凱利酒店三大自助餐兩天遊(首天)

2017年3月1日 凱利酒店 三大自助餐兩天遊.(首天)

 

 
昨晚係咁易執執行裝,11點多啲鐘便瞓,旅行前夕左諗右諗,例牌難入睡,到瞓著以經12點多鐘,一覺瞓醒以經5點20分,去個所後未能瞓返,閉目賴床到6點25起來,旅行前夕睡來算不錯,食埋個早餐打點好一切,7點20分係時候出門.

順順利利8點12分以經到落馬州,站內稍休息,8點25分便開始過關,順利兩關後8點41分以到福口岸,同滙景6號旗報到.

稍等拍拍照9點鐘,口痕問句導遊整團多少人?佢話整團39人?吓?有無聽錯?特意再問多聲,清楚答39人?我話星期日26號中午至電問過,還差5個未成團,今日竟然有39人?犀利?當日下午中移動大癱瘓,我要去分鋪再問才說以成團,整團25人,現在39人?

9點11分福田人齊出發,由於福田口岸列為旅遊巴禁區,又要行到老遠水圍度上車,今趟司機醒目,停近咗8分鐘便可菩提路上車.

行車相當順利,31分鐘便來到堔圳口岸,第二站上團友,什少來過堔圳灣口岸,見新建個大停車場近咗,於是落車睇會一吓,嗰然超近,只不過3分鐘便到關口.

10點05分人齊,整團39人出發LU,由於頭20位報名,有K房免費唱3小時及送精美生果盤,當時報名我們係13同14,職員話我倆係有k房唱3小時,當時我都打咗個特?唱k?都唔啱我,佢話到時可以唔去嘅?見有唱k,應該係啲後生仔團友卦?於是留意吓週邊前20位團友,其怪?個個都老嘢?起碼有5張幾6張以上?而前面堔圳灣上車10人大party,大大聲講及唱K興奮事?原來個大party純粹為唱K而來.

車行半小時便到東莞,喱間叫灣仔海鮮碼頭,食我們第一餐圍餐,叫脆皮吊燒雞宴.

 

其實這餐吊燒雞餐都唔錯,我都整番隻髀食吓.

 吃後有時間又地吓間賣海鮮鋪行吓,海鮮都唔少,有一夜情鹽醃大鹹魚38蚊條,又見有龍虱,椒鹽或豉油王賣22蚊両,好貴啵?龍虱又叫水曱甴,細路時水澗邊捉來燒烤燴炒焗來食,話止夜尿喎?

 

 12點55分來到此團第一個景點,叫東莞展覽館.

  

導遊算係咁,館內無講解員,由佢來講解東莞歷史,匯景有樣好,個個男導遊都有佢一定歷史知識.

 

兩點鐘離開展館,13分鐘車程便來到我們入住酒店.

導遊忙著安排團友房間,我同老婆分配到1206大床房,樣樣看來都唔錯,夠新淨清潔,浴室夠大,落地大玻璃,自動簾升降.

 

 酒店外一遍舊城區,屋仔矮矮.

 

 

同老婆攤唞咗一輪,3點鐘係時候要去唱K,心諗唱兩嘢食點生果,唔過癮可以離開啫?

 3點多啲鐘過到去,見大party抽住兩大袋啤酒,似乎有準備而來,聽導遊講過不能帶食物飲品進場,否則收你不非開瓶費?

K房就分兩間,好自然大party10人一間,而我同老婆安排另間,我們間本應同樣10個人,誰知只來了對老夫妻,連我同老婆共得4個人,房間金碧輝煌好大,侍應入來放下個生果藍便走了.而我們4人同是老人家,講到唱K佢兩位重out過我,禮貌上叫佢唱吓?誰知灑手兼令頭,唔唱就食生果啦?我同老婆五音不全,大唱老年舊歌,唱咗陣,兩位團友吃過吓生果都走LU,我同老婆話之你,毫無尷尬大唱一輪,竟然可以唱咗粒幾鐘,5點20分都係走LU.

 

離開ktv還有半小時多啲鐘才晚餐,老婆叫跟導遊指示去揾超市沃爾瑪喎?我話腳又痛,到找到啲嘢都唔方平啦?而且又無時間?老婆堅持要去,唉!趌跛跛越行越遠,行咗我16分鐘,CC吓才到,看來夜點一帶相當旺,回程需時,係時候要回程.
 

返回酒店剛好6點鐘,以經開始食我們該團第二餐晚餐,
厚切三文魚海鮮自助晚餐

食物數之不盡,中西樣樣有,唉!我棚假牙有難.
 
這餐主打厚切三文魚,閒日有樣好,要輪隊都係三兩位.
 

一吃兩粒鐘,係時候要走.
返回房間走廊8點11分,聽見對面房6人party,大大聲說,我都叫佢唔好食魚生啦?三文魚有蟲架嘛?嗱疴到唔清唔楚?我現在幫佢買藥呀.嘩?我一聽到,當堂打咗個特,心諗,千奇咪發生呀?

這晚早早洗白白,唉?大鑊,老婆忘記帶毛巾,掂沖涼呀?酒店毛巾又點敢用吖?無偈,為有用自己件T恤,代替毛巾用,洗個白白wifi輪,踱吓馬仔,結果都係無賭,尾場未跑,我以經隨隨瞓著.