2025/12/14(日)睡好/神可,個仔假,游水300m,茶大家樂,父女赴生日會,晚飯老婆煮兩人食.

相當好瞓

昨晚12點鐘瞓,夜所兩,5點鐘醒就瞓不返,收音機半瞓下到7點醒,再瞓就成9點鐘醒,相當好瞓多夢.

早餐

稍賴起床,如常烚水搞早餐,衰豬晨早已經瞓醒,乜都唔做?係咁不停手機,0950新抱返工,1037我都早餐,

屢勸不聽

衰豬屢勸不聽?1045嫲嫲蒲頭,衰豬才肯去所,擦牙,洗面?嫲嫲煮早餐過B,吃後又玩嘢,熱水朱古力棒,搞後放雪柜等凝固.

嫲嫲開餐

1203朱古力定形,衰豬食得,吃後1227嫲嫲到開餐,衰豬唔食,我叫做食啲,1212嫲嫲量血壓.

太耐無游水

實在太耐無運動,自從10月15日係咁易游過一次外,就無游過?於是乎决定去游番轉?

1309單車出發,獅子山公路有大工程,要兜去溱八後便前去.

游水300m

去到泳池1329,更衣室辦妥一切兼熱身,上池1346下水,嘩!水好凍?立即係咁游,游咗50才適應?之後50m50m的游,游下唞吓,湊夠300m1419起水走人.

更衣室搞掂一切,離開泳池1446,單車返車場1505,至電老婆食大家樂.

茶大家樂
1512到大家樂,稍等老婆到,1536要個义飯炸髀餐45蚊,老婆就麥記10咖啡,老婆炸髀我义飯.

丹尼/惠康

吃過坐夠,丹尼買支飄柔洗頭液32蚊,才上惠康,惠康買有廚紙兩包28蚊,椰青三個30蚊,朱古力三支10蚊,合共68蚊,跟住街市買咗134蚊餸料返歸.

個B去生日會

回家1735,父女以經出門,送個女去同學仔生日會,我同老婆就嚮企嘆電視.

晚飯

夜老婆煮,2013開飯同老婆倆人食.

夜2200佢娘返,跟住父女生日會返,佢哋返我上床備瞓.

2025/12/09(二)睡可/神差,新抱工,個仔假,粉嶺表姐聚,失而復得樂悠咭,晚薩莉亞,麥雪糕.

多夢口乾

昨晚10點半鐘以經瞓,夜所3劑今晨6點半醒,多夢口乾,去所時要飲兩次水,賴床8點鐘瞓返,9點鐘醒起床.

早餐

起來精神差咗,如常搞早餐,1010早餐,餐後急急辦事,又OK啵?

午yt瞌

餐後走去攤床yt吓,一睇差不成點鐘,約咗表姐一班人聚舊,兩點鐘粉嶺海王漁港聚.

海王漁港

1345到粉嶺火車站,1359轉程巴士,聯和壚下車,去到綠悠軒海王漁港1410,全部友8人已經到齊.

滔滔不絕

自從2024年10月31日聚過後,至今已經一年有多,太耐無見,話題多多,不竟70之交,傾輪食輪,1525來個合照,可能我哋人多聲大,講的是N年歷史感情事,可能我哋7老8拾,感染到鄰枱位女仕,走來幫忙拍張合照,之後傾到1547才散band,埋單393元,我們三對AA請表姐,每對130元,今日一聚,要下次又要等過年.

表姐夫
離開酒樓1621,表姐倆就住樓上,我們三對各自巴士走,表姐夫變咗,不竟88歲,堅持要送我們巴士站,叫極不用,係都要?

遺失樂悠咭

1641有車,10分鐘便到粉嶺站,1655上到火車閘口,以為嘟八達通樂悠咭?誰知摷極都唔見有?大鑊? 肯定跌咗嚮巴士,於是至電過八達通熱線?諗吓巴士遺失?梗係揾巴士.

於是返回地下,揾巴士站長室.

揾巴士站長

一路跑過去綠巴嗰邊,唉!揾極都唔見有?於是乎問聲小巴大佬?大佬話喱度無巴士站長架步喎?問我邊度遺失?我話278K囉,佢話應該去聯和墟總站問喎?

九巴遺失熱線

於是乎回278K等車,其間我又打去巴士遺失熱線問?又幾好喎?好快有人接聽,還未講齊資料278K車到站,於是上車問問司機,司機話有執到,在站長室喎.

