睡來還可,老婆休息,又係好Q熱,公園行不成,樓下食個飯,下午瞓咗陣,攞月餅,晚飯5人食.

昨晚老婆開個月餅食角後,輪到新抱返又開月餅,食個仔拿回來的冰皮榴槤月餅,同雪糕有何分別,唔識欣賞?食過兩角後,都差不多12點鐘我都瞓.

起初入睡有點難?但都可瞓著,瞓著又夜所,還好瞓到今晨6點鐘醒,見老婆還在床,嗱淋拍吓佢,唉?原來放假?嚇得我吖?瞓不返為有耳筒歌仔瞓,就係咁矇矓到8點多起來,睡來尚算可以.

起來洗面番熱木耳漿,上著網食,稍後弄早餐,老婆還在手機賴床,餐後9點40分量血壓130/71-57,食過今早藥辦大事.
辦妥事搞掂一切又10點半鐘,今早事兩公婆齊齊上網,到11點半鐘,係時候出去行吓,還是公園方向,以往一樣先行去乙明對開最公園坐,還以為今日會涼快啦?原來咁Q熱,平時這裡好好風,今日一滴都無,坐咗陣都走,還是以往一樣瀝源橋個亭,亭還好啲有點風.

坐咗陣咁Q熱,不如過行商場涼冷氣,於是同老婆過橋新城市廣場,過到大會堂圖書館,都係唔行,嗱淋縮入圖書館,就近近哋就兒童圖書館坐,
 
同老婆坐咗好耐,便過城市廣場.
過到去超多人,老婆要廁所,嘩!排到出來,咁Q犀利,我就入男廁,無來市廣場好耐,廁所裝修過比前大得多,出來無幾耐,老婆以經搞掂?又會咁快,老婆話廁所好大喎,怪不得?同老婆續行商場,一直行上天面.

老婆突然話大鑊,忘記帶月餅券,我話好肚餓喎,不如去麥記食點嘢才返歸攞囉,一路行諗吓,星期日肯定人多,都1點多鐘,不如返歸食大乜樂,人少啲兩份個飯好過,於是就樓下搭程車返歸.
回到大乜樂,同老婆兩份37蚊食個4寶飯.

非常肚餓,大大啖非常美味.
吃後返歸,今日跑馬,老婆又上網遊戲,睇咗場馬,唔識賭兼超眼睏,足知攤上床瞓著,大約瞓咗粒多鐘4點鐘,係時候去攞月餅,好衰唔衰東乜堂要火車站內攞,為有搭程火車,唉?又係超多人,還好只搭兩個站,東乜堂搞掂,跟住美乜,要上到8樓,美乜特別旺啲,要排隊攞,老婆排隊我就坐陣等.

 搞掂齊齊買餸,實在太勞累,行到有得坐就坐吓,對膝頭實在太痛,辛苦過去旅行,行完卜佳大乜活又坐吓,跟住759再落雞寶,雞寶買咗隻沙薑熟雞,去到街市門口我又要坐,老婆見我咁辛苦,索性自己入街市買豆腐同魚胶,買後市廣場搭程車返歸,樓下街市斤菜心返歸.
回家6點20分,買來有沙薑熟雞36蚊,菜心7蚊,魚胶10蚊,豆腐4.5蚊.

 月餅兩盒,鮮奶兩盒19.4蚊,衛星包14蚊.
 
 7點鐘煮飯,料有魚胶,冬菇,菜心,豆腐,蝦米同煙肉.

沙薑雞
 
琵琶豆腐

 灼菜心,
 
 5個人食兩夜返留飯餸.
 
 飯果哈蜜瓜.