如常搞早餐,新抱蒲頭忙返工,0915早餐,0950新抱返工.
餐後辦事,其間再睇清楚水喉漏水位置,係得兩度位置,辦完事才發覺窗邊幅墻一條大裂縫?
10點幾鐘個B已醒,在房賴床,要嫲嫲來才蒲頭,嫲嫲按排佢早餐,衰豬早餐不忘手機?
衰豬今日同學生日會,衰豬1136以經著好衫準備,父母返工嫲嫲又唔多熟同學們家長,焗住自己去,1320同學家長來接,嫲嫲送個B落樓下.
自從5月28日踩過部單車後,成兩個半月都無郁過,車胎似乎都無乜氣?
於是乎1350同老婆過大圍,老婆就搭程車,我就單車過.
落到單車場1400,車胎氣又還可以?於是單車倒倒水,就小心翼翼踩過大圍,太陽相當猛.
滿頭大汗的過到大圍,亞運單車鋪,1410順利打打氣.
搞掂後過大圍站大快活會老婆,過到去1421,老婆已經在大快活等.
1431老婆紅豆冰鮮油菠蘿餐,我就艇仔粉雞翼餐,合共63蚊,吃過坐夠1513走人.
離開1522來到外圍街市,行轉買有蕃薯4磅幾19蚊,茄子南瓜20蚊,西梅3磅30蚊,秋葵同彩椒20蚊走人,同老婆踱回大圍站1602.
老婆就馬鉄走,我就單車回家.
返回單車場1613,稍後老婆到,老婆話太熱,要去麥記坐吓飲杯嘢喎?
唉!是但啦,兩公婆抽住兩大袋嘢,拐吓拐吓行去到麥當勞1629.
老婆凍咖啡10蚊,我雪榚8.5蚊,吃過坐夠,老婆街市買42肉排就齊齊返歸.
回家1750,個仔已回來,砌緊佢至愛模型,我都嗱淋沖涼,涼後三磅西梅洗淨,放雪柜慢慢食.
夜2047老婆開飯,嫲嫲個仔我三人食.
2230母女返.