有希望

嘩,心諗有九成係我的?於是同九巴熱線小姐講,若果揾返,用不用覆你,佢話不用會有紀錄喎.

失而復得

好快到站,戰戰驚驚行去站長室,核實過資料,填張表薟個名,1730搞掂,失而復得好開心.

回程

跟住搭回278K返粉嶺站,1757到火車站,返回沙田站1833.

B放補習

回家1842,個仔在家,我都嗱淋沖涼,涼後等個B放補習,等到1948個B補習完走得,佢老豆先行落去接B,我同老婆稍後商場會合,2000上二樓食薩莉亞.

晚薩莉亞

2002到薩莉亞,佢哋話事,叫4咗7樣嘢,吃過坐夠,2050個仔找數1950蚊.

麥雪糕

吃後2055意猶未盡,麥當勞食雪糕,兩大兩細,合共45蚊,嫲嫲比錢.

2122離開麥當勞,回家2130,我都擦牙上床準備瞓.

2025/11/29(六)早醒/麻麻,新抱返工,上午電腦,衰B陶瓷班,温書,沙角大快活,乙明遊樂場,個女到,晚飯6人食.

失眠

昨晚12點鐘瞓,0145夢醒醒,再瞓就0515醒,就瞓不返,0530所後就收音機賴床,8點鐘老婆起床,跟個B早餐,我就8點半鐘起床,剛好嫲B出門送B上陶瓷班.

起來搞早餐,0940早餐,0950新抱返工,餐後辦事好失望?事後我又腦寫寫blog,1155嫲嫲陶瓷班接B返,

1230蒸熱埋幾個壽桃包,同啲隔夜湯,三個人食.

温書

吃後個B又叫去遠啲玩?唉!書唔温成日掛住玩,於是乎叫佢温課新教書,識就去遠啲,衰豬喊咁口,CC地拿出來,一讀成7,8個字都唔識?心散温極都唔識,見成兩點幾鐘?於是乎影低課書,邊行邊教.

沙角大快活

成3點鐘出門,過到沙角邨1510,星期六好多人,好彩有位大叔讓枱,三個人食咗67蚊.

360大杏仁

吃過坐夠過360,買原味大杏仁129蚊,個B雪餅12蚊走.

沙角遊樂場

1637落到地下個遊樂場,諗住打韆鞦,見幾條細路霸住玩,都係唔好等?於是提意個B,去乙明較冷門個遊樂場,老婆就留低買餸.

衰豬怕車

對膝唔掂,以為穿過停車場近啲?衰豬老遠見有車行,就怕到不得了,係咁拉我上安全島?嘩!嗰種蠻力?邊似個細路女?

極度失望

1659去到衰豬好失望,唉!樂場番新,換過新款設施?可惜進行中,衰豬極度失望,頭都耷埋,諗起另邊都有,於是乎又同佢過去.

玩得開心

1702過到去,老人設施仲係圍住,但可以玩,又有剛完成新跑道,衰豬啲老人設施都玩餐懵?新跑道又一餐,1709老婆買好菜返,玩到1730都夠皮,就搭程巴士返歸.

個女到

回家1745,乙明買來有西梅兩磅20蚊,菜料60蚊,跟住個仔返,個女亦到,喱輪便秘?1903洗好西梅,久久都食粒.

夜2042開飯,嫲B個女我個4人食,衰豬又要煎蛋加美極?個仔倆留美飯餸.

2025/11/23(日)好瞓/頸痛嚴重,草餅無用,整朝電腦,顯徑遊樂場,去程炒鑊金,晚飯5人食.

昨晚三粒餅11點鐘瞓,夜所頻頻,口乾頸痛,到醒0717,賴床8點半起床.頸痛到不得了?從來未試過咁痛?

8點鐘起來,勉強洗個面,早餐為有揾老婆代搞,0934早餐,個B蒲頭,0950新抱返工,衰豬叫餐懵才肯擦牙洗面,嫲嫲跟B早餐,餐後辦事,三粒草餅無料到.

追寫bkog

事後11點鐘,多天來blog無寫過?就電腦追寫blog,1105老婆買餸返,個B就玩手機.

1140老婆買返,衰豬整日扭去顯徑,都知佢籠嘢?1341老婆開餐,焗住收機食些?我同個B都無興趣,食些算.

衰豬無得去顯徑,C狗一樣的匿房睇手機,1517蒸埋幾個壽桃包,叫佢食,衰豬唔食?到我話食後去顯徑,衰豬才肯食兩個,吃後成3點幾鐘出門.

