昨晚睇世大運動會,睇到12點鐘才瞓,夜所頻頻,兩點半鐘關冷氣,再瞓今晨6點半鐘醒,睡來尚好,手機賴,7點半鐘又要所?索性起床.
起來頭無咁昏,大概睡好無太多夢掛?如常烚水搞早餐,0832餐前量血壓135/77-54.
餐後辦埋件事,老婆話去醫療車攞籌喎?話眼澀澀睇中醫喎?本來都唔想睇,見佢睇我又睇埋,攞埋我籌.
1006老婆返12點同1210籌喎?話落到去以經有10多人排隊喎?我就整朝儲存我啲日誌,搞到1140還未存得晒?係時候醫療車睇中醫.
兩公婆落到醫療車1156,以經有兩個人在等,不過離開醫療車遠遠騎樓底等?一見醫療開門就嗱淋前來,二話不說就閃上車,我就話老婆你唔問吓佢幾號壽?老婆就係咁?乜都執輸過人.
跟住又有個女人走過來?見佢排我後面?就費事理佢,誰知門一開,睇完醫生個人下了車,冷不提防我後便個女人,一個屈尾十兜過來,又鼠上車,見個執藥開門個男人又肯比佢上車,相信佢籌號應該先過我?不過禮貌上都講聲掛?
唔上都上咗車?為有繼續等,等咗10分鐘終於輪到老婆睇,我就繼續等,跟住有個走來我後便,就問我籌號?我就比佢睇,佢睇後就話我先,唉!做人咁至係啱.
等到1215才輪到,醫師把過脈睇過舌,講佢知我情況,條氣就好咗啲,但就夜所頻頻,每晚4,5次咁多,又多夢,夢就大多數忘記,日間精神差囉,聽後都係嗰幾樣嘢,心腎陽虛,氣虛喎?話下星期休息,兩星期藥喎,好,咁就車中間等攞藥,兩星期藥,盛惠醫療券490元,1226離開返歸.
回家1233老婆處理佢餐中午,我就執嘢去游水,1255出門,車場攞單車,1301起步,1311到泳池,更衣室搞掂一切,池面熱身,超猛太陽,泳客唔多,1328下水,埋頭慢游500m,1402夠數起水走人.
更衣室搞掂一切,1430離開,返回車場1445,
至電老婆下來大家樂等?過到大家樂,枱枱有人?見冷氣又唔掂?索性過麥當奴,麥記稍等老婆就到,老婆app買餐,魚柳包餐19蚊,誰知未夠3點鐘,要28蚊喎?老婆算醒,等幾分鐘後才買.
吃餐期間突然有個客大叫?自言自語響度媽义?新冠後特別多黐線?吃過坐夠上惠康,28級梯撐來可以,惠康無嘢買,跟住街市,還是老婆買我坐等,老婆回來買有20蚊四樣菜,瞓覺蝦30蚊返歸.
回家1616老婆處理買來菜料,我就沖我第3次中醫,第13劑半包藥,吃後早點沖涼,涼後寫我長編blog。
1928老婆開餐,
跟住輪到我個人煮食,本來預咗好耐前買餃子,誰知比人食咗,無偈下為有摷摷其他料,料有烙餅,生菜,麵餅同雞蛋.1943開火,2012有得食.
沒有留言:
張貼留言