7月3日(一)睡麻麻,氣到爆炸,老婆同個女街,個仔假三口子街,游水600,食大家樂,第四劑中藥,個女上來,晚飯5人食,輸馬20.

2023/07/03   星期一   雨   30C

昨晚無開冷氣,11點幾鐘瞓,夜所三劑,瞓到今晨6點鐘醒,手機賴床,0815同老婆齊起床.

如常搞早餐,老婆叫烚蛋烚埋佢份喎?食全熟喎,無問題,水滾後兩分先撈起我兩隻,冷河後放去我食開個位度,跟住老婆兩隻烚熟些放冷水中,跟住就煮其他,老婆在後就問兩隻係咪我架?我答係,跟住佢就食咗我廳嗰兩隻,嘩!我當堂火起三千丈,氣得我大發雷霆,邊有咁蠢人?大佬呀,你諗吓烚蛋先後,你諗吓放位置,你食咗1隻唔熟你都知啦?你仲食埋我第二隻,大佬呀你還用匙羹畢?氣得我唔嬲就瓦燒,谷Q氣掟9埋佢兩隻熟落地,你食Q埋佢.

0913食早餐,餐前量血壓136/73-51.

餐後辦埋件事都唔Q睬佢,入房攤床手機,新抱B蒲頭,個仔放假,1035老婆約咗個女出街?臨行叫我今日食自己?我都唔鬼睬佢.

老婆出門後我才蒲出廳,睇電視驪歌行,衰豬就響廳又畫畫,而佢娘猛催個女收筆,要落街買早餐.

睇埋集驪歌行1130,我又縮回張床瞓吓,攤到1235見有太陽,嗱淋執嘢去游水.

出到單車場,整理好部車,諗住出發,他媽的又漏嘢?漏咗條毛巾,焗住要返歸攞.

攞咗毛巾1303起步,1314來到泳池,更衣室搞掂一切,池面稍熱身,1328下水,埋頭游佢500m,剛好1400,見個女仔泳帽有部機,連埋對耳塞?好奇問聲乜嚟架?話係mp3喎?聽歌游水喎?又有啲咁嘢?

見得閒,1406又游多100m,游完1412個天黑晒,落起好大雨來,我都夠皮起水走人.

更室搞掂一切,1437離開泳池,個天光晒,還有幾粒微雨,企多陣1441都走,返回單車場1453.

搞掂好部單車,入商場食大家樂,要個通粉餐28蚊,吃過坐到1600才離開返歸.

回家三口子出咗街,我就再度沖個涼,涼後沖我第四劑中藥.

1829老婆同個女返,我都入房睇電視,1900三口子亦返到,衰豬瞓咗返,但一放低就醒,見到姑媽高興到不得了,嗱淋晒嘢比姑媽睇.

1915夜馬開跑,話之你踱馬仔,2056新抱叫開飯,連姑媽5個人食.

飯後馬,兩度頭關叫糊,都係輸埋,睇至尾場,輸我20大元.