炒大鑊

港鐵去到顯徑站,乘𨋢落地下,見有𨋢於是急腳去,個女人推住輪椅個婆入𨋢,我們最後趕到,迫啲都還可以,個推輪椅女人,竟然咁講,呀叔搭下輪啦?我一望個輪椅,我好勞氣講推前啲啦,輪椅還有成尺幾位才到𨋢門?

佢推前後成個𨋢鬆動晒,佢被我喝句,條氣唔順,一出𨋢就話我無禮貌,我嘛掉柒佢,自己推車唔睇位,入咗𨋢就4個大字,叫我搭下一𨋢?嘛同佢閙過.

兒童遊樂場

1612來到兒童遊樂場,衰豬急不及待去玩,嫲嫲睇住佢?我睇吓陣都場邊休息.

一玩1700係時候要走,衰豬唔願走?個B叫做聽話,1723離開顯徑.

衰豬嗌口偈喎?係要飲保礦力?顯徑Ok無賣?

足之返回來7仔15.3蚊買,買後返回樓下,老婆街市買餸,我同個B返歸.

回家1746,個仔已在家,1800老婆買餸返,我沖完涼就攤床寫blog.

晚飯

2033開飯,條頸好痛,於是乎摷張脫苦海,貼住來食飯.

去骨火湯

有去骨火葛湯,大家樂义燒同炒菜芯.嫲嫲B我三人食,個仔倆留湯飯餸.

2135新抱返.

2025/11/05(三)失眠/還可,新抱返工,清走廢藥,整朝電腦,個B放早,茶麥記,惠康,晚輸馬20,夜飯5人食.

失眠

昨晚11點鐘瞓,0440醒所,就瞓不返,收音機下捱6點半鐘,才瞓番陣0725醒,賴床8點半起床.

電腦寫blog

如常搞早餐.0928早餐.餐後又拿部電腦出來,寫blog實習吓,0950新抱返工.

百份百干牛河

個B放11點多鐘學,1205嫲嫲接B返,買有百份百65蚊干牛河返,嫲B我三人食,又炒得幾香?唔錯.

衰豬眼睏

吃後衰豬嗌眼睏?就讓佢房床瞓,瞓到1515衰豬要返補習,嫲嫲摷醒,衰豬摷醒就難?夾硬摷醒後,1530嫲嫲送補習社.

茶麥當奴

我成4點鐘才出門,大家樂會老婆,唉!都係無啖好食,於是過擋麥當奴,1601老婆18蚊餐,我就魚柳包餐20蚊.

惠康,街市.

吃過坐夠上惠康,買有燕麥奶19蚊,香蕉12蚊同蛋兩排44蚊,街市20蚊菜返歸.

跑夜馬

回家1733冇耐個仔都返,我都早點沖涼,涼後睇陣新聞馬已開跑,一於著住電腦睇跑馬.

圓大月亮

1758窗前所見,超圓大月亮.

試賭20

1948又試吓用電腦下注,就尾口孖,20蚊玩吓,5拖1同10.衰豬補習成2000才返到.

晚飯

2114開飯,嫲B我3人食,個仔倆留飯餸,馬20蚊輸埋.

2025/11/04(二)睡可/有夢,新抱假,個女到,普通科覆診,百份百,惠康,晚同老婆即食.

睡來麻麻

昨晚11點鐘瞓,0140醒所,再瞓0433所,就瞓不返,捱到0613才稍為瞓返,7點半鐘已經醒,賴床8點半鐘起床,如常搞早餐,0916早餐,

1145普通科覆診.

執齊所須1110同老婆出門,小巴站個女已經在等?1118有車,三人過到威院1129.

威院

行條長長走廊.1137登記後,過對面南翼1/F覆診,來到1/F1140,超多人覆診?坐輪1150磅重房量血壓,輪到剛好1200,量血壓145/80-107,心跳107還未平服?

見醫生

坐輪1245叫到名,1號房門外等見醫生,房前一等成1310,才叫到入房見醫生,個女同時入去,醫生是個上年紀資深醫生,問有無心口痛呀?我話無呀,望住電腦,講的同我強行出院的一樣?,簡直舊事重提?問佢過星期前所抽的7小筒血,一一告我知,全部無事喎?還是話我高危人士,不適宜游水喎?排我早點覆診喎?無問題後,又講吓啲藥,好幾種藥都無食,無謂到期掉浪費,草餅,止暈藥,擴氣管噴劑都唔要,講好後唔該,就門外便等.

