2026/08/23(日)睡可/多夢,新抱假,午yt瞌,三口生日會,游水雷暴撲空,茶大家樂,惠康,晚飯兩人食.

睡可/多夢~昨晚10點鐘都上床備瞓,0056醒去所,再瞓0500醒去所,之後就瞓不返,為有手機賴,0644試圖瞓過,結果要同樣要手機賴,到9點鐘起床.

早餐~起來如常烚水搞早餐,老婆蒲頭,0955我早餐,餐後辦事,昨晚大量椰菜下,叫做好些.

寫卜~事後寫寫blog,一寫12點鐘,新抱B蒲頭,人多關係我都收機,收機後索性攤床yt瞌吓.

午瞌~一瞌1300起來,見好太陽,諗吓都係游得就游,免得到時又雨又雷?穏陣啲check吓有無雷暴?見暫時無,於是執嘢去游水.

三口生日會~而母女蒲頭有節目?個B同學仔生日會,見佢執埋游水嘢,浮板都兩件,馬鞍山泳池兼生日會.

Go Ma唔準~我就執好嘢,1點多啲鐘出門,落到巴士1326,Google Map顯示即時有車?誰知要等到1334才有車.

雷暴/黯然離開~過到泳池1359假期9蚊雞進場,更衣室搞掂一切,正上池面熱身,他媽的,聽到廣播雷暴生效,不許下水,再check吓雷暴1400~1600,無偈為有換回衫走人.

茶大家樂~離開泳池等到1438有車返歸,返回邨口下車,約同老婆食大家樂,大家樂稍等1515老婆才到,1528我食個燒鴨瀨餐,老婆齋飲杯檸水合共40蚊.

惠康/丹尼~吃過坐夠上惠康,買有特價芒果10蚊,冰鮮雞36蚊,全麥麵包22蚊同麥精維他奶兩包20蚊合共88蚊1624離開,老婆唔知邊度學?要煮個鯪魚爆雞?就丹尼20蚊買罐豆豉鯪魚返歸.

個仔會合個B倆~回家1638,攤陣電視,個仔返,1830沖涼,涼後個仔出門去會合佢老婆同女,我就襯屋企空檔電腦寫寫blog.

各煮一個~7點半鐘老婆煮好個豆豉鯪魚雞,就我來煮我蕃茄蛋一煲飯,蕃茄隻蛋一粒同半嘜米.

晚飯~2015開飯,有老婆煮豆豉鯪魚雞,我煮的蕃茄蛋一煲飯.

巨芒~飯後果2059大芒果,10蚊個大大個.

三口返~果後繼視電視,中四七強,冠亞季嘥Q氣,2215三口返,原來佢哋玩到4點鐘,雷暴取消後才進場游水,玩咗粒多鐘喎,然後才生日會,有得游都戥個B開心,佢哋返我都攤床備瞓.

2026/08/22(五)睡差/多夢,新抱返工,老婆覆診,洗衣機返,衰豬捱閙,晚飯5人食.

睡可~昨晚11點鐘瞓,0210醒所,0513醒所,0607醒所,瞓的全夢,賴床冇耐又瞓返,8點鐘醒,賴床0840起來.

夢~夢見同呀輝影相,佢在好斜好高地方,我在好低地方同佢拍,到拍時佢又走咗,又迷路,又見有菲律人,垃垃雜雜實在太多?

早餐~起來如常烚水搞早餐,老婆蒲頭,0926早餐,0950新抱返工.1115老婆出門覆診,個B蒲頭.

洗衣機到/個女到/覆診返~1301洗衣機到,10天無機用煩腦消,跟住個女到,1325輪到老婆覆診完返,老婆返就立即試機.

下午茶~兩點多鐘齊齊下午茶,衰豬又叫麥當奴,結果唔睬佢上咗薩莉亞,叫咗四樣嘢,最後一布丁.

勸不改~布丁又貴又細,勸句衰豬不如麥記食雪糕?衰豬堅持食布丁,好啦.

