讚助一千,睡來尚可,樓下早餐,大風轉涼,行轉禾輋食麥記,回程買餸返,晚飯5人食.

昨晚夜夜出埋篇blog新抱返,說我們今個月生日,給我們一千元作讚助我們旅行喎,唉!我話嘥氣啦,我哋還有錢,唔駛喇,佢話小小心意咋,盛情難郤為有收有下.
經一搞又成12點多瞓覺,天氣涼夜所兩次,瞓到今晨7點鐘,瞓不返耳筒賴床,老婆放假亦瞓醒,近8點鐘個女閙響不停,嘈到個老母不耐煩,大拍她床叫起床,我都懶得去理,唉!喱啲衰女,只許州官放火,不許民間點燈,我都費事理,兩母女駁輪火才起床返工,話之你賴床到8點鐘起來.
涼涼哋洗個面,早餐無麵包,叫醒手機賴床老婆,要大乜樂早餐,出門都9點鐘,量個血壓130/75-48,帶埋藥穿件風褸出門.
大乜樂客話多唔多,老婆就深海魚扒餐28蚊,我就食至低早餐25蚊,大件夾唔好食,通粉得個鹹字,食個通粉以經無胃口,為有三文冶打包拿走,

同老婆坐咗好耐,玩吓手機望吓啲客人生百態,一坐差不多11點鐘走人,邨外圍行個圈,望吓邨外棵大樹菠蘿,早前大大個大大抽大樹菠蘿消失咗LU,大概有人收割咗拿走LU,風勢勁大,同老婆都係返歸.
回家11點鐘,上網寫下今早事,望吓個市恆指升320點,哈!美股跌港股竟然升?友邦依然偏軟,微跌0.15,其他就升,旅行前夕大事執拾吓,明天所須衣服,兼夾轉季在即,都要執執入籠,發覺人瘦咗,以前過窄不適合,現時條條褲都啱著,又好多幾條穿吓.
執拾好2點多鐘,同老婆過禾輋,看有什好買,過到禾輋商場,老婆話要飲唐式下午茶,我話又貴又無乜謂座咁耐?爭持咗一陣,老婆還是聽我講麥當奴啦.
麥記大把位任坐,老婆買個辣雞腿包餐33蚊,我就食回早餐件三文冶算,

餐後望吓個電話,原來黃果之友來過電?於是回覆過佢,曾經講過張家界回來,要向我訴苦,咁就聽吓佢點苦況,原來同去一班人,又嘈又麻煩,話開飯時大彈啲飯餸難梗?又好似臭豆腐咁,話臭難頂,二話不說就張之拿走,唉!省外嘢邊有啖好食吖?其實以我經驗,匯景食用以經算唔錯,又話五天行程,頭4天全程下雨,重係好大嗰隻,又大霧,乜都無得睇?拍照更加不用講,係回程第五天叫做好天,不過參博物館喎,一傾成50分鐘才收線.
離開麥記行商場,禾輋係咁易行吓,便過瀝源,759又七折,同老婆大掃一輪,跟住雞寶,沙田街市,然後卜佳買個揾丁縮水衛星包走人,廣場搭程車,樓下街市買斤菜心苗返歸.
回家以經6點20分,759買有粗糼鹽各一14蚊,兩支飲品10.3蚊,西梅乾18.8蚊,提子乾22.3蚊,卜佳縮水衛星包10蚊.合共75.4蚊

 菜料有菜芯苗10蚊,雞寶蕃薯3斤10蚊,半肥瘦豬肉17.2蚊,合共37.2蚊.

回來老婆處理今晚餐餸,我就上網寫下今日blog.
夜7點45鐘煮飯,料有梅菜肉餅,菜心苗同沙甸魚兩罐.

梅菜蒸肉餅,
 
罐頭沙甸魚,
 
 蠔油菜心苗,

 8點45分開飯,5個人食兩夜返留飯餸.