取藥約期

接過藥單,抽血單同預約紙,老婆原層去約期,我同個女就落地下排攞藥,之後就齊齊地下等攞藥?

一等1530出藥,離開還是長長走廊,小巴站好好彩,不用多等1543有車.

百份百惠康

1600返回自己商場,食百份百,吃過坐過,個女打數,跟住上惠康,19蚊買支燕麥奶返歸.

回家

回家1745,個仔新抱在家,7點零個女都返歸,1930個B放補習,成8點鐘三口外出晚飯,2030我同老婆食個麵算.

2025/10/21(二)睡可/還可,日誌消失,晚飯5人食.

昨晚10點零都瞓,夜所一劑,再瞓5點半鐘醒,去所回來就瞓不返,賴床8點半起床.

如常烚水搞早餐,0935早餐,0950新抱返工.

餐後攤床yt瞌,3點鐘老婆接B放學,跟住接去補習社.

3點多鐘落大家樂會老婆,大家樂1540食個雞扒飯餐,老婆熱檸水合共32蚊.

吃過坐夠上惠康,買咗103蚊,街市94蚊返歸.

回家1708,冇耐個仔返,7點零鐘個仔接補習B返.

雲端無晴晴多咗啲相片叫(您曾經開啟)同影片,咁多自動放上去?容乜易戶口爆棚?

於是乎去刪除咗佢?但又奇?係無渠道刪除,左試右試,不知是否這樣將我N年日記刪咗?

還好還有備份,不過淨係到24年,2025年就無了?

2053開飯,嫲B我三人食,個仔倆留飯餸.

飯後再睇吓雲端戶口,他媽的無晴晴又咗個表,係講幾時幾日有暈倒?嘩!咁都得?於是叫個仔幫手睇吓?後來封咗個網址.

這晚就係搞雲端戶口,成12點鐘才瞓.

2025/10/20(一)重失/麻麻,個仔假,新抱跌爆燈,午yt瞌,茶麥記,晚飯5人食.

重失眠

昨晚成12點鐘瞓,0339醒所,又瞓不返,捱輪為有寫未完的blog,0538手機無電,收音機塞耳捱,賴床9點鐘起床.

跌爆床頭燈

如常搞早餐,1019早餐,新抱忙返工,不小心開窗,吹跌盞玻璃床頭燈,嚇得放假在睡個仔彈起,好彩無事,無被玻璃界傷,爛燈掉出門口,見條線可用?結果連燈胆都拆回,有用唔嘥.1050新抱返工,餐後辦事叫做好啲,1203老婆量血壓,我都攤床yt瞌吓.

開餐餃子

1347老婆開餐食餃,兩人食,吃後攤床yt過.

個仔接B

3點鐘老婆叫醒個仔,接B放學,衰仔發脾氣閙老母,好厭叫得太早?

茶麥記

衰仔出門後,3點半老婆叫下午茶,又落街行吓,唔太餓?商場選擇食麥當勞,老婆咖啡10蚊,我魚柳包餐20蚊.

老婆買餸

吃過老婆去買餸,1621買咗89蚊菜料回來,跟住又話去剪髮.我抽住菜料都返歸,行到街市,遇見惠康閑,話比印花過我老婆喎?接收後繼續返歸,行到剪髮鋪老婆還在等?我都繼續返歸.

剪髮70

回家1633,個仔跟住返,又買有淘寶嘢,回來又砌佢至愛,老婆返剪髮70蚊喎.

早點沖個涼,1540出來個仔話個B補習走得喎?好嘢,又會咁早做晒功課?

父女返又買咗鮮竹卷,奶皇包同支豆漿,差不多食晒,看來今晚都不用吃飯.

晚飯5人食

2023開飯,嫲B我三人食,果然個B無食飯,齋食點餸,還要嫲嫲隻蛋食,個仔倆留飯餸.

2025/10/19(日)睡好/還可,習練手提,茶沙角大快活,遊樂場,晚飯5人食.

睡好

昨日太累回來沖個大熱水涼,10點鐘都瞓,一覺今晨0605醒去所,回來就瞓不返,捱咗陣寫昨日長長的blog.

早餐

一寫8點半鐘起床,如常搞早餐,0931早餐,個B蒲頭,叫爺爺早晨,雖然細聲啲都算你啦.

出來第一時間,就借手機搜尋,畫公仔喎?佢娘響度,我都費事話佢咁多,直至佢呀娘叫,衰豬才洗面擦牙去廁所.