食出禍~食到1557布丁到,見18蚊件布丁,丁屎咁多?我就唔食,等佢哋食多啲啲,衰豬掛住睇手機,一不小心嚿布丁轆咗落枱,我就火起閙鬼佢,佢猛話唔小心之嗎?谷鬼氣少省佢一輪,省到佢眼濕濕,於是順勢教訓吓佢,我就嬲爆爆的走人.

買餸60~離開後我就街市坐陣才返歸,回家後我就攤床yt瞌吓,1640老婆佢哋返,街市買咗60蚊菜料返.

教訓~我就繼續yt賴住瞓,而姑媽就教衰豬同我道歉,我就一於唔睬佢,之後又走入來爬響我身度,我就教訓佢陣就饒咗佢.

晚飯~6點半鐘個女返歸,2050嫲嫲開飯,嫲B我三人食,個仔倆留飯餸,

2026/08/21(五)早醒/麻麻,新抱返工,午瞌,衰豬懶鬼,茶麥記,遇八婆,惠康,晚飯5人食.

早醒~昨晚9點鐘已經瞓,12點鐘醒所,焗住房內搞掂,再瞓0248醒去所,再瞓0521又醒又所?再瞓就不返,賴床8點半起床.

早餐~如常烚水搞早餐,0919早餐,餐後辦事便秘,老婆蒲頭,1050佢娘返工.

豬蒲頭早餐~1115我都yt攤床,1130個B瞓醒,老婆要攞衫落洗衣鋪,衰豬為有走來叫幫手搞早餐.

洗衣/瞌睡~1205整妥,衰豬開餐,跟住老婆返,話洗衣12磅120蚊,老婆返衰豬佢睇,我都話之你攤床yt瞌.

懶鬼認字~1點鐘攤夠,起來寫寫blog,衰豬又在手機,寫陣blog1430我都收機,篤個衰豬認字,衰豬幾百個唔肯?後來勉強才讀幾個,唉!都差不多3點鐘就由得你.

麥記下午茶~落到商場衰豬要食麥當勞,1431我就魚柳包餐20蚊,衰豬雞腿餐39.5蚊,老婆早前煮咗食,凍咖啡算.

正牌八婆~吃過後老婆去買餸,誰知有條八婆,左大袋右大袋坐落嫲嫲個位,坐無所謂?嫲嫲返我們都走,誰知佢左一大袋,佔咗衰豬1/3個位,其實佢右邊有個隙位兼個無人坐吉位,大把地方.

搞到個衰豬要坐歪一邊?谷鬼氣我就望佢幾吓,佢無反應,於是乎出聲,你可唔可以移番過啲呀,佢好唔順氣講,得?移開後,佢可能見有空位,好負氣抽埋兩大袋嘢捧埋個餐走人.

其實都知今時今日爭拗多,爭襯都係自己啱,所以我都好刻制,避得就避,今鋪實在忍無可忍.

惠康/街市~1640嫲嫲買餸返,惠康買有冰鮮雞36蚊,粟米蓉兩盒20蚊,雞湯四盒20蚊,芝麻醬兩支44蚊合共120.5蚊,街市20蚊三樣菜,回來就齊齊返歸.

各自精彩~回家1650,老婆處理今晚餐飯,我就早點沖涼睇電視,個仔返就砌佢至愛模型,個B例牌轆佢手機.

晚飯~2036開飯,有個B指定粟米羮,手撕雞,蕃茄蛋同秋葵,麻B我三人食,個仔倆留羮飯餸.

2220佢娘返,我都在床待瞓.

2026/08/20(四)睡差/還可,新抱假,整日在家yt瞌,茶新裝麥當奴,清除垃雜,晚飯大家樂.

尿頻/睡差~昨晚10點零瞓,三所四醒,0530就瞓不返,捱輪賴床0810起床.

早餐/辦事~晨早搞搞渠口,換過個網才搞早餐,0858早餐,餐後辦埋件事,叫做好些.

母女蒲頭~辦完事電腦寫blog,11點多床yt瞌,12點鐘母女蒲頭搞早餐.

新裝麥記~睇輪yt成3點幾鐘,同老婆下午茶,等陣食埋晚飯,4點鐘落到新裝修好今日開業麥當奴,老婆又話忘記帶手機?

