早晨糯米雞,整劑木耳漿,走轉旺角街市302,他媽的減價變加價,下午茶又係呀大,晚飯老婆主理,煲粥炒爛米粉.

幾天來未有覺好瞓,昨晚好早11點零便瞓,夜所兩劑就瞓到今早8點鐘,凍凍哋賴到9點鐘,睡來尚算覺好,洗個面無麵包無早餐,為有拍醒老婆落商場找呀大, 水牌望來望去,餐餐22以上,為有又篤個25蚊糯米雞餐,老婆22蚊食個通粉餐.

 餐後回家,上輪網又搞嘢,救命木耳都好耐無食,未雨綢繆都要整番劑,有昨晚浸下黑豆,紅棗,木耳,黑芝麻同幾片薑.

 煲佢粒鐘.

 一小時後.

 攪拌機打爛,攪成糊.

 放雪柜慢慢食.

兩點鐘諗吓挨年近晚,不如出旺角街市,看有什麼好買,於是同老婆搭程出去,旺角街市下車,行轉週邊街市,買吓買吓兩大袋,孭得我CC.

買完諗起1月16日旺角道買咗套花灑85元,試過相當超值,超值到買個花灑頭都唔得,於是再行去諗住買多套做士啤.

 去到重係歲晚清貨,標榜7折一件不留,諗吓今次應該重平?

埋去一睇,嘩!85蚊買到108蚊?另隻75蚊賣到98蚊?諗住7折計埋差不多,誰知一問,就係嗰個價,我話上次買才是85蚊,還貴咗23蚊?佢話上次promote喎,有時大減價既嘢,真係信唔過.

 

1月16日買時價錢.

 當然唔買走人,積分關係,兩公婆又去找呀大,我就餐蛋飯餐,老婆永遠食貴啲上海炒麵餐.

 孭住兩大袋,搭程車回家已5點鐘.

買有牛奶果兩個15蚊,韓國柿一盒12蚊,韓國柿乾一盒15蚊,有花煎堆一對10蚊,兩包花生20蚊.

 

濕貨有娃娃菜三包8蚊,大磨菇10蚊,秋葵1包10蚊,白磨菇兩包15蚊,豬柳梅扒8塊32蚊,自己街市芽菜2蚊,老薑6蚊,合共消費302元

 

炒米粉有芽菜,雞絲,葱同米粉.

 

夜老婆主理,有燒豬骨頭4色米粥.

 芽菜雞絲炒爛米粉.

 三個人食.

飯後果柿子,試試牛奶果.

好甜似牛奶味,好食不過貴一啲.
韓國柿又係正,好甜,12蚊有8隻,算抵食.