7月5日(三)睡可,老婆大圍買魚,我就游水600, 游完趌跛跛,茶大家樂,週三惠康,街市,包頂包撐,第6劑中藥,晚4人食,飯前趕走大蛾.

2023/07/05   星期三   晴   30C

昨晚11點幾鐘瞓,夜所三,兩點幾鐘關冷氣,再瞓就7點鐘醒,手機賴床,8點鐘起來.

起來如常烚水搞早餐,餐前0857量血壓137/77-55.

餐後0955新抱B蒲頭,個B佢娘同佢紥好個靚靚頭,一出來就摷條鍊戴,貪靚到不得了.

我就辦埋件事睇電視,10點鐘新抱B出街,11點鐘老婆又過大圍買魚喎?

12點鐘老婆返,買有節瓜16.5蚊,豬肉78蚊,黃花魚20蚊,黑𩶘魚兩份70蚊.

老婆回來我都準備去游水,執好嘢1250出門,1256單車起步.

1308到泳池,更衣室搞掂一切上池,泳客唔多,超猛太陽,稍熱身1323下水,埋頭游夠600m,1403夠數起水走人.

更衣室搞掂一切,1431離開,返回單車場1450,至電個老婆下來食大家樂. 

離開車場行兩步?唉!大鑊膝關節痛?游多100m膝就痛?趌跛跛到大家樂1455,稍等老婆到,我就28蚊食個米粉餐,老婆還是7蚊熱檸水.

吃過坐夠成4點鐘上惠康,28級梯要免?要乘𨋢上,惠康買有5包裝即食麪9.9蚊,麥芽糖一佢盒13.9蚊同雞蛋一排30隻30.6蚊,跟住落街市,買有無激素雞扒68蚊,四季豆,紹菜同菜芯三樣20蚊返歸.

回家1633,新抱B在家,放下買來的,我都嗱淋沖涼,個仔放工返到,1725新抱問食不食雪糕喎?問到就食啦,食雪糕不知價?問聲新抱?嘩!都要20蚊杯喎?

雪糕後同新抱討論兩句電視話題?講起啲人讀咁多書,都咁無品人?個仔又拗頸?話同讀書多少無關?我話受過教育,知書識禮喎,佢話一樣有無品人喎?我話當然有,不過係個比率多少?又發脾氣?唉!嘥氣正牌搭棚佬,包頂包撐?

話之你上網寫我今日blog,1815飲我第6劑中藥.

2059量血壓122/78-58.

2115開飯4個人食,飯開未食,廚房就來了隻好大隻燈蛾,搞餐懵才請咗佢出外.