下午茶/攞衫~又返歸攞過,到返1618食個魚柳包餐,加條蘋果批11蚊,1715老婆洗衣鋪攞返歸,我就等1730老婆返,才轉場食大家樂.

無樣好~大家樂~1743我54蚊支竹雞球飯冬瓜盅餐,冬瓜唔掂熟唔透,差到C,老婆好食唔食54蚊打邊爐?遲遲才有得食,我吃飽老婆還在淥淥吓?冷氣過凍?等到老婆吃過才返歸.

掃除~回家1900,三口在家大掃除,大清唔要玩具垃雜,我就嗱淋沖涼,涼後搞掂睡前一切,9點零我都上床待瞓.

2026/06/30(二)睡可/還可,新抱返工,個B放1220,游水300,茶大家樂,晚飯5人食,新抱氣炸鍋,

昨晚11點鐘瞓,0015醒所.0450醒所,0553醒醒,0715醒

賴床8點半起床.老婆叫外出早餐喎?唉!是但啦,

辦妥朝早一切,9點幾鐘同老婆出門,鄰居隻肥貓剛攤嚮廳度,於是乎撩吓佢,衰貓真的走過來,姐姐見佢恨出來,於是打開鐵閘,衰貓真的走出來,一直去𨋢大堂,嘩!幾驚佢一走了之?於是乎叫姐姐抱回返屋,之後同老婆才出街早餐.

落到商場,老婆選擇食百份百,1006老婆39蚊餐,我就35蚊,吃過坐到1055才走.

回家1120,睇陣電視我都攤yt瞌吓,1245嫲嫲湊B放學返,買有16蚊兩個提子包返,我同老婆每人食半個,衰豬一個又食唔晒?嫲嫲搞掂埋佢.

吃後再攤床yt,諗吓上星期二游過水,至今又一星期?唉!再唔去游又一日?內心掙扎好耐?唉!再唔去游又一日?於是的起心肝起床,嗱淋執游水嘢.

執妥1330出門,趕到出馬路燈位,他媽的剛好轉紅燈,就係咁眼白白走咗部車尾.

冇偈唯有等下班,還好12分鐘下班車到,順利下到泳池,進場前又走去吸吓部放棄單車,依然還在.

看後1415進泳場,更衣室搞掂池面稍熱身,1435下水,不竟太耐無游,還是挨池邊游,50m唞唞再50m的游,游夠300咪,1508起水走人,更衣室搞掂一切,1537離開.

離開行去巴士站,又剛好有車到,1542上車後至電過老婆就到.

好快返回邨站下車,衰豬就從後拍我一吓?原來嫲B老早在站等我.

之後齊齊食大家樂,1621嫲嫲B义燒瀨燒髀餐43蚊,我就米粉餐24蚊.

吃過坐夠1723離開,街市買菜,買有雪藏雞翼75蚊,20蚊三樣菜返歸.

回家1802,我就嗱淋沖涼,老婆就廚房煲落個木瓜雞腳老火湯,個仔返又砌佢至愛模型.

2037開飯,嫲B我三人食,個仔倆留湯飯餸,飯後2115飲我第6劑中藥.

飯後2130新抱返,攞咗個氣炸鍋返來?話萬寧買牙膏送喎?之後佢倆公婆試煱試到夠?我就辦我睡前一切.

辦妥睡前一切,我都攤床準備瞓,誰知個B走入來,趴落床話悶喎?嘩!幾驚佢頭髮濕就咁瞓著?於是乎揾啲嘢佢玩吓,夜嘛嘛就手機摷個手影圖,跟圖玩到吓,玩咗輪佢娘才叫佢出去吹頭瞓.

衰豬出去後,我才寫寫blog成12點多啲鐘瞓.

瞓到0200醒去所,所後好衰唔衰望吓wts,見何基有訊息,於是乎覆吓佢,原來佢睇緊世界波,見佢睇我又摷乜台播?摷輪原來係無免費波睇,為有睇yt袁文傑講波,最終挪威2對1勝科特迪瓦才瞓.