2026/06/09(二)睡好/神麻,朝早一卸,早餐家樂,新抱假,個B試畢,撳機,晚飯兩老大家樂.

昨晚10點半鐘,啪粒樂可舒瞓,4點鐘醒所,再瞓7點鐘醒,fb賴床,9點鐘起床.

起來急不待,昨晚粒樂可舒有料到?急忙洗個面,廁所一除,還未坐下已經爆出,還好爆在馬桶.

事辦妥上磅磅吓,同上次差不多,老婆蒲頭叫出街早餐.

1130返歸,回家樓下聶堂遇新抱B出街,衰豬考試完畢,總算開心吓?回家電腦上網.

成3點鐘同老婆出門,過銀行柜員機撳錢,1533撳妥後見有太陽,諗住踩轉單車郁動吓,誰知老婆叫唔好?唔好就走去老人設施度踩吓車.

去到見有個老人家,晾起腳坐嚮坐度?埋去問聲你踩唔踩?佢話唔踩,就移身坐過隔離,見佢行遲緩慢慢的移過去,離遠見佢好精靈?話佢比貨van撞喎,不過好彩重行得喎?問佢有無得倍?佢話自己唔啱喎?再講吓佢還細我5年?講嘢思維差我好多?

原來佢老人中心等攞飯.同老婆踩吓傾吓1650,係時後晚飯,商場食大家樂.

大家樂1710老婆海鮮焗飯餐54蚊,我就粟米魚塊飯餐56蚊,吃過坐夠1750離開.

回家1800,三口已在家?我都嗱淋沖涼,涼後擦埋幾隻牙仔等瞓覺,1950三口又再度出街?

2026/05/17(日)尚可/多夢,個仔放假,新抱返工,午煎餃子,兩人20隻,茶大家樂,晚飯5人食.

昨晚10點鐘瞓,0225醒所,0535醒所,回來好衰唔衰睇f,b短片,一睇7點鐘,都係瞌番陣,0840醒,賴床0915起床.

起來烚水搞早餐,0950新抱返工,1028早餐,老婆才蒲頭,1042老婆早餐,大大碗米粉.

1140衰豬才蒲頭?嫲嫲跟早餐,我都攤床yt瞌吓.

1300收電腦睇跑馬,見騎師王潘頓有9倍,好想買10蚊玩,再睇吓莫雷拉,出足9場,場場有飛?都係唔賭,日誌累積太多,專心趕埋佢.

1356老婆話煎餃食?是但啦,竟然食完10隻又10隻.而衰豬叫極都唔肯,叫佢老豆起身出街?

終於成兩點半鐘才叫醒放假老豆,搞到成1520父女才出街,

佢倆出街,3點半鐘老婆叫落街行吓飲杯嘢坐吓喎?唉!是但啦,

大家樂1555兩人食個40蚊餐,吃過坐夠,街市買14蚊京葱返歸.

回家

夜2039開飯,嫲B我三人食,個仔倆留飯餸.

2026/03/15(日)睡/多夢,個仔倆假,母女教會,整日在家跑馬,個B温書,茶百份百,母女街街,晚新抱外賣4人食.

 昨晚11點前瞓,夜所一劑,就瞓到5點鐘醒,又瞓不返,睡來多夢,賴床9點鐘起床.

起來如常搞早餐,0946早餐,個仔倆放假,母女教會,個仔在瞓,老婆蒲頭,早餐烚蛋一隻.

餐後辦埋件事我都電腦寫寫blog,12點鐘個仔電話到,出外會合.

12點半鐘馬開跑,就睇跑踱,1410個女到.蒲一蒲就走人,老婆話佢去咗車公廟還神喎?

3點半鐘老婆叫下午茶?剛出門就遇著三口返,1535同老婆食百份百,老婆36餐,我就42餐.

吃過坐1625離開,上惠康買麵包13.5蚊,買後老婆約咗個女街市買菜,我就商場等.

買菜後母女街街,我就自行返歸.

回家1721,三口已在家,個B佢娘督住温書,我就入房繼續睇跑馬.

一直睇到1800馬跑完,今日投注30蚊,中回10蚊騎師王,派22.5蚊,實輸7.5蚊.

馬跑完沖涼,涼後唔夠瞓,在床瞌咗好一陣,新抱問叫外賣?我就話食些少.

1937外賣到,2003開餐,下午茶冇耐,2010我就食些少.

吃後我都辦我睡前一切,辦妥開電腦寫我今blog,2140老婆返,我都收機待瞓.

新年快樂 身體健康 馬到功成

 

2026/01/26(一)睡可/神可,個仔假,新抱返工,個B放下午,打大杏仁煲木耳,茶麥記,晚飯5人食.

昨晚11點半鐘瞓,0405醒所,又瞓不返?C捱爛捱,去到5點幾鐘才瞓返,0805醒,睡來有夢,賴床8點半起床.

如常搞早餐,0905新抱返工,0926早餐,餐後辦埋件事,老婆蒲頭,睇電視錦心似玉,打大杏仁,1130電腦寫blog.

1230順風來收件,1300嫲嫲湊B返,買有64蚊干炒牛河三個人食.

吃後攤床yt瞌吓,一瞌又3點鐘,個仔瞓醒蒲頭,同個女講價?在家做功課還是返補習社?結果父督女做功課.

4點鐘話之佢父女,我同老婆出門下午茶,1612麥記我就魚柳包餐20蚊,老婆炸雞餐30蚊,吃後每人食杯8蚊雪糕,合共66蚊.

吃後5點鐘離開,街市買餸煙肉40蚊,菜15蚊返歸.

回家1742,處理今早浸下的木耳,落煲後沖涼,涼後啱啱好煲好,1853打漿入樽,之後父女返.

夜2035開飯,嫲B我三人食,個仔倆留飯餸.

2218佢娘返.