8月7日(一)睡好,老婆大圍買魚,游水600m,茶麥餐,惠康,第三次中醫最後半劑藥,晚飯4人食。最

2023/08/07   星期一   雨   31C

昨晚睇英超,慈善盾曼聯對阿先奴,一睇成1點半鐘才瞓,打和12碼阿先奴勝,夜所3劑,3點鐘關冷氣,瞓到今早8點半鐘起床.

睡來唔錯,如常烚水搞早餐,老婆蒲頭,餐前量血壓140/79-55,早餐期間個B蒲頭,乜都唔做,要同佢玩飛行棋喎?唉!佢嫲同佢玩到夠.

餐後辦埋件稱心事,睇電視兼瞌吓眼,老婆又話過大圍買魚喎?失暈魚手機都無帶便出咗門?閉目飬神到1140老婆返,買有21蚊豬展,83蚊三條黃腳立同條石鱸魚,話天陰陰行去喎?

老婆回來就處理佢啲魚,我瞌輪眼睏1點鐘都出門去游水,拿了單車1303起步,1315到泳池,更衣室搞掂一切,池面熱身,太陽唔多猛,1333下水,埋頭游佢500m1408夠數,都諗住走人,諗吓個天咁陰?不如游多100m,1420起水走人,更衣室搞掂一切,1443離開,返回單車場1501,至電老婆下午茶.

1504同老婆齊到商場,垃圾大家樂枱枱有客,嘥氣!不用諗食麥當當,老婆同我叫個19蚊魚柳包餐,老婆滾水一度,吃過坐夠上惠康,28級梯尚算OK,行轉買有南非啤梨13蚊,方包袱9.5蚊走人,無須買菜直接返歸.

回家1636,個B沖涼浸水浴,有排玩,我就沖埋第三次中醫,最後半劑藥.藥後早點沖涼,1750個仔放工返,涼後我都入房寫寫blog.

1912老婆開餐.

1956輪到新抱開飯4個人食,我還是裝開食.