個B早餐

餐後辦事又便秘,佢娘返咗工,衰豬早餐又食剩嘢?話極都係咁?

温習

餐後嫲嫲督B做功課,我就搞搞昨日拼多多買來的花灑座,搞後個位置唔多理想?不過都無得變?

瞌睡

1341量埋中午個血壓,便走去攤床yt瞌吓.

一瞌兩點幾鐘,衰豬已經温完書,見佢明天又返學?唉!就同你去遠啲玩.

沙角大快活

成3點半鐘出門,過到沙角大快活1545.

晏來大把吉枱,三個茶餐84蚊,吃過坐夠1630離開,就附近遊樂場玩.

遊樂場

衰豬來到冇耐,已經有韆鞦盪,嫲嫲就沙角街買餸.

到5點鐘嫲嫲買咗113菜料返,衰豬玩多陣1709都走.

回家

搭程車返到屋企樓下,嫲嫲又街市多買點,我同衰豬先返歸.

回家1740個仔已在家,嫲嫲買咗37蚊菜亦返到.

回家早點沖涼,涼後寫寫blog,夜2012嫲嫲開飯,嫲B我三人食,個仔倆留湯飯餸.

2200新抱返,佢倆開飯,我都上床備瞓.

2200新抱返,佢倆開飯.

2025/10/18(六)重失/極差,新抱假,餐後瞌陣,灣仔見醫生,食上海嘢,行用品店,緬懷灣仔,回程蠢女人,晚薩莉亞.

失眠

昨晚11點鐘瞓,0220醒所,半瞓下捱到0409,為有歌仔待瞓,捱5點鐘索性上網,到點半鐘稍為瞌著,到0745醒,手機賴陣床8點鐘起床.

早餐

起來如常搞早餐,0915老婆蒲頭,我都早餐.

0923個B蒲頭,又掛住睇手機.

失眠我餐後攤床yt瞌陣,一瞌1045,老婆來叫夠鐘啦,要過海灣仔見醫生,嗱淋起床.

覆診

出門後1112有車,過到灣仔1144,去到醫務所剛好1200.

看完醫生1300,去揾嘢食,個女話去大有商場食小籠包,途中1303又貢喱間飛飛家品店狂吓.

翡翠拉麵

1348狂完無交易,1353便來到大有商場,3樓間翡翠拉麵小籠包醫肚,大大間店,場面冷清,侍應話星期六日係靜喎?一至五就寫字樓就多客喎?

這時才醒起灣仔今非惜比,以前平民住多,現時寫字樓林立,細路時英京酒,隔鄰就東方戲院,睇戲都唔少?灣仔好多回憶.

吃過坐夠,個女付錢,1348離開好想去拍張照,就係小時一張母校照.

淘多多

離開經過間鋪,好多人,三人又貢入行吓,嘩!三層高,乜都有得賣?價錢好平,再睇真啲原來係淘多多,於是三人一掃成箕嘢走.

修頓廁所

離開尿急到爆,嗱淋趕去修頓球場揾廁所,去到竟然要上6,7級樓梯,真攞我命,廁所尚算乾淨,哈,竟然還有踎廁?可想而之修頓球場以前係工人階級多.

母校

搞掂下來蒲出電車路,就是這裡拍張新舊對照,就在這裡讀完小六,成績太差到,連畢業証書都無.

拍完這張對照,行回大有商場對面1711,搭182巴士返沙田.

塞車

誰知等極都無車?人又攰膝又痛,原來中環華懋大廈火燭大塞車?人龍越等越縮,啲人走晒去搭地鐵,膝痛我寧願等好過.

八婆執著

1744終於有車到,滿已為會好爆啦?誰知係部相當吉既車?

來到前面部101稍為頂住,但所差無幾?車門停正我面前,距離排頭位5,6個位,可能司機見塞咗太耐,唔想等前面部101走,就打開度上車門.

見車吉位多,人又累,排頭又未到?於是一個戰步上車?嘟咭期間,佢老母吖排頭位條八婆,走來拉住我?大聲話我打尖,我話打你老母,亙罵媽一輪,佢走咗上樓上.

我打尖係唔啱,但司機又唔停嚮條隊頭?部車又咁吉,條隊得嗰10個8個人,又何必要咁執著?部車咁吉,上遲上早都有位坐.

傷臂

剛才被佢一拉,手臂有少許刮瘀,本來係好少事,但我對玻璃手,被佢一抓,瘀血化開到大撻.

