睡來可以,腳痛痊癒,整朝煲劇,游水600m,衛訊修手機,食大乜樂,晚飯5人食.

昨日海馬8號整日困在家,夜11點多便瞓,夜所一劑,便瞓到今早8點鐘醒,乜都無做到,眼白白賴床到9點才起來,兩粒消炎藥,腳以經無事,但又輪到我右膊肩淵痛,相信都係滑鼠過勞,希望減少吓用電腦會無事卦?

洗個面搞早餐,新抱番早出門,餐前血壓132/74-52,餐後今早藥,番熱木耳漿食,跟手辦大事,大事完畢又10點多啲鐘,今日事上網.
上網看陣新聞,我又轉去煲劇,套劇實太長,成81集,真係好想快點睇埋佢,一看又整個上午,才煲到70集,12點鐘關機看電視羋月傳,看電視其間沖包奶茶,開盒759康元雜餅食,盒餅7.9蚊又幾好啵.

 看完1點多啲鐘,昨日兩粒消炎藥,隻腳以經無事,見好幾日無游水,都係懶之過,係時候都要郁吓,執好游水嘢,車場攞單車,海馬過後滿地樹葉,

過到池1點33分,更衣室換妥泳褲,又同早更員工吹吓水,一吹講不停,嗱淋要去游水,上到池陽光普照,稍熱身正當水,又見個相熟員工在游,又傾幾句,原來換季縮減人手,無得做喎,傾咗幾句,唔得喇,還唔下水就不用,搞到成2點鐘下水,大耐無游目標500m算,見下水狀態唔錯,決定游多100m.2點32分夠算走人.
更衣室見王開工,同佢講句,昨日打風不用做啦,原來重辛若,撈樹葉清潔做餐C喎,要趕住落波前開放喎,沖完個涼,呀王已經拿定部手機出來,話個youtube要佢更新喎,我話等陣先,等我至電個老婆,要去那裡下午茶先,誰知一打出過老婆,老婆一接又係落去免提聽筒處,喱輪硬係咁?試打幾次都係一樣?看來要去衛訊問吓,於是叫老婆過沙田中心衛訊等.
更衣室同呀王更新咗個youtube,便過沙田中心衛訊會老婆,過到去老婆在大乜樂,我話衛訊問咗手機先?
入到衛訊好多人,星期六特別多客,見個職員叫RAY稍為得閒,立即張情況話佢知,試過打過佢聽,好彩重係喇叭出聲,佢話好可能程式相撞喎?佢話同我set過部機,若果唔得就要拿回三星維修部修理,須時10幾日喎.
於是當場同set過,等咗好一陣set完,諗住會得啦?哈!未行出門口,一試又係一樣,嗱淋返轉頭同佢講,佢話不如咁,同我從新Reset過,問我部機有無backup,我話無呀,不過都緊要,我話不如儲傳落張sd咭度喇,佢話好,不過搬資要成45分鐘喎?叫45分鐘後回來.
離開衛訊4點鐘,同老婆大乜樂食下午茶餐,兩餐合共43蚊,坐夠行陣4點40分返回衛訊,部機已經搬好資料,跟住用佢純熟手法,撳吓又行開吓,做其他客買機,就係咁行吓撳吓,一搞5點15分搞掂,試機打吓電話,又ok啵,跟住要我登入e-mail同密碼,大鑊,無準備點記得呀?好彩憑我依稀記得吓?才搞掂,搞掂後試過幾次,無問題走得.
跟住買餸,唉!真係唔買,行轉百佳,街市同瀝源同雞寶,一啲都無買上手,以經夜,叫老婆街市買磚豆腐搭車走,我就踩車回家.
返回自己街市,老婆還未到,我就買兩條勝瓜8.5蚊,蕃茄4粒7.5蚊同韮菜2蚊,合共18蚊,買後老婆才到.
 
齊齊回家6點08分,老婆處今晚餐餸,我就上網寫我今日blog,一寫不覺8點鐘,嗱淋煮飯,由於煮到無心機,蕃茄都係唔搞,就韮菜,勝瓜,洋葱,鹹豬肉,豆腐同隔夜鹹雞,煮兩個餸算.

 韮菜豆腐煮鹹雞.
 
 勝瓜木耳洋葱煮鹹豬肉.

 煮好8點57分,唉?話知你哋食唔食?足知9點07分才來食.
5個人食兩留飯餸.