睡來可好,整朝上網,大圍食麵食雪糕買餸,登記流感針,晚飯4人食.

昨晚早早上床都瞓,可能鴨寮街之行太累,好快便瞓著,半夜實在太涼,稍醒冚好被,就一覺今早7點多啲鐘,睡來還可,有夢,不過都忘記了,賴床近8點鐘,個女閙響不停,響到8點鐘個女終於醒起床,我都懶得賴,起床洗面.
今日無麵包,為有出動自發粉,雞蛋隻加豆漿,煮埋個豆漿麥皮,搞掂以經8點半鐘,量血壓129/75-52,邊早餐邊上網寫下我今早事,

餐後食過今早藥辦大事.
辦完個大事,洗埋啲嘢又10點10分,望吓個市微跌幾拾點,但係隻友邦跌6巴仙,有無搞錯?
上輪網煲輪劇又11點45分,新抱亦返工,我亦有點累,關機看電視恰陣眼睏.
1點多鐘老婆返,例上網玩陣遊戲,我就恰輪眼睏2點多鐘,叫老婆關機出街買餸.還是搭程車過大圍.大圍選擇食雲吞麵老婆23我23,吃後買餸,魚檔10蚊買份泥鯭,跟住行菜檔,行勻都唔知買乜好?就10蚊買菜心,行到麥記又入去食杯雪糕,兩杯7蚊歇歇腳,

坐夠走人,藥房買兩條廁紙28蚊,老婆愛踱路,同老婆踱吓,公園坐吓,城河觀景台又坐吓返歸.

返回自家屋邨.老婆醒起報名打擒流感針,於是去區議員辦事處登記,職員填妥兩張表,薟兩個名搞掂,輪到老婆薟名,只薟一個,原來長者免費要薟兩張,搞掂返歸.
回家5點35分,個仔以經返來,老婆處理買來菜料,我就上網寫今日blog.
7點半鐘煮飯,料有泥鯭魚,菜心,四季豆,洋葱同鹹肉.

 一煮8點37分開飯,話之你開飯4個人食1夜返留飯餸.