昨晚12點前都瞓,一覺今晨6點鐘醒,老婆返工,我都起來出廳梳化挨住瞓,瞓陣去個大,奇怪以經7點20分,還未見個仔返工?於是拍門,原來唔知醒,好在都趕得及喎.
耀個仔出門後無所事,我又在梳化再瞓過,挨響梳化一瞓9點半,才搞早餐食,吃過早餐百無聊賴youtube煲劇,煲輪劇唞番吓,見無聊不如整番條電視天線,駁去床尾部電視,搞掂條天線又12點鐘睇楚漢.
看完楚漢去邊處好呢?都好耐無揾過老馬,於是至電過老馬,唉!接通問聲,原來剛啱瞓醒,喱位朋友日日如是,日夜癲倒 ,問過得閒,我就上來同你敍敍.
打完個電話正想出門,我頂吖?竟然傾盆大雨,無偈,為有等停兩才出門,一等成兩點鐘停雨,到落到街又遇樓上街坊陳太,嗌骨痛,於是介紹我用開隻消炎藥過佢,在手機掹摷張相過佢,摷一大輪才找到,讓佢手機影手機相過佢.
過到小巴站,唉!等餐懵才有架車,但係爆滿,第二架又係爆滿,唉!已經2點20分,再係爆滿就唔鬼上去,後來下架有位,上到去以經2點50分,老馬以在酒樓等,還有佢幾個街坊常客,我叫個义燒湯麵茶餐,飲奶茶24蚊.
吃緊其間,見個街坊講腰痛,想話介紹自己隻消炎藥過佢哋,但諗吓?都唔太熟絡,都係無謂,
食完碗义麵,而街坊都陸續離開,就同老馬傾吓偈,大家退休拾幾年,朋友都無乜幾個,要講都係大家近況,呻吓身體病痛,又講吓最近旅行,旅行少不免睇吓手機相,由於自己將轉台過中移動,於是用吓佢部手機上網試吓,睇吓速度能否接受,睇吓youtube又ok啵,問佢手機用邊個台,佢又話唔知道,只說月費88蚊,照計88大概都係中移動ggy ?
佢部小米機,唔多識用,再睇佢桌面,嘩!犀利乜apps都有齊,連fb都有,內裡好多相,問吓佢,佢話唔知啵,於是解釋過佢知,佢又話我都唔睇既,唉!真係嘥氣,我問?你個仔幫你開架?佢話個新抱搞喎,哈!你新抱對你真係好,連fb都同你開埋,重成日幫你up day,.
唉!佢有上網手機以經年幾兩年,還是乜都唔知,只懂得watsapp同寫幾隻字仔,我又唔明小米上網用個咪搜尋,硬係唔靈,出不到我所講的網頁,唔通要說普通話?但試過都係唔得,一傾又4點多啲鐘,我來找數49蚊.
送我到車站其間,問佢幾時一起去探萬昌呀?佢話最近周身骨痛,我話有隻藥,我就萬試萬靈,你有無興趣試吓,想話摷張相過佢睇,但小巴到,為有等陣watsapp過你.
離開廣源邨,返回自己屋邨,老婆亦剛啱放工到,問佢過不過大圍,又話唔去,為有自己單車過大圍.
大圍行轉街市買有方包9蚊,枸杞菜兩扎10蚊,南瓜半邊4.6蚊,瘦肉10蚊.
回家以經5點半鐘,上輪網夜點煮飯.
料有鹹雞一舊約6蚊,枸杞菜10蚊,南瓜約1.5蚊,瘦肉10蚊,牛仔骨?
鹹雞南瓜焗飯.
南瓜雞7.5蚊
香煎牛仔骨
瘦肉滾枸杞20蚊
南瓜鹹雞飯.
4個人食,今餐唔計個牛仔骨,大約27.5蚊
飯後果西瓜
金純8公斤66.9蚊,ritz餅三盒39.9蚊. 
夜煮飯,今晚餐料鹹雞一舊約6蚊,魷魚半條3.8蚊,紹菜約6蚊,南瓜2.1蚊,粉絲1包2蚊,蝦米4蚊.
南瓜飯 
鹹雞焗飯
蝦米粉絲煮紹菜
蝦醬蒸魷魚 
4個人食,今餐盛惠24蚊 
飯後果車厘子
