今日瞓到10點鐘,鼻敏感無食藥幾天,今早個鼻好唔掂,不停流鼻水同打噴嚏,搞到要我呻足成朝,耳鳴看來又有變化,好可能又轉回左耳都似?幾天來尚算鳴得不太嚴重,有事稍為集中些都唔多覺.
食過早餐便寫卜,有事唔做完硬係唔安樂,編卜實在多嘢寫,一寫又兩點多鐘,總算出埋編卜.
個仔昨晚來,話腰痛喎,於是剩餘幾粒消炎藥,比埋過佢,消炎無晒就要買,於是帶埋個盒同老婆搭程小巴過顯徑.
過到顯徑商場,老婆話大乜有積分,咁就大乜食下午茶餐,吃過下午茶坐陣,便去藥房買消炎藥,無加價同樣100元盒.
離開藥房同老婆踱去大圍,路程相當遠,過到大圍火車站,花糟邊幾大坐吓,見有人排晒隊,原來有人免費代人貼手機貼,又會有人咁無私奉獻,又要比隻手指公過佢.
離開車站行去街市,途中雜貨鋪,竟然追上潮流,有賣黑蒜,不過好貴,獨子黑蒜6粒裝賣18蚊.
行到來街市,腳以經超資,為有揾麥當奴叔叔,食杯雪糕歇吓腳.
坐夠就買餸,買有早餐方包8蚊,惠康特價蕉7蚊,芽菜2蚊,韮王3蚊,生菜4.5蚊,魚仔15蚊,大眼雞兩條35蚊.
今晚餐料有生菜4.5蚊,大眼雞食一條17.5蚊,韮王3蚊,雞蛋三隻蚊,芽菜2蚊.
蕃薯飯.
芽菜韮王蛋.
蒸大眼雞
蠔油灼生菜
三個人食,今餐大約30蚊
飯後果木瓜
黑蒜真係賣得幾貴，，
回覆刪除互聯網威力囉,好似呀蘇節目羅漢果,嘛賣到斷市,佢黑蒜賣到3蚊粒,都幾貴.
刪除我近期條腰又再痛，昨天去大航取回退團費，出已見門囗排了人龍，足足排了45分鐘才可取回錢，放工後直接來，拿完錢2:30都過埋，拿淋找間餐廳医肚，怎知可能是企得太耐，條腰痛到不能唉在椅背，要慢慢移動才能坐好，見你個仔腰痛也食佢，我公司及屋企附近也買不到你這隻，只說話份量相同。我想我可不可以在fb留個地址给你，你给我户口号碼，我入回錢给你，因我很少去沙田，更不知顯徑在那，你可以郵寄隻藥给我嗎？
回覆刪除你隻痛支撐出問題,你要小心,不要企咁耐,我煮飯耐些我都腰痛,休息番就無事,並不是發炎,不過都要小心,不要企太耐,好似我對膝一樣,退休十幾年都係因佢,消炎藥係無用架,你又試過買同成份藥,只不過不同廠不同國家,應該無分別,除非藥房呃你.
刪除我去買都要搭車去,又要包好寫地址,又要去郵局,重麻煩,若果你要買,你行多幾間,揾啲大藥房,無理由無得賣,藥代理無理由得佢賣,唔做生意咩,