薩莉亞

返到沙田6點幾鐘,去商場食咗至返歸,星期六大家樂滿晒,又唔太肚餓,1845三人上咗去薩莉亞.

1913食咗三個菜,吃過坐夠,個女付錢.

惠康

離開又話行惠康,原來今日買夠168就88折,老婆掃咗221.2蚊返歸.

回家

回家2012三口出咗街未返,我都嗱淋沖個大熱水涼,9點零三口返,涼後我都上床備瞓,10點鐘個女都返歸.

2025/10/09(四)失眠/早醒,個仔假,大家樂早餐,午yt瞌,茶吉野家,商場,晚飯5人食.

昨晚馬有睇無賭,11點半鐘瞓,0117醒去所,順手啪兩粒草餅瞓,再瞓0355醒所,又再瞓5點鐘醒,又瞓不返?捱到0545起飲包杞子紅,依然瞓不返賴床到8點鐘起床.

起來兩粒草餅似有料到,大來叫做好些.

今早應成老婆外出早餐,洗個面兩老辦妥早上一切,0940出門.

0950到大家樂,老婆32餐我33餐.

吃過坐夠老婆買餸,我大事到先行返歸.

回家辦事,搞掂1137,剛好老婆買餸返,買咗83蚊菜料返,失眠我都攤床yt瞌吓.

一瞌兩點半鐘平板無電,起來一於同老婆過市廣場下午茶兼行吓.

成3點鐘出門,搭程巴士廣場,咁晏以為大快活會有位啦?誰知一人一桌?嘥氣!於是同老婆過好運食吉野家.

吉野家1540兩個茶餐57蚊,吃過坐過行商場,大生超市1633買有椰子水兩支26蚊,到期燕麥奶兩盒22蚊走人.

商場行到尾見有匯豐機,又手機提吓款.

搞掂諗住同老婆踱吓公園,行出來見個太陽咁猛?都係咪搞?都係彎過沙田中心,繼續商場,360老婆買3包棗仁批77蚊,離開便順住踱去廣場站,1716搭程車返歸.

回家1732,個仔在家砌緊佢至愛,1815個B放補習,佢老豆出門去接.

父女吃過麥當勞1850才返到,佢倆回來我都沖涼,涼後入房攤床寫寫blog.

2010嫲嫲叫開飯,嫲B我三人食,個仔倆留湯飯餸.

2025/10/08(三)失眠,鬼砸,寶貴兩粒鐘,新抱假,電腦備份,午瞌陣,荼大家樂,惠康,晚新抱煮5人食.

昨晚兩粒草餅,11點鐘瞓,0412醒所,又瞓不返,捱到0510,為有寫未完blog.

一寫6點鐘,又嚐試瞓過,瞓著竟然畀鬼砸?係咁拉住老婆,你叫醒我啦?老婆無動於衷,心諗唔通就咁永遠?後來無再掙扎醒咗.

已經7點鐘,又刻意瞓過,又畀我瞓著,到醒已經9點鐘,非常好.

賴床0920起床,如常搞早餐,新抱湊B回來沖涼,多口講句龍頭不用扭得太實,龍頭89年裝至今,非常耐用,扭太實止水墊會好快玩完.

不知她有心定無意?沖完涼出來問我?咁實是否正確?於是親手擰吓?ok,又解釋吓,關龍頭後花灑有水尾,係花灑內氣壓問題?你老公教落,用手輕按花灑出水位,加快空氣到,水便過滿流出.

多口後1002早餐,餐後辦事叫做有啲?昨晚睡前兩粒草餅無料到?

事畢又電腦備份,一搞成1點多鐘收機,走去yt瞌吓.

3點鐘嫲嫲接B放學,跟住送去補習社,我就yt一瞌成3點半鐘落大家樂.

大家樂1549會合老婆,我就食個29蚊餐,老婆過麥當勞10蚊買杯咖啡.

吃過坐夠上惠康,買有香蕉12.2蚊,麵包22蚊,雞蛋兩排43.2蚊,鯰魚柳兩包28蚊走人.

回家𨋢堂遇著個仔返,帶有淘寶嘢返,回家1716,淘寶嘢全部都係個老母的,買有鞋同衫?跟住新抱返,買咗成車仔餸料.

回來新抱跟手搞晚飯,我都早點沖涼,涼後匿嚮房睇電視,6點零個仔落補習社接B.回來衰豬猛咁食零食.

2015新抱開飯,5個人食,地方有限,我還是裝開食.

1815佢老豆補習社接B返.

