2026/09/26(六)睡可/神可,新抱返工,衰豬瞓到1點,茶大家樂,嫲b姑媽街,晚外賣兩人食.

昨晚11點前都瞓,兩所四醒0522就瞓不返,捱到0548為有手機賴床,9點鐘起床.

起來如常搞早餐,0941早餐,餐後辦埋件事,電腦寫寫卜.

衰豬昨晚玩到成1點鐘返,今早瞓到中午1300蒲頭,嫲嫲跟佢早餐.

寫卜到1411收機,兩點多下午茶,三人食大家樂,71蚊餐三人食,在吃其間姑媽來電,要個B出街,個B星期一返學就要墨書,個B放假幾日,全都是節目玩,今早以瞓到中午1點,而家又話要出去,谷鬼氣發勞嘈輪,衰豬好生性知道勞氣,主動挨過來攬住我,姑媽可能預咗些節目,還是都要去.

返歸後切開椰青繼續切埋佢,1645嫲B門會姑媽,1715搞掂三個椰青放雪柜,剛好個仔返.

今晚新抱有飯局食咗返,嫲B跟姑媽食好嘢,今晚得我同你倆個食,我又唔太餓唔想煮,後來個仔話,7點多要入錶,不如買外賣.

1948個仔返,買有大家樂四寶飯,燒賣腸粉,吃後嫲嫲B返,衰豬好生性自動拿墨書出來温,温不到一陣,嫲嫲叫佢沖涼,見佢老豆得閒,我都費事理走去瞓.

2026/09/25(五)中秋節,食吉野遇怪人,趌跛跛行公園,晚餐大家樂,惠康,回家中秋節快樂.

睡還可~早醒~昨晚11點鐘瞓,0238醒所,0537醒所,就瞓不返到0623,才瞌番陣,手機賴9點鐘起床.

早餐/電視~如常烚水搞早餐,1019早餐,新抱放假,餐後辦埋件事睇電視玉林春,一睇1130電腦上上網.

咪搞~12點鐘攤床yt瞌吓,兩點鐘老婆話去石門下午茶,咪搞一來人多,二來去到到三點鐘,於是胆粗粗叫佢行公園.

撳錢/小巴怕怕~兩點零出門,去銀行撳撳錢,撳後1437搭程小巴過好運中心,他媽的,不停煞開,趕頭趕命,到站唔停定都唔敢起身落車,有得揀我都唔會搭.

吉野/神神化化~1457兩公婆食吉野家,老婆33蚊餐,我就27餐,坐落怪人年年有今年特別多,左邊枱有個怪女人,個口岩岩巉巉,人腎腎地,同佢面對朋友講茶有味,叫佢朋友嚐吓,又話會唔會有毒喎?之後又倒落自己帶來個壺度,跟住又話走,誰知又叫佢朋友攞多杯來,攞到來又話綠茶味,好唔掂喎?之後又倒埋入個壼度才走.

外省人~而右手便個係外省人,嘩!講電話聲大到無論?講得又長,唉!發覺喱10年8年,沙田多咗好多外省人,原來等個孫放學,記得好年前北上福田睇牙,碰口碰面都講廣東話,同沙田相反,我區好多中學生都係講普通話.

野鴿~餐後離開兩公婆就開始公園之旅.1556來到公園邊,鬼咁多麵包皮,明顯有人餵鴿,啲鴿啲人行到埋埋,佢都話之你?

公園/踱馬~掟個彎落到公園1603,大熱天時人極少,遠遠有個老人家,埋頭係咁寫係咁睇?埋到去一昅,掉!係踱馬仔,還以書法家?

普通話影相佬~之後1605遊樂場坐,1619見有人影婚紗相,影相佬大講普通話?九成九深圳黑工影相佬,坐輪繼續行.

無花燈中秋~1650來到廣場,以為有花燈啦?原來係無,到夜晚有都聊聊可數,

瀝源橋/靚天空~經過後1709向瀝源橋進發,腳唔掂趌跛跛的我,行吓有得坐就坐吓,行到平時來的,城河第一花園,坐輪又繼續行,1822來到沙田聯動大工程,個天好靚,回頭頭望望博康邨,月亮出來了.

坐龍頭/食大家樂~捱過埋個超級工程,溱八街頭水龍頭又坐吓,坐輪又繼續,1757終於捱到大家樂,1913老婆61蚊餐,我就51餐,吃過坐上惠康.惠康13.5蚊買嚿麵包返歸.

回家2040一出𨋢,三口正出動,今晚個中秋節,回家我都嗱淋沖涼,涼後擺開個陣拍張照.

2045伸頭望吓個月光,希望下來,平平安安,健健康康,已經心滿意足,

望完月光開餐,食個月餅,食個芋仔,切埋個柿,搣埋隻無花果,咁就完滿開餐過中秋.

火

2026/09/25(五)八月十五 中秋節

 

2026/06/30(二)睡可/還可,新抱返工,個B放1220,游水300,茶大家樂,晚飯5人食,新抱氣炸鍋,

昨晚11點鐘瞓,0015醒所.0450醒所,0553醒醒,0715醒

賴床8點半起床.老婆叫外出早餐喎?唉!是但啦,

辦妥朝早一切,9點幾鐘同老婆出門,鄰居隻肥貓剛攤嚮廳度,於是乎撩吓佢,衰貓真的走過來,姐姐見佢恨出來,於是打開鐵閘,衰貓真的走出來,一直去𨋢大堂,嘩!幾驚佢一走了之?於是乎叫姐姐抱回返屋,之後同老婆才出街早餐.

