睡來還可,海馬8號,仔仔一堂,樓下大乜樂,晚飯5人食.

昨晚做好防風設施,11點多啲都上床,係手機煲劇,一煲12點半鐘,都係咪攪,收機瞓覺,一覺今晨6點多醒,老婆返了工,望吓個窗有點怪?好似無咗隻窗咁,嗱淋起來睇吓,原來個窗開咗無扣好,吹到摺咗去後便,好彩無風無雨,還好家背向西南,而窗出便吹到樹都歪晒.

難得8號波全城人安在家,好好休息一日,懶得起床,無聊下玩吓手機,又四圍,whatsapp吓,問候吓他們周邊情況,又相來相往交流吓,又同華仔電話吹輪水.

玩輪手機吹輪水9點半起來,一切平靜,唉!腳還在痛,趌趌腳洗面搞早餐,餐後量血壓134/73-55,食過今早藥,番熱木耳漿食,腳痛無偈,為有啪粒消炎藥,便開始今日事上網,寫下今早事,便辦大事.
完事又11點08分,老婆又放假了,又要傷腦根揾地方去,摷輪料又一個上午,海馬8號人人放假,屋仔細啲友又開始陸續蒲頭?12點再看羋月傳,1點多鐘老婆返,少有回來坐定定看電視.
兩點多鐘須然風不大,但雨落不停,都唔理LU,同老婆出街行吓,又走去大乜樂碰吓運氣.
過到去出乎意料,人不太多,找了張枱就至電個仔,問來不來,結果係下來,但新抱有壓力,除時下波要返工喎?個仔來到就每人食個茶餐,

餐後個仔就外賣個餐返歸,我同老婆就行陣,落雨真係無得行?街市買斤芥蘭返歸.
回家個女以經瞓醒,咁就真係仔仔一堂,老婆聽電視瞓覺,5點多落波轉3號新抱返工,我還是在whatsapp.
夜7點半鐘煮飯,料有芥蘭,鹹雞半隻,雞蛋三隻,鹹肉幾片,南瓜小許.

20分鐘雞熟南瓜稔.

蒸鹹雞,炒芥蘭,南瓜水蛋,

8點28分開飯,5個人食1夜返留飯餸.