2025/10/06(一)早醍/神可,新抱返工,整日搞電腦備份,荼大家樂,惠康,晚飯4人食,

昨晚11點瞓,0210醒所,0506醒所,就瞓不返,賴床8點多起床.

如常烚水搞早餐,0917早餐,0950新抱返工,老婆蒲頭洗晾,之後又返回床煲劇.

餐後辦埋件事,又拿部手提出來備份手機相,12點鐘老婆煲完劇蒲頭.

多年手機相,備份到電腦,搞到1344老婆開餐要枱,我為有搬入房再搞,老婆又追要食些.

1500老婆去接B放學,吃點東西便送去補習.

稍後3點零鐘,我才落大家樂會老婆下午茶.

3點零出門遇著鄰居X太返,又八吓梁太件事,傾咗陣成3點半才下去. 

大家樂老婆32餐我29餐,吃過坐夠上惠康.

惠康掃有澳寶沐浴露3支裝53蚊,三皇雞45蚊,柚7.8蚊同兩排蛋48蚊,合共153.8蚊,街市菜30蚊返歸.

回家1700,老婆著手搞晚飯,個仔就已回來,6點多佢老豆接B返.

1945開飯,煲有老火湯,雜菜蒸雞,個仔嫲B我4個人食,我還是裝開食.

飯後8點多鐘新抱返,三口有節目出門.

2100抬頭窗外,明月高高掛.

2025/08/06(三)早醒/麻麻,腰骨突然超痛,房署修補廁所天花,三口蒲頭,茶麥當勞,惠康,晚兩人食.

昨晚11點鐘瞓,一覺今晨5點鐘醒所,個仔還未瞓,話飛機遲,一遲再遲喎?成3點幾鐘才返到來?

聽後我都返床再瞓過,但係瞓不返?收音機賴床,0820起床.

起來腰骨痛,今日房署上來修廁所天花石屎碌落,我都嗱淋辦事烚水搞早餐.

0911早餐,餐後0935房署工人到,嗱淋叫老婆起來幫手清走廁所有什物.

0950房署開工,砲仔先行咗輪,特別英坭沙補咗浸,12點鐘回來補多浸,1230完成,稍為清走泥頭就完成走人.

之後我同老婆搞清潔,腰骨痛搞餐懵,攪掂成一點多鐘,新抱B蒲頭.

搞輪清潔腰痛又累,好辛苦?我都攤床yt瞌吓.

一瞌3點幾鐘,老婆叫下午茶,1611食麥當勞,兩個餐40蚊,吃過坐夠上惠康,買有鮮奶兩盒34.2蚊,方包10.7蚊,鯖魚柳兩包22.5蚊,1752走人.

回家1805,三口出咗街,夜老婆煮兩個餸,我就淥扎麵食,1945兩個人食.

餐後三口子返,我都攤床寫寫blog. 

2025/06/01(日)早醒/神差,個仔倆放假,三口子北上,個仔睇牙,晚二人大家樂.

昨晚出埋編blog成11點半鐘瞓,夜所兩,0545醒就瞓不返,手機賴9點鐘起來.

如常烚水搞早餐,0947早餐啲友才陸續蒲頭,個仔新抱放假,準備北上,個仔睇牙.

三口子成1127出門,我都攤床yt瞌吓.

一攤又3點鐘,諗住叫老婆下午茶,誰知老婆話,今晚得我兩食唔煮喎?夜點食埋飯算喎?

唔煮就落去行吓,睇吓食啲乜囉?老婆帶埋啲膠樽同廢紙落街,放環保箱,商場入埋樽.

老婆就叫麥當勞食雪,老婆17蚊買咗杯兩份食,食過夠成4點多上惠康行吓.

行咗陣就門口張椅坐,坐到成6點鐘才落大家樂,老婆53鐵板扒餐,我就47蚊焗雞扒飯.

飯未到有一家人到,埋收銀度,條細路走到收銀呀姨度前,好想同收銀打招乎,但收銀好忙,但條細路踱前踱後等,嗰種神情好好笑,收銀姨又唔得閒理會.

後來我手機相比收銀姐睇,呀姐嗱淋拿去比佢家人睇.

唉!個飯認真唔掂?焗飯唔夠熱飯又硬?食咗大半都放棄,同老婆坐到7點鐘都走.

回家1915,早點沖涼準備好睡前一切,睇電視待瞓覺.

2208三口子返.

2025/05/31(六)端午節,新抱返工,個仔假,午yt瞌,茶大家樂,晚飯5人食.

