間,稍唞陣游多200m,合共800m走人,更衣室辦妥一切,同呀王吹水.
打輪牙骹3點多鐘才過大圍買餸,行轉街市,唉?都唔知買乜好,就雞寶買幾塊豬扒先,買後續行,唉?落雨,越落越大,被雨其間老婆來電,說西九龍中心盲人按摩喎,96蚊半粒鐘喎,還說今晚未知幾時返喎.
收線後冒雨買埋其他菜,便騎樓等停雨,看勢落不停,走又C唔走重C,都係冒雨踩回家.
返歸5點半鐘,買來有蕃茄4隻6蚊,青茄子5蚊,豬扒18.4蚊,合共29.4蚊,

 夜7點半鐘煮飯,料有蕃茄三隻,豬扒兩件,茄瓜兩條.

8點50分開飯,有煎豬扒,芝士蕃茄,腐乳煮茄瓜,4個人食1夜返留飯餸.