落到商場,老婆選擇食百份百,1006老婆39蚊餐,我就35蚊,吃過坐到1055才走.

回家1120,睇陣電視我都攤yt瞌吓,1245嫲嫲湊B放學返,買有16蚊兩個提子包返,我同老婆每人食半個,衰豬一個又食唔晒?嫲嫲搞掂埋佢.

吃後再攤床yt,諗吓上星期二游過水,至今又一星期?唉!再唔去游又一日?內心掙扎好耐?唉!再唔去游又一日?於是的起心肝起床,嗱淋執游水嘢.

執妥1330出門,趕到出馬路燈位,他媽的剛好轉紅燈,就係咁眼白白走咗部車尾.

冇偈唯有等下班,還好12分鐘下班車到,順利下到泳池,進場前又走去吸吓部放棄單車,依然還在.

看後1415進泳場,更衣室搞掂池面稍熱身,1435下水,不竟太耐無游,還是挨池邊游,50m唞唞再50m的游,游夠300咪,1508起水走人,更衣室搞掂一切,1537離開.

離開行去巴士站,又剛好有車到,1542上車後至電過老婆就到.

好快返回邨站下車,衰豬就從後拍我一吓?原來嫲B老早在站等我.

之後齊齊食大家樂,1621嫲嫲B义燒瀨燒髀餐43蚊,我就米粉餐24蚊.

吃過坐夠1723離開,街市買菜,買有雪藏雞翼75蚊,20蚊三樣菜返歸.

回家1802,我就嗱淋沖涼,老婆就廚房煲落個木瓜雞腳老火湯,個仔返又砌佢至愛模型.

2037開飯,嫲B我三人食,個仔倆留湯飯餸,飯後2115飲我第6劑中藥.

飯後2130新抱返,攞咗個氣炸鍋返來?話萬寧買牙膏送喎?之後佢倆公婆試煱試到夠?我就辦我睡前一切.

辦妥睡前一切,我都攤床準備瞓,誰知個B走入來,趴落床話悶喎?嘩!幾驚佢頭髮濕就咁瞓著?於是乎揾啲嘢佢玩吓,夜嘛嘛就手機摷個手影圖,跟圖玩到吓,玩咗輪佢娘才叫佢出去吹頭瞓.

衰豬出去後,我才寫寫blog成12點多啲鐘瞓.

瞓到0200醒去所,所後好衰唔衰望吓wts,見何基有訊息,於是乎覆吓佢,原來佢睇緊世界波,見佢睇我又摷乜台播?摷輪原來係無免費波睇,為有睇yt袁文傑講波,最終挪威2對1勝科特迪瓦才瞓.

2026/06/23(二)失眠/麻麻,個仔放假,新抱返工,26年首度下水,告別近5年單車,茶百份百,惠康,晚飯5人食.

昨晚11點鐘瞓,3點鐘醒去所,鼻水鼻塞又到瞓不返,起來飲杯熱水,熱毛巾敷吓個鼻,之後墊起個人,挨起個身瞓過,捱輪都係瞓唔著?為有手機寫埋篇Blog,0430又嘗試瞓過?捱大輪瞓返?到0705醒.

賴床9點起床,如常搞早餐,0945老婆蒲頭,0950新抱返工,0956我都早餐.

餐後辦埋件事睇電視,夢華錄大結局,看完攤床yt瞌吓.

一瞌點多啲鐘,多天來話游水?都無去?今日一定要去,執妥一切游水嘢出門.

1330車場攞單車,大陽超猛,望吓馬路同個超級大工程?都唔知點穿過去?超熱天氣?真係好想打退堂鼓,萬事俱備,C就C啦.

於是先試吓最近沙田頭方向踩去,一踩入去,路窄高高低低,迂迴曲折的上到去,佢娘親吖?掘頭路?靈基梯口過啲就無?為有掉頭返回.

折返後踩過對面溱八,過到溱八見有兩單車客同方向,於是乎跟踩,一跟下穿過神學院對面,我就熟路,順利無比1353到泳池.

成半年無來,1356進場,入到更衣室,嘩!新裝修,儲物柜沖涼格煥然一新,非常靚.

更衣室搞掂一切,池面稍熱身,1420下水,膝痛太耐無游,挨住池邊,小心翼翼的游,50m唞輪又50m的游,超猛太陽下,湊夠300m後,1500起水走人,好衰唔衰,水梯太企把上須力?可惜手無力,手就枕落水梯頂,一銀手又瘀晒,返回更衣室,搞掂沖涼一切,1530離開.

出到去攞單車,開鎝後一推,他媽的前呔爆咗,點搞?諗咗輪,唉!年紀老邁,再踩意外就大鑊?單車遠在泳池?要修亦困難?諗落都係告別單車,攞回把鎝同鉄鍊,巴士站搭車走人.

告別單車2021年7月4日回來,差10日足5年.

1550到巴士站剛好有車,返回站下車,1607至電老婆下來,齊齊食百份百,老婆39蚊世界波餐,我就瑤柱蛋白炒飯餐47蚊.

吃過坐夠上惠康,買有廁紙兩條48蚊送廚紙,泰大蛋兩排44蚊,離開街市買49菜返歸.

回家1757,個仔湊完個B已在家,我就早點沖涼,老婆神經痛叫我煮餸,可惜我都累到C,攤輪2051老婆叫開飯,嫲B我三人食,個仔倆留飯餸,2120新抱都返.