整晚發夢,第7次北上睇牙,大佬個侄同行,中午飲唐茶,黃昏露天茶座,晚飯淥麵兩人食.

昨晚晚間新聞後都瞓，一覺6點鐘，被個夢驚醒，夢見自己迷路，(拿住箱廢紙行落山下，落到去放入間屋，到回程行極都唔識上番去，大聲問個呀伯，咁就醒咗，)去個所回來，望吓手機6點10分，瞓不返，見夢多數會忘記，於是手機寫下個夢。

寫下個夢又瞓返,唉?繼續發夢,(夢見自己又係迷路,在一個較舊市區, 部手機失靈,於是在一處像人家梯底地方修理,誰知稍為行開吓,回來部手機被人拆開過,所有線被人剪斷晒,部手機散晒,)咁就醒咗,拿部手機望吓?以已經8點10分.

稍賴起來,天氣似乎暖番,有太陽處理一吓曬晾,煲水洗面搞早餐,牙肉痛,假牙繼續休息,邊早餐上網寫下今早事,餐後9點09分老婆瞓醒蒲頭,我就量血壓135/75-53,食過今早藥辦大事.
辦埋個理想大事,刮埋初一至今16日無剃鬍鬚,10點25分係時候北上見侄新抱牙醫.
 11點10到上水站,大佬同侄以經到咗,就車箱會合,一同過關.
12點鐘來診所樓下,約好侄新抱係1點鐘,咁就先行去飲茶,幾次都係4樓這間酒家,誰知上到去爆棚要等.
 
見等候人太多,於是走過對面馬路,另間叫金中杯酒家.
 
 上到去一樣爆,為有拿票等位,酒樓叫NO好得意,先用普通話,跟住廣東話,英文就無嘞?等咗25分鐘,好彩酒樓大,流動性大便有位.

坐下開茶無耐,侄新抱亦到,一共4個人,這時我又要暗中除下假牙,實在太痛不能食嘢,無聊望吓個價錢牌,一點都唔平,一碟干牛河48人仔,一碟仔木耳冷盤都要18蚊,吃夠坐夠1點52分,個侄新抱埋單375元,微訊支付平好多.

離開酒樓返回診所,稍等10分鐘,侄新抱叫我做先,由於牙骨腫咗,假牙個不銹鋼位壓住痛,侄新抱好好心機,磨吓執吓,開大啲個位,讓不銹鋼壓不到傷口,一次一次的試,大約25分鐘,終於舒服晒.
跟住輪到大佬,大佬大劑啲,要成棚牙做,要做模,又要吹乾,我同侄仔在外便等,睇吓電視,走廊吹吓水,等到4點35分,大佬今日part叫做搞掂,才熄燈鎖門走得.
 
離開診所侄仔建議飲嘢喎,咁就前去皇庭廣場,
 
 侄仔帶路,經過好多露茶座,
 
有心儀的,又無位,足知選擇這間,我話這餐由我來付啦,但個侄同侄新抱又唔肯,新潮嘢我又識條鐵咩?我就要杯法式熱奶茶,佢哋嗰啲,叫做講過,我都忘記LU,記得的叫芝士流心撻喎?重有樣叫日本乜乜?同薯條囉?一坐一聊,大佬少有叫聊得兩句.
坐到6點37分,枱燈出動,我們亦係時候要走.

 沿著地下城一直行去會展站,搭兩站便到褔田口岸站,這裡係人嘟吓,慳3蚊過關,但無我份.
 
 順利過兩關,大佬門上水下車,我就輕輕鬆鬆返歸8點鐘.
回家老婆又唔肯出街,為有屋企煮,雪柜料淥麵食.
 

麵後我又要忙LU,寫我今日blog,勝在夠勤力,乘勝追擊大結局都無睇,23點07分出blog搞掂.