昨晚成12點鐘瞓,夜所三就今早0748醒,手機賴床0945起床.

起來新抱忙返工,我就如常辦事跟住搞早餐.

1027早餐,個B蒲頭,揾媽咪喎?後來嫲嫲蒲頭招呼佢,餐後番烚嫲嫲包幾隻糉,似樣啲拍張應吓節.

搞掂後我都攤床yt瞌吓,1點多鐘個B拍醒放假老豆,結果佢老豆捉佢入房做功課.

我就攤床yt到3點多,老婆來叫下午茶.

1530到大家樂,無嘢啱食,就食半份司冶餐,老婆檸水43蚊.

吃過坐夠街市買餸,買時個仔來電叫買麥當勞,49外賣53蚊餸菜返歸.

回家1703,衰豬做完功課在畫畫,衰豬要畫敖丙喎?於是Ai揾比佢,佢有佢畫我都早點沖涼.

2055老婆叫開飯,嫲嫲B我三3人食.

個仔新抱留飯餸.

2125新抱返開飯.

2025/05/28(三)睡可/好啲,富豪新光中土聚,有史以來,累得我C,晚飯5人食.

昨晚11點半鐘瞓,夜所三劑,今早7點半鐘醒,賴床8點半起床.

起來如常搞早餐,新抱忙返工,0921早餐.

餐後辦埋件事就攤床yt陣,老婆就去買餸.

1135起來,單車過富豪花園,新光酒樓中土聚.

約咗12點鐘,單車去到天橋𨋢以經1206.

上到酒樓1210呀何,同雙成到咗,老馬稍遲咗到,陳成急不及待落單開餐,威哥最遲到.

6條友無所不談,傾得好投契,一傾又兩點半鐘,1433又係威哥找數.

雙成呀何不同路電梯向下走,我同馬就天橋走,威哥去所出來,我就講聲多謝威哥才拜拜.

同馬離開行出天橋,見地下呀何還在等巴士,於是叫住佢,意猶未盡再吹下水,好衰唔衰遇著寶成還未走,寶成極度長氣,講埋啲唔啦更嘢,於是借題撇甩佢.

我三條友行前王屋公園仔坐,又參觀又坐吹水到1717才走.

拜拜後回家1745,攰到我呀媽唔認得,有史以來未試過咁攰?個仔正篤B做功課,我就嗱淋沖涼攤床唞吓.

2023老婆開飯,嫲B我開飯,個仔同新抱留飯餸.

2025/05/23(五)睡可/有夢,新抱假,早晚百份百,走轉大圍,買個榴槤一手血,麥記雪糕.

昨晚11點幾鐘瞓,夜所兩今早0745醒,賴床8點半鐘起床.

起來早餐懶煮,老婆唔返對,兩公婆搞掂一切.

1009到百份百,老婆46餐,我39餐,吃過坐夠1119走人.

離開見前日惠康龜苓膏特價20蚊兩盅幾好,於是再買,他媽的?今鋪16蚊兩盅,唉!幾時叫做平?真係考起,於是買4盅走人.

街市無靚蕃薯?於是同老婆行轉大圍街市.

1134老婆搭車,我就單車,過到大圍1145,稍等老婆到,兩公婆昅輪魚檔,就街市櫈坐休息.

面對廚餘機坐,見兩條食環清潔工,大袋廢菜不停分開入廚機,而手上10多張廚餘咭,真係打銅食銅,打鐵食鐵.

坐到1220我都走,過對面街市,行轉買有紫蕃薯兩袋12蚊,腐乳樽18蚊,甜豆兩包15蚊,香蕉梳10蚊.

最後見榴槤40蚊個,以為挑個開口較細啲,誰知右手拿起,粒掟一甩,左手不其然的接住,大鑊?隻手針到密蜂竇一樣,係咁標血,賣的好快以經遞張紙巾來?當堂緊握拳頭,喜歡影相我都不敢郁.

買後1250離開返歸,1320到城河學校邊觀景台,兩公婆一於食Q咗佢,吃後坐夠返歸.

返回自己商場,1507兩公婆麥記食杯雪糕呻吓笨七氣.

回家1648,累得我C,新抱B執緊游泳嘢去游水,而個仔剛好返到,我就攤床yt瞌吓,6點多7點老婆同個仔,叫落商場食飯.

1853百份百三人食咗226蚊.

8點鐘離開,傾盆大雨,回家2020.

2133新抱B返.