相當好瞓,星期來左耳嗚,兩個放假,明星下午茶,買料打邊爐,成員生日邊爐齊人食,夜夜切蛋糕生日快樂.

昨晚未及11點鐘以經上床瞓,一覺今晨6點多啲鐘醒,相當好瞓,手機賴床,一賴竟然9點多啲鐘,起來腰硬頸梗,手機賴床賴得太耐?洗面番熱木耳漿先食,上網寫下今早事,由上星期五開始上,左耳開始鳴,嗚得幾明顯吓,唉!希望佢係暫時性,遲啲消失啦.
上陣網搞早餐,餐後1034量血壓123/70-56,辧妥一切事務,繼續上網,11點多個仔落街,攞佢所買的凍肉回來,上輪網又一個上午12點多.
上輪網累累哋,坐埋一邊恰眼睏,個仔同新抱都無番工,個仔話去飲下午茶,我都無乜點苏佢,直至1點多老婆返,話去飲茶喎,好.
咁兩點鐘齊齊出門,新抱選擇大圍明星喎,好,咁就齊齊火車過明星,中途佢倆又話撳機攞錢,我同老婆行先,到明星兩點多啲鐘,要唔搭枱,等咗一陣佢倆個亦到,不久便有枱,重係張六人枱.

吃過坐夠,原來個仔叫咗兩個魚翅灌湯餃漏單,我話算啦,個仔又話要食,咁就叫咗一個,等咗好耐,始終都係要追才有來,38個魚翅餃個仔食,新抱找數走得.
跟住買餸,大圍買菜坐底兩斤才算平,菜都係自己街市買好,18蚊斤梅菜,買咗11蚊,蕃茄薯仔合掌瓜三樣10蚊,3.5蚊買件豆腐,新抱就買咗啲車厘子,諗住街市買生蝦,新抱又唔啱,要去沙田街市買喎?咁我就同老婆火車番歸.
返回樓下街市買有響鈴15蚊盒,油蜜菜同生菜10蚊,粟米兩支6蚊,蘿蔔5蚊同2蚊韮菜返歸.

回家4點半鐘,老婆處理菜料,我就上網寫今日blog.
8點15分個女同呀偉到,買咗個生日蛋糕,2040開波,食我們火鍋之夜.

開心舉杯生日快樂,身體健康.

夜切蛋糕生日快樂.