睡來唔錯,念念不忘,整朝回憶錄心臟,澳元換注美元,游水600m,自家買餸,樓下大家樂,煤氣415元,晚飯4人食.

昨晚飯後youtube到11點半鐘瞓,一覺今晨6點鐘醒,去個所回來,有理無理歌仔塞耳瞓過,咁就矇矓到7點鐘,轉新聞賴床到8點多啲鐘起來.

陽光依然,執執曬晾,洗面搞早餐上住網食,昨日youtube個妹妹唱得絕頂精彩,開機繼續,嘩!喱條精彩,唔睇片齋聽,你都估佢唔到係佢?

 
餐後0912量血壓129/69-58,辦妥一切事務又來上網,唉!回憶錄(3)心臟.一寫又12點鐘,收工唞抖.
差點醒唔起要賣澳元,嗱淋登入以1261.55換入1000美元,匯率0.7926762,連除做埋定期兩個月,年息0.8喱.唉!搞掂又1點鐘,嗱淋執嘢去游水.
陽光超猛,過到泳池1326,更衣室搞掂一切上池,稍熱身1342跳水式下水,靚絕,泳客唔多,慢游佢600m1417夠數,起水走人.
更衣室沖個靚涼走得,老婆唔願行遠,為有自家買餸,走轉沙田街市,15蚊買份泥鯭,佳寶買4件豬扒19.8蚊走人.
回家樓下鎖好單車,至電個老婆食大家樂,等咗好一陣,老婆才到,老婆試新嘢,西多士餐24蚊,我就牛肉麵餐27蚊.

吃過手機夠走人,行轉惠康無嘢買,還遇見朱太,街市人多咗有?氣氛緊張,似乎個風殺到,嗱淋買兩條茄瓜4.8蚊,兩條節瓜4蚊返歸.
回家1630,老婆處理菜料,我就上網寫今日blog,煤氣費到期415元,搞掂後看電視,7點鐘煮飯,2040開飯4個人食1夜返留飯餸.