睡來尚可,老婆放假,踱過公園走轉禾輋,食意樂麥雪糕,晚飯兩人食.

昨晚切埋個蛋糕,食埋都成1點至瞓,一覺瞓到今早0725醒,早咁都好啲,瞓不返手機賴床,無乸乸睇吓拼圖個app,嘩!原來揾相可以去到FB?又制作條片玩吓,做好放上FB,李麗微吖,又話我歌仔侵權?他媽的為有改過另隻,又係咁講,嘥氣照出,搞掂乜10點鐘?

嗱淋起床番熱木耳漿洗面食,廚房遺下大堆罐,

新抱蒲頭返工,個仔依然放假在瞓.老婆就放假在手機賴床,話之佢食住木耳上網寫下今早事.
事後辦大事,去蕪存菁下上磅一磅,139磅重咗,老婆見磅佢又磅,一磅之下😭.
食早餐兩塊麵包兩份食,餐後11點鐘量血壓136/81-57,食過今早藥,睇陣電視,出街行吓,烈日當空,同老婆還是踱公園,以往一樣,先踱去乙明對公園坐坐,

雀仔也在揾食,

唉!風都無滴,坐陣都走去瀝源橋,橋頭個亭坐,喱度永遠都好好風,一坐大半粒鐘,

然後過橋,烈日當空,曬到溶.
過橋後嗱淋走入城市廣場,星期六特別多人,高擋食市區非我逗留地,涼浸浸來到廣場,有隻啤啤熊,.

,路過後來到過沙田廣場,重多人,食市爆到大排長龍,自由行雲集,想唔多人都難?

同老婆迅速行過,過到瀝源,對腳以經夠晒皮,要走入吉野再坐一會,超凍冷氣,坐陣都走.
一直行去禾輋,禾輋老婆要食意樂,咁就兩位盛惠69元

吃過坐夠走得,行陣商場,又走入老人區食雪糕,兩位盛惠8蚊雞,

食完杯雪糕,望吓個紙筒,哈!喱個卡通人物乜水呢?上網一摷原來係壞蛋獎門人.

吃過坐夠,個仔whatsapp到,今晚佢倆唔食飯喎,又好,慳水慳力不用諗?之後撻and批6蚊買4片方包走人,唉!腳痛關係?搭程車返歸.
回家1805個仔還響企,唉!我都累得要C,攤響梳化瞓著覺,7點多個仔出街,六合彩金多寶,買番幾拾碰吓運氣,.
下注後8點鐘,搞我同老婆今晚餐,就火鍋後遺料,2040開飯,一煲了,同老婆兩個人食.